ជាតិ
សេដ្ឋកិច្ច
×![]()
កំពត៖បន្ទាប់ពីបរិមាណនៃការផលិតកើតឡើងជារៀងរាល់ឆ្នាំ សមាគមលើកកម្ពស់ម្រេចកំពត កំពុងតែស្វែងរកដៃគូ ដើម្បីនាំម្រេចរបស់កសិករដែលជាសមាជិកខ្លួនទៅលក់នៅក្នុងប្រទេសចិន។ បច្ចុប្បន្នសមាគមនេះ អាចផលិតម្រេចបានប្រមាណ ៨០ តោន ក្នុងមួយឆ្នាំ។
ប្រធានសមាគមន៍លើកកម្ពស់ម្រេចកំពត លោក ហួត ឡាយ លើកឡើងថា សមាគមរបស់លោក កំពុងចរចាដើម្បីស្វែងរកទីផ្សារលក់ម្រេចកសិករដែលជាសមាជិកសមាគមលោក ទៅកាន់ទីផ្សារប្រទេសចិនបន្ថែមទៀត ដើម្បីឆ្លើយតបនឹងបរិមាណនៃការផលិតម្រេចកំពតកើនឡើង។ លោកថា ចិនជាទីផ្សារដ៏ធំមួយ និងពិតជាមានប្រយោជន៍ខ្លាំងសម្រាប់កសិករដាំម្រេច ប្រសិនបើប្រទេសនេះ ព្រមទទួលទិញម្រេចកំពតរបស់សមាគមលោក។
បើតាមលោកប្រធានសមាគម និងសេចក្តីប្រកាសព័ត៌មានរបស់សហភាពអឺរ៉ុប គុណភាពម្រេចកំពត ត្រូវបានចាត់ចំណាត់ថ្នាក់ល្អដាច់គេនៅទូទាំងពិភពលោក។ នៅឆ្នាំ ២០១៥ ខេត្តកំពតផលិតបានម្រេចកំពតចំនួន ៦០ តោន ដែលក្នុងនោះ ៧០ ភាគរយត្រូវបាននាំចេញ ភាគច្រើនបំផុត ទៅកាន់ទីផ្សារសហភាពអឺរ៉ុប សហរដ្ឋអាមេរិក និងជប៉ុន។ ឆ្នាំ ២០១៦ គឺជាជោគជ័យដ៏ធំមួយសម្រាប់ម្រេចកំពត ដោយសារផលិតផលនេះ ត្រូវបានចុះបញ្ជីនៅលើទីផ្សារសហភាពអឺរ៉ុបជាផលិតផលសម្គាល់ភូមិសាស្ត្រដែលត្រូវបានការពារ (PGI)។
ការចុះបញ្ជីជាផលិតផលសម្គាល់ភូមិសាស្ត្រ ដែលត្រូវបានការពារ បានបន្ថែមគុណតម្លៃទៅលើកេរ្តិ៍ឈ្មោះជាប្រពៃណីរបស់ម្រេចកំពត។ វាក៏ជួយប្រយុទ្ធប្រឆាំងនឹងផលិតផលក្លែងក្លាយនិងបន្លំម៉ាកសញ្ញា ដែលកំពុងចរាចរនៅក្នុងទីផ្សារសហភាពអឺរ៉ុប និងជួយលើកកម្ពស់លក្ខណៈសម្បត្តិប្រកួតប្រជែងនៃផលិតផលម្រេចកំពតនៅក្នុងទីផ្សារសហភាពអឺរ៉ុប កម្ពុជា និងនៅលើទីផ្សារផ្សេងទៀត ពីព្រោះផលិតផលនេះ អាចបិទនិមិត្តសញ្ញាគុណភាព PGI ចាប់ពីពេលនេះតទៅ។
ការឲ្យដឹងពីបំណងនាំម្រេចកំពតទៅលក់នៅប្រទេសចិនរបស់លោក ហួត ឡាយ ធ្វើឡើង នៅពេលដែលលោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានធ្វើដំណើរជាមួយនឹងក្រុមអ្នកសារព័ត៌មាន ទៅទស្សនាចម្ការម្រេចសមាគមរបស់លោក ស្ថិតនៅស្រុកកំពង់ត្រាច កាលពីថ្ងៃទី ១៦ ខែសីហា។ George Edgar មានប្រសាសន៍ថា ៖ «ខ្ញុំរីករាយណាស់ដែលសហភាពអឺរ៉ុបទទួលស្គាល់ម្រេចកំពតជាផលិតផលសម្គាល់ភូមិសាស្ត្រ។ នេះគឺជាការទទួលស្គាល់នូវគុណភាពផលិតផលរបស់កសិករក្នុងស្រុក និងជាឱកាសដ៏ពិសេសសម្រាប់ការលក់និងការបង្កើតប្រាក់ចំណូល។ ខ្ញុំក៏គាំទ្រនូវគម្រោងពង្រីកទីផ្សាររបស់សមាគមនេះ»។
