អន្តរជាតិ
ប៉ូលិសកំពុងស្វែងរកជនសង្ស័យក្នុងការបុករះនៅបាសេឡូណា ឯ ISIS ប្រកាសទទួលខុសត្រូវ
×![]()
ដោយ: តន ចាន់រិទ្ធារ៉ា
ប៉ូលិសអេស្ប៉ាញបានបើកប្រតិបត្តិការស្វែងរកជនដៃដល់ក្នុងហេតុការណ៍បុករះនៅទីក្រុងទេសចរណ៍បាសេឡូណានៅថ្ងៃទី១៧ ខែសីហា ដែលបន្សល់ទុកមនុស្ស១៣នាក់ស្លាប់ និងច្រើននាក់ទៀតរបួស។ ក្រោយហេតុការណ៍នៅបាសេឡូណាបន្តិច ប៉ូលិសអេស្ប៉ាញក៏បំបែកផែនការបំផ្ទុះគ្រាប់បែកនៅឯទីក្រុង Cambrils ។ អាជ្ញាធរអេស្ប៉ាញជឿថាហេតុការណ៍ទាំងពីរនេះមានជាប់ទាក់ទងគ្នា ខណៈក្រុមរដ្ឋឥស្លាមបានប្រកាសនៅពីក្រោយការបុករះនៅបាសេឡូណា។
ទីក្រុងបាសេឡូណា ក្លាយជនរងគ្រោះទីក្រុងអឺរ៉ុបទីប្រាំនៃហេតុការណ៍បុករះ បន្ទាប់ទីក្រុងនីសរបស់បារាំង ស្តុកហូមរបស់ស៊ុយអែត បែរឡាំងរបស់អាល្លឺម៉ង់ និងឡុងដ៍របស់អង់គ្លេស។ ករណីបើករថយន្តបុករះនៅទីក្រុងបាសេឡូណា ប្រទេសអេស្ប៉ាញថ្ងៃព្រហស្បតិ៍ទី១៧ សីហា បានធ្វើឲ្យមនុស្ស ១៣នាក់ស្លាប់ និងបង្កឲ្យមនុស្សពី២០ ទៅ២៥នាក់ផ្សេងទៀតរងរបួសផងដែរ។ សមត្ថកិច្ចមូលដ្ឋានចាត់ទុកករណីឧបទ្ទវហេតុនេះជាការវាយប្រហារភេរវកម្ម។
បើតាមទីភ្នាក់ងារព័ត៌មាន AP ជនសង្ស័យដែលបង្កហេតុបានរត់ចេញពីរថយន្តទៅលាក់ខ្លួននៅក្នុងបារមួយកន្លែង បន្ទាប់ពីគេធ្វើសកម្មភាពបុករះអ្នកដំណើរតាមផ្លូវដែលមានទាំងប្រជាជននៅក្នុងតំបន់ និងអ្នកទេសចរផងនោះ។ ឧបទ្ទវហេតុនេះកើតឡើងនៅវិថី Las Ramblas ដែលជាវិថីមួយក្នុងចំណោមវិថីដែលមមាញឹកជាងគេនៅក្រុងបាសេឡូណា ព្រោះវាមានអ្នកទេសចរកកកុញខ្លាំង ខណៈឥឡូវជារដូវកាលទេសចរណ៍ស្រាប់ផង។
ខណៈការស្វែងរកជនសង្ស័យក្នុងការបុករះនៅបាសេឡូណាកំពុងធ្វើ ប៉ូលិសអេស្ប៉ាញបានបំបែកផែនការបំផ្ទុះគ្រាប់បែកនៅទីក្រុងមាត់សមុទ្រ Cambrils ដោយបានសម្លាប់ជនសង្ស័យអស់បួននាក់ និងចាប់ខ្លួនម្នាក់។ ក្នុងហេតុការណ៍នេះ ជនស៊ីវិល៦នាក់ និងប៉ូលិសម្នាក់ផ្សេងទៀតក៏បានរងរបួសផងដែរ។ ដោយឡែក មនុស្សម្នាក់បានស្លាប់ក្នុងការផ្ទុះនៅទីក្រុងមួយទៀតក្បែរទីក្រុងបាសេឡូណា ដែលហេតុការណ៍នេះកើតឡើងមុនហេតុការណ៍នៅបាសេឡូណា និងនៅ Cambrils ។
