ជាតិ
សម្ដេច ហ៊ុន សែន ថា ករណីឯកឧត្តម កឹម សុខា មិនមែនបញ្ចប់ត្រឹមចាប់ខ្លួនមនុស្សម្នាក់ទេ
× ភ្នំពេញ៖ សម្ដេចនាយករដ្ឋមន្ត្រី ហ៊ុន សែន បាននិយាយថា ករណីឯកឧត្តម កឹម សុខា មិនមែនបញ្ចប់ត្រឹមការចាប់ខ្លួន ប្រធានគណបក្សសង្គ្រោះជាតិម្នាក់នោះទេ ពោលគឺអាចឈានទៅរកការចាប់ខ្លួនអ្នកពាក់ព័ន្ធមួយចំនួនទៀត។ សម្ដេច ហ៊ុន សែន បានបញ្ជាក់ថា ករណីឯកឧត្តម កឹម សុខា ដែលរដ្ឋាភិបាលចាត់ទុកជាអំពើក្បត់ជាតិនេះ មានការរៀបចំជាប្រព័ន្ធ ដែលត្រូវតាមដាននឹងចាប់ខ្លួនបន្តទៀត។ប្រមុខរដ្ឋាភិបាល ព្រលយពាក្យបែបនេះ នៅក្នុងពិធីសម្ពោធសណ្ឋាគារ និងរមណីយដ្ឋានសុខា សៀមរាបនៅព្រឹកថ្ងៃទី២ តុលានេះ។
កន្លងមកនាយករដ្ឋមន្ត្រី ក៏បាននិយាយចំៗថា តំណាងរាស្ត្រគណបក្សសង្គ្រោះជាតិម្នាក់ ដែលជាប់ពាក់ព័ន្ធនឹងករណីឯកឧត្តម កឹម សុខា បានចេញពីកម្ពុជាឆ្លងដែនចូលទឹកដីថៃ។ បើតាមសម្ដេច ហ៊ុន សែន តំណាងរាស្ត្រគណបក្សសង្គ្រោះជាតិ ដែលបានឆ្លងដែនទៅថៃនេះ គឺមានឈ្មោះនៅក្នុងបញ្ជីពាក់ព័ន្ធនឹងករណីប្រធានបក្សប្រឆាំង កាលពីឆ្នាំ២០១៣។
ឯកឧត្តម កឹម សុខា ដែលកំពុងជាប់ឃុំក្នុងពន្ធនាគារត្រពាំងផ្លុង ខេត្តត្បូងឃ្មុំ ដោយរងបទចោទ «សន្ទិដ្ឋិភាពជាមួយបរទេស» ដែលបទល្មើសនេះ ស្ថិតក្នុងអំពើក្បត់ជាតិ ក្រោយពីមានវីដេអូឃ្លីប កាលពីឆ្នាំ២០១៣ ផុសឡើងតាមរយៈបណ្ដាញហ្វេសប៊ុក៕
Tag:
ហ៊ុន សែន
កឹម សុខា
© រក្សាសិទ្ធិដោយ thmeythmey.com