សូមបញ្ជាក់ថា ការដាំដុះដំណាំម្រេចនៅក្នុងប្រទេសកម្ពុជា គឺជាប្រពៃណីដែលមានអាយុកាលប្រមាណ ៧០០ ឆ្នាំ មកហើយ។ ខេត្តកំពង់ចាមនិងខេត្តកំពត គឺជាតំបន់ចម្ការម្រេចកម្ពុជាដ៏សំខាន់ជាងគេបំផុត៕
ប្រធានសមាគមន៍លើកកម្ពស់ម្រេចកំពត លោក ហួត ឡាយ លើកឡើងថា សមាគមរបស់លោក កំពុងចរចាដើម្បីស្វែងរកទីផ្សារលក់ម្រេចកសិករដែលជាសមាជិកសមាគមលោក ទៅកាន់ទីផ្សារប្រទេសចិនបន្ថែមទៀត ដើម្បីឆ្លើយតបនឹងបរិមាណនៃការផលិតម្រេចកំពតកើនឡើង។ លោកថា ចិនជាទីផ្សារដ៏ធំមួយ និងពិតជាមានប្រយោជន៍ខ្លាំងសម្រាប់កសិករដាំម្រេច ប្រសិនបើប្រទេសនេះ ព្រមទទួលទិញម្រេចកំពតរបស់សមាគមលោក។
បើតាមលោកប្រធានសមាគម និងសេចក្តីប្រកាសព័ត៌មានរបស់សហភាពអឺរ៉ុប គុណភាពម្រេចកំពត ត្រូវបានចាត់ចំណាត់ថ្នាក់ល្អដាច់គេនៅទូទាំងពិភពលោក។ នៅឆ្នាំ ២០១៥ ខេត្តកំពតផលិតបានម្រេចកំពតចំនួន ៦០ តោន ដែលក្នុងនោះ ៧០ ភាគរយត្រូវបាននាំចេញ ភាគច្រើនបំផុត ទៅកាន់ទីផ្សារសហភាពអឺរ៉ុប សហរដ្ឋអាមេរិក និងជប៉ុន។ ឆ្នាំ ២០១៦ គឺជាជោគជ័យដ៏ធំមួយសម្រាប់ម្រេចកំពត ដោយសារផលិតផលនេះ ត្រូវបានចុះបញ្ជីនៅលើទីផ្សារសហភាពអឺរ៉ុបជាផលិតផលសម្គាល់ភូមិសាស្ត្រដែលត្រូវបានការពារ (PGI)។
ការចុះបញ្ជីជាផលិតផលសម្គាល់ភូមិសាស្ត្រ ដែលត្រូវបានការពារ បានបន្ថែមគុណតម្លៃទៅលើកេរ្តិ៍ឈ្មោះជាប្រពៃណីរបស់ម្រេចកំពត។ វាក៏ជួយប្រយុទ្ធប្រឆាំងនឹងផលិតផលក្លែងក្លាយនិងបន្លំម៉ាកសញ្ញា ដែលកំពុងចរាចរនៅក្នុងទីផ្សារសហភាពអឺរ៉ុប និងជួយលើកកម្ពស់លក្ខណៈសម្បត្តិប្រកួតប្រជែងនៃផលិតផលម្រេចកំពតនៅក្នុងទីផ្សារសហភាពអឺរ៉ុប កម្ពុជា និងនៅលើទីផ្សារផ្សេងទៀត ពីព្រោះផលិតផលនេះ អាចបិទនិមិត្តសញ្ញាគុណភាព PGI ចាប់ពីពេលនេះតទៅ។
ការឲ្យដឹងពីបំណងនាំម្រេចកំពតទៅលក់នៅប្រទេសចិនរបស់លោក ហួត ឡាយ ធ្វើឡើង នៅពេលដែលលោក George Edgar ឯកអគ្គរដ្ឋទូតសហភាពអឺរ៉ុបប្រចាំកម្ពុជា បានធ្វើដំណើរជាមួយនឹងក្រុមអ្នកសារព័ត៌មាន ទៅទស្សនាចម្ការម្រេចសមាគមរបស់លោក ស្ថិតនៅស្រុកកំពង់ត្រាច កាលពីថ្ងៃទី ១៦ ខែសីហា។ George Edgar មានប្រសាសន៍ថា ៖ «ខ្ញុំរីករាយណាស់ដែលសហភាពអឺរ៉ុបទទួលស្គាល់ម្រេចកំពតជាផលិតផលសម្គាល់ភូមិសាស្ត្រ។ នេះគឺជាការទទួលស្គាល់នូវគុណភាពផលិតផលរបស់កសិករក្នុងស្រុក និងជាឱកាសដ៏ពិសេសសម្រាប់ការលក់និងការបង្កើតប្រាក់ចំណូល។ ខ្ញុំក៏គាំទ្រនូវគម្រោងពង្រីកទីផ្សាររបស់សមាគមនេះ»។
សូមបញ្ជាក់ថា ការដាំដុះដំណាំម្រេចនៅក្នុងប្រទេសកម្ពុជា គឺជាប្រពៃណីដែលមានអាយុកាលប្រមាណ ៧០០ ឆ្នាំ មកហើយ។ ខេត្តកំពង់ចាមនិងខេត្តកំពត គឺជាតំបន់ចម្ការម្រេចកម្ពុជាដ៏សំខាន់ជាងគេបំផុត៕
Tag:
ម្រេចកំពត
© រក្សាសិទ្ធិដោយ thmeythmey.com
