ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទយកការណ៍ / បទសម្ភាសន៍
សង្គមជាតិ
DJ ណាណា៖«ជាតំណាងឲ្យអង្គការភ្លែនអន្តរជាតិ ខ្ញុំនឹងព្យាយាមផ្ញើសារឲ្យក្មេងស្រីហ៊ានស្រមៃខ្ពស់»
11, Aug 2017 ,
9:19 pm
រូបភាព
×
ដោយ:
ខន ចំប៉ា
កញ្ញា នាង សុវ៉ាតនា ដែលគេស្គាល់ជាទូទៅថា
DJ ណាណា ត្រូវប្រកាសជាឯកអគ្គរាជទូតកិត្តិយសបស់អង្គការភ្លែនអន្តរជាតិកម្ពុជា
ផ្លូវការនៅថ្ងៃចន្ទ ទី១៤ ខែសីហា។ ការងារចម្បងរបស់ DJ ណាណា ក្នុងឋានៈជាឯកអគ្គរាជទូតកិត្តិយស គឺការពង្រឹងក្មេងស្រីនៅក្នុងតួនាទីជាអ្នកដឹកនាំ (Girls Takeover) ដែលសកម្មភាពនេះ ជាអាទិភាពចម្បងរបស់អង្គការភ្លែនអន្តរជាតិកម្ពុជារហូតដល់ឆ្នាំ២០២២ ។ ក្នុងបទសម្ភាសន៍ជាមួយសារព័ត៌មានថ្មីៗៗ កញ្ញា DJ ណាណា បានប្តេជ្ញាថា នាងនឹងព្យាយាមផ្ញើសារឲ្យក្មេងស្រី ហ៊ានស្រមៃឲ្យខ្ពស់ ស្រមៃឲ្យធំ និងប្រឹងប្រែងសម្រេចក្តីស្រមៃរបស់ពួកគេ។
សូមលោកអ្នកនាង អានកិច្ចសម្ភាសខ្លី រវាងកញ្ញា ខន ចំប៉ា អ្នកកាសែតនៃសារព័ត៌មានថ្មីៗ និងកញ្ញា នាង សុវ៉ាតនា ខាងក្រោមនេះ៖
កញ្ញា ខន ចំប៉ា៖ តើកញ្ញា ណាណា បានដឹងទេថាហេតុអ្វី បានជាអង្គការភ្លែនអន្តរជាតិកម្ពុជា ជ្រើសរើសកញ្ញា ក្លាយជាឯកអគ្គរាជទូតកិត្តិយស?
DJ ណាណា៖ ខ្ញុំសប្បាយចិត្តខ្លាំងមែនទែន ដែលក្លាយជាឯកអគ្គរាជទូតកិត្តិយសរបស់អង្គការភ្លែនអន្តរជាតិកម្ពុជា។ ការពិតទៅ ខ្ញុំបានធ្វើការជាមួយអង្គការភ្លែនជាយូរណាស់មកហើយ នៅក្រោមគម្រោង ផ្សេងៗជាច្រើន ហើយស្របពេលដែលប្រជាប្រិយភាពរបស់យើងកើនឡើង ក៏អង្គការជ្រើសរើសយើងឲ្យជាតំណាងអង្គការអីចឹងទៅ។ សកម្មភាពការងាររបស់ភ្លែនមានប្រសិទ្ធភាពច្រើនណាស់ ក្នុងការលើកកម្ពស់ក្មេងស្រីក្នុងការដឹកនាំ ការអប់រំរបស់ក្មេងស្រី និងជំរុញឲ្យក្មេងស្រីចូលរួមក្នុងសង្គម ហើយតួនាទីរបស់ខ្ញុំនេះ គ្រាន់តែទៅជួយផ្សព្វផ្សាយបន្ថែមទៀត ឲ្យកាន់តែមានឥទ្ធិពលថែមទៀត ទៅលើសកម្មភាពការងាររបស់អង្គការដែលបានធ្វើនៅកម្ពុជាជាយូរមកហើយ។
កញ្ញា ខន ចំប៉ា៖ ក្នុងតំណែងជាឯកអគ្គរាជទូតកិត្តិយសរបស់អង្គការភ្លែនអន្តរជាតិកម្ពុជា តើកញ្ញាប្តេជ្ញាចិត្តបែបណា? តើកញ្ញានឹងធ្វើសកម្មភាពអ្វីខ្លះ ដើម្បីឲ្យសក្តិសមនឹងឈ្មោះជាអ្នកតំណាងអង្គការអន្តរជាតិដែលបានធ្វើការងារ១៥ឆ្នាំ ក្នុងការលើកកម្ពស់សិទ្ធិអំណាច និងសមភាពរបស់ក្មេងស្រីកម្ពុជាមួយនេះ?
