Star Auto ចូលរួមអង្គាសប្រាក់ ដើម្បីសង់អគារស្នាក់នៅគ្រូរបស់អង្គការមួយនៅខេត្តកណ្តាល

ជាតិ

រថយន្ត

02, Oct 2017 , 6:59 pm

រូបភាព

ក្រុមហ៊ុន Star Auto Cambodia ដែលជាក្រុមហ៊ុនទទួលសិទ្ធិផ្តាច់មុខនាំចូល និងចែកចាយរថយន្តMercedes-Benz ប្រចាំកម្ពុជា បានចេញមុខឧបត្ថម្ភកម្មវិធីសប្បុរសធម៌មួយ ដែលប្រព្រឹត្តទៅកាលពីពីរាត្រីថ្ងៃសុក្រ ទី២៩ ខែកញ្ញាកន្លងទៅ នៅសាលាអន្តរជាតិភ្នំពេញ(ISPP) ។

ជាកម្មវិធីរៃអង្គាសថវិកា ដើម្បីយកទៅកែលម្អហេដ្ឋានរចនាសម្ព័ន្ធមួយចំនួន នៅក្នុងអង្គការមួយនៅក្នុងខេត្តកណ្តាល ដែលកំពុងតែអនុវត្តគម្រោង«បណ្តុះបណ្តាលគ្រូកម្ពុជា» ក៏ដូចជាសង់អគារស្នាក់នៅសម្រាប់លោកគ្រូ អ្នកគ្រូផងដែរ។ រាត្រីនេះ ត្រូវបានអ្នករៀបចំឲ្យឈ្មោះថា«រាត្រីឆ្លើយសំណួរ យករង្វាន់និងអង្គាសប្រាក់»។

លោក ជេមស៍ ហ្សឹមឃី(James ZEMKE) អគ្គនាយកនៃរបស់ក្រុមហ៊ុន Mercedes-Benz (មើស៊ីឌីស-បិនស៍)ប្រចាំកម្ពុជា បានថ្លែងបញ្ជាក់មូលហេតុដែល ក្រុមហ៊ុនរបស់លោកចូលរួមក្នុងកម្មវិធីរៃអង្គាសថវិកាដូច្នេះថា៖«យើងជឿជាក់ថា ការអប់រំ គឺមានសំខាន់ណាស់ មិនត្រឹមសម្រាប់ប្រទេសកម្ពុជា ប៉ុន្តែក៏ល្អណាស់ដែរសម្រាប់ក្រុមហ៊ុន star Autoរបស់យើង ពីព្រោះនៅពេលដែលកម្ពុជាមានគ្រូបង្រៀនដែលល្អ ពួកគាត់អាចបង្រៀនក្មេងជំនាន់បានល្អ និងមានគុណភាពខ្ពស់ នៅពេលនោះហើយ ដែលមានអ្នកជំនាន់ក្រោយដែលមានសមត្ថភាពទាំងនោះ មកធ្វើការជាមួយយើង» ។

ទន្ទឹមជាមួយគ្នានេះដែរ លោក James ZEMKE ក៏សង្ឃឹមដែរថា ក្រុមហ៊ុន Mercedes-Benz នឹងអាច ចូលរួមនៅក្នុងកម្មវិធីសប្បុរសធម៌បែបនេះនៅឱកាសក្រោយទៀត។

ក្រុមហ៊ុន Star Auto Cambodia ជាក្រុមហ៊ុនដែលទទួលបានបានសិទ្ធិនាំចូល និងចែកចាយលក់ផ្តាច់មុខ រថយន្តប្រណីត Mercedes-Benz (មើស៊ីឌីស-បិនស៍) នៅកម្ពុជា។ លោកអ្នកអាចអញ្ជើញទៅទស្សនារថយន្តប្រណីត Mercedes-Benz ជាច្រើន នៅShowroomរបស់ក្រុមហ៊ុន ដែលស្ថិតនៅផ្លូវ៦០ម៉ែត្រ ក្នុងសង្កាត់ចាក់អង្រែក្រោម ខណ្ឌមានជ័យ ដែលត្រូវបានមហាជនទទួលស្គាល់ថា «ជាកន្លែងតាំងបង្ហាញរថយន្តថ្មីទំនើបដ៏ប្រណីត ធំសម្បើមដាច់គេនៅកម្ពុជា។ មិនត្រឹមតែប៉ុណ្ណោះយានដ្ឋានសម្រាប់ថែទាំ និងជួសជុលរថយន្ត របស់ក្រុមហ៊ុន Star Auto Cambodia ក៏ធំបំផុតលើសគេផងដែរ ដែលមានគ្រឿងសម្ភារ ឧបករណ៍ទំនើបៗ និងបំពាក់ទៅដោយបច្ចេកវិទ្យាចុងក្រោយ ត្រឹមត្រូវទៅតាមបទដ្ឋានស្តង់ដារអន្តរជាតិដ៏ល្អឥតខ្ចោះតែម្តង។

ព័ត៌មានបន្ថែម អតិថិជនអាចទាក់ទងទៅកាន់លេខទូរសព្ទ ០១១ ៧២៦ ៩៨៨ ឬ ០១៧ ២៣១ ៤៨៨ ឬ ០២៣ ២៣១ ៤៨៨ ៕