បើតាមទីភ្នាក់ងារព័ត៌មាន Reuters ប៉ូលិសបានចាប់ខ្លួនមនុស្សពីរនាក់ ដែលម្នាក់ជាជនជាតិម៉ារ៉ុក និងម្នាក់ទៀតមកពីតំបន់ Melilla ដែលគ្រប់គ្រងដោយអេស្ប៉ាញ ប៉ុន្តែពួកគេទាំងពីរមិនមែនជាអ្នកបើកបរឡានក្នុងហេតុការណ៍បុករះនៅបាសេឡូណាទេ។ ប៉ូលិសអេស្ប៉ាញនិយាយថាស្ថានការណ៍នៅ Cambrils ស្ថិតក្រោមការគ្រប់គ្រងហើយ ប៉ុន្តែគេមិនទាន់ពីចំនួនអ្នកស្លាប់ និងរបួសពិតប្រាកដក្នុងហេតុការណ៍ច្រើននេះឡើយ។
ក្រុមរដ្ឋឥស្លាមប្រកាសទទួលខុសត្រូវ ខណៈមេដឹកនាំពិភពលោកនាំគ្នាថ្កោលទោស
ដូចហេតុការណ៍កន្លងមកដែរ ក្រុមជ្រុលនិយមរដ្ឋឥស្លាមបានប្រកាសទទួលខុសត្រូវហេតុការណ៍បុករះដែលកើតឡើងនៅទីក្រុងបាសេឡូណា ប្រទេសអេស្ប៉ាញ។ សារព័ត៌មានរបស់ក្រុមជ្រុលនេះ Asmaq ផ្សាយថា ជនសង្ស័យដែលបើកឡានបុករះនៅផ្លូវ Las Ramblas គឺជាទាហានរបស់ខ្លួន ប៉ុន្តែមិនបានបញ្ចេញឈ្មោះឡើយ។ ការវាយប្រហារនេះ គឺជាសងសឹកអេស្ប៉ាញដែលចូលដៃជាមួយអាមេរិកក្នុងប្រតិបត្តិការនៅមជ្ឈិមបូព៌ា។
បើសិនជាការពិតដូចការលើកឡើងខាងលើមែន ហេតុការណ៍នៅបាសេឡូណាអាចនិយាយបានថាជាទង្វើលើកដំបូងរបស់ក្រុមរដ្ឋឥស្លាមនៅលើទឹកដីអេស្ប៉ាញ។ យ៉ាងណាក្ដី មានមតិខ្លះយល់ថាជនសង្ស័យអាចមិនមែនជាសកម្មជនក្រុមរដ្ឋឥស្លាមទេ តែអាចជាអ្នកដែលទទួលឥទ្ធិពលពីមនោគមន៍វិជ្ជារបស់ក្រុមជ្រុលនិយមមួយនេះ។ ម្យ៉ាងទៀត សកម្មភាពនេះក៏អាចជាការទាក់ទាញចំណាប់អារម្មណ៍ពីបណ្ដាសារព័ត៌មាន ខណៈក្រុមនេះរងបរាជ័យជាបន្តបន្ទាប់នៅស៊ីរី និងអ៊ីរ៉ាក់។
បណ្ដាមេដឹកនាំពិភពលោកបាននាំគ្នាថ្កោលទោសការវាយប្រហារនៅទីក្រុងបាសេឡូណា ដែលបណ្ដាលឲ្យមនុស្ស១៣នាក់សម្លាប់ និងជាង១០០នាក់ទៀតរងរបួស។ ប្រធានាធិបតីរុស្ស៊ី វ្ល៉ាឌីមៀ ពូទីន បានផ្ញើសាររំលែកទុក្ខទៅកាន់មហាក្សត្រ Felipe VI និងបានស្នើឲ្យមានការរួបរួមគ្នាជាអន្តរជាតិដើម្បីប្រយុទ្ធប្រឆាំងភេរវកម្មនិយម។ លោក ពូទីន ចាត់ទុកហេតុការណ៍នេះជាសកម្មភាពសាហាវឃោឃៅ និងឥតអៀសខ្មាស់។
ប្រធានាធិបតីបារាំង អេម៉ានុយអែល ម៉ាក្រុង នាយករដ្ឋមន្ត្រីអង់គ្លេស ថេរ៉េសា ម៉េយ៍ អធិការបតីអាល្លឺម៉ង់ អែនជែឡា មើរហ្គែល ក៏បានចេញមុខថ្កោលទោសទង្វើភេរវកម្មនេះដែរ។ ទាំងបារាំង អង់គ្លេស និងអាល្លឺម៉ង់ ក៏ជាអ្នករងគ្រោះនៃការបើកឡានបុករះនេះដែរនាពេលកន្លងមក ដោយបណ្ដាលឲ្យមនុស្សជាងមួយរយនាក់បាត់បង់ជីវិត និងរងរបួស៕
ទីក្រុងបាសេឡូណា ក្លាយជនរងគ្រោះទីក្រុងអឺរ៉ុបទីប្រាំនៃហេតុការណ៍បុករះ បន្ទាប់ទីក្រុងនីសរបស់បារាំង ស្តុកហូមរបស់ស៊ុយអែត បែរឡាំងរបស់អាល្លឺម៉ង់ និងឡុងដ៍របស់អង់គ្លេស។ ករណីបើករថយន្តបុករះនៅទីក្រុងបាសេឡូណា ប្រទេសអេស្ប៉ាញថ្ងៃព្រហស្បតិ៍ទី១៧ សីហា បានធ្វើឲ្យមនុស្ស ១៣នាក់ស្លាប់ និងបង្កឲ្យមនុស្សពី២០ ទៅ២៥នាក់ផ្សេងទៀតរងរបួសផងដែរ។ សមត្ថកិច្ចមូលដ្ឋានចាត់ទុកករណីឧបទ្ទវហេតុនេះជាការវាយប្រហារភេរវកម្ម។
បើតាមទីភ្នាក់ងារព័ត៌មាន AP ជនសង្ស័យដែលបង្កហេតុបានរត់ចេញពីរថយន្តទៅលាក់ខ្លួននៅក្នុងបារមួយកន្លែង បន្ទាប់ពីគេធ្វើសកម្មភាពបុករះអ្នកដំណើរតាមផ្លូវដែលមានទាំងប្រជាជននៅក្នុងតំបន់ និងអ្នកទេសចរផងនោះ។ ឧបទ្ទវហេតុនេះកើតឡើងនៅវិថី Las Ramblas ដែលជាវិថីមួយក្នុងចំណោមវិថីដែលមមាញឹកជាងគេនៅក្រុងបាសេឡូណា ព្រោះវាមានអ្នកទេសចរកកកុញខ្លាំង ខណៈឥឡូវជារដូវកាលទេសចរណ៍ស្រាប់ផង។
ខណៈការស្វែងរកជនសង្ស័យក្នុងការបុករះនៅបាសេឡូណាកំពុងធ្វើ ប៉ូលិសអេស្ប៉ាញបានបំបែកផែនការបំផ្ទុះគ្រាប់បែកនៅទីក្រុងមាត់សមុទ្រ Cambrils ដោយបានសម្លាប់ជនសង្ស័យអស់បួននាក់ និងចាប់ខ្លួនម្នាក់។ ក្នុងហេតុការណ៍នេះ ជនស៊ីវិល៦នាក់ និងប៉ូលិសម្នាក់ផ្សេងទៀតក៏បានរងរបួសផងដែរ។ ដោយឡែក មនុស្សម្នាក់បានស្លាប់ក្នុងការផ្ទុះនៅទីក្រុងមួយទៀតក្បែរទីក្រុងបាសេឡូណា ដែលហេតុការណ៍នេះកើតឡើងមុនហេតុការណ៍នៅបាសេឡូណា និងនៅ Cambrils ។
បើតាមទីភ្នាក់ងារព័ត៌មាន Reuters ប៉ូលិសបានចាប់ខ្លួនមនុស្សពីរនាក់ ដែលម្នាក់ជាជនជាតិម៉ារ៉ុក និងម្នាក់ទៀតមកពីតំបន់ Melilla ដែលគ្រប់គ្រងដោយអេស្ប៉ាញ ប៉ុន្តែពួកគេទាំងពីរមិនមែនជាអ្នកបើកបរឡានក្នុងហេតុការណ៍បុករះនៅបាសេឡូណាទេ។ ប៉ូលិសអេស្ប៉ាញនិយាយថាស្ថានការណ៍នៅ Cambrils ស្ថិតក្រោមការគ្រប់គ្រងហើយ ប៉ុន្តែគេមិនទាន់ពីចំនួនអ្នកស្លាប់ និងរបួសពិតប្រាកដក្នុងហេតុការណ៍ច្រើននេះឡើយ។
ក្រុមរដ្ឋឥស្លាមប្រកាសទទួលខុសត្រូវ ខណៈមេដឹកនាំពិភពលោកនាំគ្នាថ្កោលទោស
ដូចហេតុការណ៍កន្លងមកដែរ ក្រុមជ្រុលនិយមរដ្ឋឥស្លាមបានប្រកាសទទួលខុសត្រូវហេតុការណ៍បុករះដែលកើតឡើងនៅទីក្រុងបាសេឡូណា ប្រទេសអេស្ប៉ាញ។ សារព័ត៌មានរបស់ក្រុមជ្រុលនេះ Asmaq ផ្សាយថា ជនសង្ស័យដែលបើកឡានបុករះនៅផ្លូវ Las Ramblas គឺជាទាហានរបស់ខ្លួន ប៉ុន្តែមិនបានបញ្ចេញឈ្មោះឡើយ។ ការវាយប្រហារនេះ គឺជាសងសឹកអេស្ប៉ាញដែលចូលដៃជាមួយអាមេរិកក្នុងប្រតិបត្តិការនៅមជ្ឈិមបូព៌ា។
បើសិនជាការពិតដូចការលើកឡើងខាងលើមែន ហេតុការណ៍នៅបាសេឡូណាអាចនិយាយបានថាជាទង្វើលើកដំបូងរបស់ក្រុមរដ្ឋឥស្លាមនៅលើទឹកដីអេស្ប៉ាញ។ យ៉ាងណាក្ដី មានមតិខ្លះយល់ថាជនសង្ស័យអាចមិនមែនជាសកម្មជនក្រុមរដ្ឋឥស្លាមទេ តែអាចជាអ្នកដែលទទួលឥទ្ធិពលពីមនោគមន៍វិជ្ជារបស់ក្រុមជ្រុលនិយមមួយនេះ។ ម្យ៉ាងទៀត សកម្មភាពនេះក៏អាចជាការទាក់ទាញចំណាប់អារម្មណ៍ពីបណ្ដាសារព័ត៌មាន ខណៈក្រុមនេះរងបរាជ័យជាបន្តបន្ទាប់នៅស៊ីរី និងអ៊ីរ៉ាក់។
បណ្ដាមេដឹកនាំពិភពលោកបាននាំគ្នាថ្កោលទោសការវាយប្រហារនៅទីក្រុងបាសេឡូណា ដែលបណ្ដាលឲ្យមនុស្ស១៣នាក់សម្លាប់ និងជាង១០០នាក់ទៀតរងរបួស។ ប្រធានាធិបតីរុស្ស៊ី វ្ល៉ាឌីមៀ ពូទីន បានផ្ញើសាររំលែកទុក្ខទៅកាន់មហាក្សត្រ Felipe VI និងបានស្នើឲ្យមានការរួបរួមគ្នាជាអន្តរជាតិដើម្បីប្រយុទ្ធប្រឆាំងភេរវកម្មនិយម។ លោក ពូទីន ចាត់ទុកហេតុការណ៍នេះជាសកម្មភាពសាហាវឃោឃៅ និងឥតអៀសខ្មាស់។
ប្រធានាធិបតីបារាំង អេម៉ានុយអែល ម៉ាក្រុង នាយករដ្ឋមន្ត្រីអង់គ្លេស ថេរ៉េសា ម៉េយ៍ អធិការបតីអាល្លឺម៉ង់ អែនជែឡា មើរហ្គែល ក៏បានចេញមុខថ្កោលទោសទង្វើភេរវកម្មនេះដែរ។ ទាំងបារាំង អង់គ្លេស និងអាល្លឺម៉ង់ ក៏ជាអ្នករងគ្រោះនៃការបើកឡានបុករះនេះដែរនាពេលកន្លងមក ដោយបណ្ដាលឲ្យមនុស្សជាងមួយរយនាក់បាត់បង់ជីវិត និងរងរបួស៕
Tag:
អេស្ប៉ាញ
ក្រុមរដ្ឋឥស្លាម
Barcelona
© រក្សាសិទ្ធិដោយ thmeythmey.com
