សេដ្ឋកិច្ចអន្តរជាតិ
អន្តរជាតិ
ទេសចរសម្រុកទៅទស្សនារាជដំណាក់ Bang Khun Phrom ក្រោយរដ្ឋាភិបាលបើកឲ្យចូលជាសាធារណៈ
×![]()
ដោយ: ថ្មីៗ
រៀងរាល់ព្រឹកថ្ងៃសៅរ៍ អ្នកដំណើរ និងភ្ងៀវទេសចររាប់រយនាក់ បានតម្រងជួរគ្នាចូលទៅទស្សនាព្រះរាជវាំង Bang Khun Phrom របស់ព្រះអង្គម្ចាស់ Paribatra Sukhumbhand ។ រមណីយដ្ឋានប្រវត្តិសាស្ត្រ ដែលមាន អាយុកាលជិតពីរសតវត្សរ៍មួយនេះបានក្លាយជាកន្លែងទេសចរណ៍ដ៏ល្បី ក្រោយពីពេលដែលរដ្ឋាភិបាលថៃបើកអោយពលរដ្ឋទូទៅចូលទស្សនា។
ព្រះរាជវាំង Bang Khun Phrom មានទីតាំងស្ថិតនៅខាងកើតច្រាំងទន្លេចៅប្រាយ៉ា និងជាទីកន្លែងដែលសម្បូរទៅដោយរឿងរ៉ាវប្រវត្តិសាស្ត្រ ស្ថាបត្យកម្ម និងសិល្ប។ រាជវាំងនេះត្រូវបានរចនាឡើងដោយស្ថាបត្យករជនជាតិអាល្លឺម៉ង់ លោក Carl Sandreckzki និងស្ថាបត្យករជនជាតិអីតាលី លោក Mario Tamagno និងលោក Paolo Remedi ។
ភូមិគ្រិះ Tamnak Yai ដែលជាផ្នែកមួយនៃរាជវាំងទាំងមូល មានភាពល្បីល្បាញខាងផ្នែកសិល្បគំនូរបែប Boroque និង Rococo ដែលជាប្រភេទគំនូរក្នុងសតវត្សទី១៨និងទី១៩។ លើសពីនេះទៅទៀត ភូមិគ្រិះ Tamnak Yai បានសាងសង់ឡើងដោយក្បាច់រចនា Stucco លំអដោយជណ្តើរម៉ាប់ដែលត្រូវបានគេដឹងថាជាជណ្តើរដែលស្រស់ស្អាតជាងគេក្នុងប្រទេសថៃ។
បន្ទប់ពណ៌ផ្កាឈូក ជាបន្ទប់មួយដែលវិចិត្រជាងគេនៅក្នុងភូមិគ្រឹះ Tamnak Yai ។ វាជាកន្លែងដែលរាជវង្សថៃទទួលស្វាគម៍ថ្នាក់ដឹកនាំធំៗទាំងក្នុងនិងក្រៅប្រទេស ដូចជាម្ចាស់ក្សត្រី Elizabeth ទី២របស់អង់គ្លេសជាដើម។ នេះបើតាមការផ្សាយរបស់កាសែតបាងកកប៉ុស្តិ៍។
នៅក្នុងភូមិគ្រឹះនោះក៏មានបន្ទប់មួយចំនួនទៀតដែលមានតាំងសម្ភារបុរាណដូចជាព័រសាឡែន គំនូរសេះបែបប្រទេសចិន និងរូបថតរបស់រាជវង្សថៃកាលពីរជ្ជកាលស្តេចរាមាទី៨ និងស្ដេចរាមាទី៩ ។
រមណីយដ្ឋាននេះបើកទ្វារស្វាគមន៍ភ្ញៀវទេសចរទូទៅរៀងរាល់ថ្ងៃសៅរនៅម៉ោង១០កន្លះព្រឹកនិងម៉ោង២កន្លះថ្ងៃ លើកលែងថ្ងៃអាទិត្យនិងថ្ងៃបុណ្យជាតិសំខាន់ៗប៉ុណ្ណោះ៕
ដោយ គី ចំណា
ព្រះរាជវាំង Bang Khun Phrom មានទីតាំងស្ថិតនៅខាងកើតច្រាំងទន្លេចៅប្រាយ៉ា និងជាទីកន្លែងដែលសម្បូរទៅដោយរឿងរ៉ាវប្រវត្តិសាស្ត្រ ស្ថាបត្យកម្ម និងសិល្ប។ រាជវាំងនេះត្រូវបានរចនាឡើងដោយស្ថាបត្យករជនជាតិអាល្លឺម៉ង់ លោក Carl Sandreckzki និងស្ថាបត្យករជនជាតិអីតាលី លោក Mario Tamagno និងលោក Paolo Remedi ។
ភូមិគ្រិះ Tamnak Yai ដែលជាផ្នែកមួយនៃរាជវាំងទាំងមូល មានភាពល្បីល្បាញខាងផ្នែកសិល្បគំនូរបែប Boroque និង Rococo ដែលជាប្រភេទគំនូរក្នុងសតវត្សទី១៨និងទី១៩។ លើសពីនេះទៅទៀត ភូមិគ្រិះ Tamnak Yai បានសាងសង់ឡើងដោយក្បាច់រចនា Stucco លំអដោយជណ្តើរម៉ាប់ដែលត្រូវបានគេដឹងថាជាជណ្តើរដែលស្រស់ស្អាតជាងគេក្នុងប្រទេសថៃ។
បន្ទប់ពណ៌ផ្កាឈូក ជាបន្ទប់មួយដែលវិចិត្រជាងគេនៅក្នុងភូមិគ្រឹះ Tamnak Yai ។ វាជាកន្លែងដែលរាជវង្សថៃទទួលស្វាគម៍ថ្នាក់ដឹកនាំធំៗទាំងក្នុងនិងក្រៅប្រទេស ដូចជាម្ចាស់ក្សត្រី Elizabeth ទី២របស់អង់គ្លេសជាដើម។ នេះបើតាមការផ្សាយរបស់កាសែតបាងកកប៉ុស្តិ៍។
នៅក្នុងភូមិគ្រឹះនោះក៏មានបន្ទប់មួយចំនួនទៀតដែលមានតាំងសម្ភារបុរាណដូចជាព័រសាឡែន គំនូរសេះបែបប្រទេសចិន និងរូបថតរបស់រាជវង្សថៃកាលពីរជ្ជកាលស្តេចរាមាទី៨ និងស្ដេចរាមាទី៩ ។
រមណីយដ្ឋាននេះបើកទ្វារស្វាគមន៍ភ្ញៀវទេសចរទូទៅរៀងរាល់ថ្ងៃសៅរនៅម៉ោង១០កន្លះព្រឹកនិងម៉ោង២កន្លះថ្ងៃ លើកលែងថ្ងៃអាទិត្យនិងថ្ងៃបុណ្យជាតិសំខាន់ៗប៉ុណ្ណោះ៕
ដោយ គី ចំណា
© រក្សាសិទ្ធិដោយ thmeythmey.com
