សិល្បះ
អន្តរជាតិ
ក្រោយស្ថាបនិកស្លាប់ក្នុងអាយុ៩១ឆ្នាំ មតិខ្លះថា Playboy នាំស្ត្រីឲ្យមានសេរីភាព
×![]()
ដោយ: ធីតា
លោក Hugh Hefner ស្ថាបនិកទស្សនាវដ្តី Playboy បានទទួលមរណភាពកាលពីថ្ងៃទី២៧ ខែកញ្ញា ក្នុងអាយុ៩១ឆ្នាំ។ ទន្ទឹមនឹងការរិះគន់ ទស្សនាវដ្តីអាសអាភាសដែលមានអាយុកាលជាង៦៣ឆ្នាំមួយនេះ ត្រូវបានចាត់ទុកថា ជាចលនាជំរុញឲ្យស្ត្រីមានគំនិត និងទង្វើបើកទូលាយជាងមុន។
លោក Hugh Hefner គឺជាអតីតសកម្មជនម្នាក់ដែលទាមទារឲ្យមានសេរីភាពផ្នែកផ្លូវភេទ និងសេរីភាពក្នុងបញ្ចេញមតិ បន្ថែមពីលើនេះលោកក៏ជាអតីតសកម្មជននយោបាយ និងជាអ្នកជំនួញផងដែរ។ ក្រោមគំនិតផ្តួចផ្តើមរបស់បុរសជនជាតិអាមេរិករូបនេះ ទស្សនាវដ្តី Playboy ត្រូវបានចេញផ្សាយជាលើកដំបូងនៅខែធ្នូ ឆ្នាំ១៩៥៣ ដោយមានទីស្នាក់ការនៅក្រុងឈីកាហ្គោ រដ្ឋ Illinois ។
កាលពីថ្ងៃទី២៧ ខែកញ្ញា លោក Hefner ទទួលមរណភាពនៅផ្ទះរបស់ខ្លួនក្នុងក្រុងឡូសអេនជឺលែស រដ្ឋ California ក្នុងអាយុ៩១ឆ្នាំ។ ក្រោយការស្លាប់លោក Hefner មានការលើកឡើងផ្សេងៗគ្នា ទាក់ទងនឹងគុណវិបត្តិ ក៏ដូចជាគុណសម្បត្តិរបស់ទស្សនាវដ្តី Playboy។
ស្របពេលដែលមានការលើកឡើងថា Playboy ធ្វើឲ្យស្ត្រីអាប់ឱន មតិខ្លះបានមើលឃើញពីគុណសម្បត្តិ និងការខំប្រឹងប្រឹងរបស់លោក Hefner នារយៈពេលជាង៦ទសវត្សរ៍កន្លងមក។ នេះបើតាមការផ្សាយរបស់សារព័ត៌មាន Van Guard។
អ្នកស្រី Carrie Pitzulo សាស្ត្រាចារ្យនៅសាកលវិទ្យាល័យ Colorado State University យល់ថា Playboy ជាទស្សនាវដ្តីដ៏អាសអាភាសបំផុត ប៉ុន្តែគាត់ក៏មើលឃើញផងដែរថា វាផ្តល់សារលើកទឹកចិត្តជាច្រើនដល់ស្ត្រី។ អ្នកស្រីក៏បានកត់សម្គាល់ផងដែរថា Playboy និងលោក Hefner បានចូលរួមយ៉ាងខ្លាំងក្លាក្នុងការលើកកម្ពស់សកម្មភាពស្ត្រីក្នុងសង្គម។
បើតាមអ្នកស្រី Pitzulo ទស្សនាវដ្តី Playboy ចង់ប្រាប់ពិភពលោកថា ស្ត្រីស្អាតៗក៏ចូលចិត្តនិយាយរឿងផ្លូវភេទផងដែរ។ លោក Frederick Lane អ្នកនិពន្ធសៀវភៅម្នាក់នៅទីក្រុងញូវយ៉ក បានវាយតម្លៃថា លោក Hefner បានពង្រឹងសេរីភាពរបស់ស្ត្រីក្នុងការនិយាយដោយបើកចំហរពីបញ្ហាផ្លូវភេទ។
ជាមួយគ្នានេះផងដែរ អ្នកស្រី Jennifer Lena មកពីសាកលវិទ្យាល័យ Columbia University បានកត់សម្គាល់ឃើញថា Playboy មិនមែនសំដៅតែលើបញ្ហាផ្លូវភេទនោះឡើយ ប៉ុន្តែវាបានចូលរួមចំណែកការពារសេរីភាពសារព័ត៌មាន និងជំរុញឲ្យស្ត្រីចេះទាមទារតម្លៃរបស់ខ្លួនក្នុងសង្គម។