DJ ណាណា៖ គម្រោងរបស់អង្គការភ្លែនអន្តរជាតិមានច្រើនទាក់ទងទៅនឹងក្មេងស្រី ពិសេសក្មេងស្រីនៅតាមជនបទ ហើយខ្ញុំនឹងធ្វើការជាមួយក្មេងស្រីៗទាំងនោះ។ ពួកគេគឺជាក្រុមគោលដៅដែលមានស្រាប់របស់អង្គការភ្លែន។ ខ្ញុំនឹងព្យាយាមផ្ញើសារទៅកាន់ពួកគេ ឲ្យពួកគេហ៊ានស្រមៃឲ្យខ្ពស់ គិតវែងឆ្ងាយ កុំឲ្យទស្សនៈ ដែលក្មេងស្រីមិនចាំបាច់រៀនសូត្រ នៅបន្តមានក្នុងគំនិតពួកគេទៀត ហើយពួកគេត្រូវតែចេះគិតថា តើពួកគេត្រូវធ្វើដូចម្តេចខ្លះ ដើម្បីឈោងចាប់ក្តីស្រមៃខ្ពស់ៗរបស់ពួកគេ និងដោយគ្មានការភ័យខ្លាច។ កន្លងមកខ្ញុំ ក៏បានបង្កើនវីដេអូអប់រំជាច្រើនណាស់ដែរទាក់ទងនឹងស្ត្រី។
កញ្ញា ខន ចំប៉ា៖ ការងារចម្បងរបស់កញ្ញា ណាណា ក្នុងតំណែងជាឯកអគ្គរដ្ឋទូតកិត្តិយសនេះ គឺការលើកកម្ពស់ក្មេងស្រីក្នុងការដឹកនាំ បើមើលបន្តិចទៅ ហាក់ដូចជា កញ្ញា ត្រូវធ្វើការតែជាមួយក្មេងស្រី ចុះឪពុកម្តាយរបស់ក្មេងស្រីៗ និងអ្នកពាក់ព័ន្ធផ្សេងទៀត ត្រូវបញ្ចុះបញ្ចូលយ៉ាងណា ដើម្បីឲ្យពួកគាត់យល់ពីសិទ្ធិអំណាច និងសមភាពក្មេងស្រីដែរនោះ?
DJ ណាណា៖ ជាការពិតដើម្បីពង្រឹងសិទ្ធិអំណាច និងសមភាពក្មេងស្រីក្នុងសង្គម យើងមិនមែនធ្វើការតែជាមួយក្មេងស្រីទេ គឺយើងធ្វើការជាមួយភាគីពាក់ព័ន្ធទាំងអស់ ទាំងជាមួយក្មេងប្រុស ឪពុកម្តាយ លោកគ្រូ អ្នកគ្រូ និងអាជ្ញាធរភូមិឃុំ និងសហគមន៍ជាដើម។ ជាមួយឪពុកម្តាយ ការឲ្យពួកគាត់យល់ពីតម្លៃនៃការអប់រំ គឺជាចាំបាច់ ពីព្រោះគាត់នឹងបញ្ជូនកូនទៅសាលារៀន មិនថាកូនស្រី ឬកូនប្រុសនោះទេ។ នៅពេលដែលពួកគាត់យល់ ពួកគាត់នឹងបន្តជំរុញ ឲ្យកូនរៀនឲ្យខ្ពស់ថែមទៀត។ អ្នកពាក់ព័ន្ធផ្សេងទៀតក៏មានតួនាទីសំខាន់ៗដែរ។ ប៉ុន្តែចាំបាច់បំផុត គឺផ្តើមចេញពីក្មេងស្រីខ្លួនឯង។ ពួកគាត់ត្រូវតែហ៊ានស្រមៃឲ្យបានខ្ពស់ និងប្រឹងប្រែងទៅរកក្តីស្រមៃរបស់ខ្លួន។ ខ្ញុំគិតថា ការចូលរួមរបស់ខ្ញុំជាឯកអគ្គរដ្ឋទូតកិត្តិយសរបស់អង្គការភ្លែនអន្តរជាតិនេះ គ្រាន់តែជាការចូលរួមដ៏តិចតួចប៉ុណ្ណោះ ក្នុងការលើកកម្ពស់ក្មេងស្រី ក្នុងការដឹកនាំ និងចូលរួមក្នុងសង្គម។ កន្លងមកអង្គការភ្លែនអន្តរជាតិបានធ្វើការងារនេះច្រើនណាស់មកហើយ អង្គការសង្គមស៊ីវិលផ្សេងៗទៀតក៏បានធ្វើ រាជរដ្ឋាភិបាលរបស់យើង ក៏លោកបានធ្វើ ប៉ុន្តែទោះជាយ៉ាងណាក៏ដោយ ទោះខ្ញុំបានចូលរួមជួយក្នុងកម្រិតតិចតួចក៏ដោយ វាប្រសើរជាងខ្ញុំមិនបានធ្វើអ្វីសោះ៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
DJ ណាណា
អប់រំ
ក្មេងស្រី
ភ្លែនអន្តរជាតិ
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
7 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
1 សប្តាហ៍
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម