-កេរ្តិ៍ឈ្មោះរន្ទឺឮល្បីសុសសាយ
សាយសុសផុសឆ្ងាយផុតដែនបុរី
បិតាសំណង់បែបទំនើបថ្មី
មានប្រជាប្រិយល្បីទាំងសកល។
-អគារ សំណង់លោកសង់បន្សល់
អ្នកឆ្លងផ្លូវថ្នល់ច្បាស់ឃើញចាំជាក់
វិមានឯករាជ្យន័យជ្រៅមិនរាក់
កីឡដ្ឋានជាក់ទាក់ភ្នែកប្រុសស្រី។
-អគារសាលាភាសាល្បាញល្បី
ចតុមុខក្តីក៏ស្រស់ត្រកាល
អ្នកបានឃើញហើយសុទ្ធតែដំណាល
ពីភាពត្រកាលដែលលោកកែច្នៃ។
-លោកលាចាកទៅតែនៅស្នាដៃ
ខ្មែរពិតគ្មានថ្ងៃបំភ្លេចលោកឡើយ
វណ្ណ ម៉ូលីវណ្ណនៅរហូតហើយ
ទៅចុះលោកអើយឲ្យដល់ឋានស្ងប់៕