ទោះបីជាយ៉ាងណាក៏ដោយ លោក Hefner ក៏នៅតែរងការរិះគន់ពីអ្នកអភិរក្សវប្បធម៌ដដែល ពីព្រោះពួកគេយល់ថា Playboy ក៏ដូចជាលោក Hefner បានធ្វើឲ្យរបត់ប្រពៃណីកាន់តែរងគ្រោះថ្នាក់ និងគ្មានស្តង់ដារច្បាស់លាស់។
Marilyn Monroe គឺជាតារាទីមួយប្រចាំការផ្សាយលេខដំបូងរបស់ Playboy កាលពីខែធ្នូឆ្នាំ១៩៥៣។ តារាល្បីៗផ្សេងទៀតលើពិភពលោកដែលថតរូបស៊ិចស៊ី និងស្រាត នៅលើទំព័រមុខ Playboy រួមមានដូចជា Terry Ryan, Janet Pilgrim, Lisa Winters, Linda Vargas, Lari Laine, Heidi Becker, Lynn Schiller, Lynda Wiesmeier, Sharon Stone, Pamela Anderson, Caprice, Elizabeth Gracen, Anna Nicole Smith, Amber Smith, Cindy Crawford, Jenny McCarthy, Naomi Campbell, Bijou Phillips, Carmen Electra, Bai Ling, Vida Guerra, Tara Reid ជាដើម៕
លោក Hugh Hefner គឺជាអតីតសកម្មជនម្នាក់ដែលទាមទារឲ្យមានសេរីភាពផ្នែកផ្លូវភេទ និងសេរីភាពក្នុងបញ្ចេញមតិ បន្ថែមពីលើនេះលោកក៏ជាអតីតសកម្មជននយោបាយ និងជាអ្នកជំនួញផងដែរ។ ក្រោមគំនិតផ្តួចផ្តើមរបស់បុរសជនជាតិអាមេរិករូបនេះ ទស្សនាវដ្តី Playboy ត្រូវបានចេញផ្សាយជាលើកដំបូងនៅខែធ្នូ ឆ្នាំ១៩៥៣ ដោយមានទីស្នាក់ការនៅក្រុងឈីកាហ្គោ រដ្ឋ Illinois ។
កាលពីថ្ងៃទី២៧ ខែកញ្ញា លោក Hefner ទទួលមរណភាពនៅផ្ទះរបស់ខ្លួនក្នុងក្រុងឡូសអេនជឺលែស រដ្ឋ California ក្នុងអាយុ៩១ឆ្នាំ។ ក្រោយការស្លាប់លោក Hefner មានការលើកឡើងផ្សេងៗគ្នា ទាក់ទងនឹងគុណវិបត្តិ ក៏ដូចជាគុណសម្បត្តិរបស់ទស្សនាវដ្តី Playboy។
ស្របពេលដែលមានការលើកឡើងថា Playboy ធ្វើឲ្យស្ត្រីអាប់ឱន មតិខ្លះបានមើលឃើញពីគុណសម្បត្តិ និងការខំប្រឹងប្រឹងរបស់លោក Hefner នារយៈពេលជាង៦ទសវត្សរ៍កន្លងមក។ នេះបើតាមការផ្សាយរបស់សារព័ត៌មាន Van Guard។
អ្នកស្រី Carrie Pitzulo សាស្ត្រាចារ្យនៅសាកលវិទ្យាល័យ Colorado State University យល់ថា Playboy ជាទស្សនាវដ្តីដ៏អាសអាភាសបំផុត ប៉ុន្តែគាត់ក៏មើលឃើញផងដែរថា វាផ្តល់សារលើកទឹកចិត្តជាច្រើនដល់ស្ត្រី។ អ្នកស្រីក៏បានកត់សម្គាល់ផងដែរថា Playboy និងលោក Hefner បានចូលរួមយ៉ាងខ្លាំងក្លាក្នុងការលើកកម្ពស់សកម្មភាពស្ត្រីក្នុងសង្គម។
បើតាមអ្នកស្រី Pitzulo ទស្សនាវដ្តី Playboy ចង់ប្រាប់ពិភពលោកថា ស្ត្រីស្អាតៗក៏ចូលចិត្តនិយាយរឿងផ្លូវភេទផងដែរ។ លោក Frederick Lane អ្នកនិពន្ធសៀវភៅម្នាក់នៅទីក្រុងញូវយ៉ក បានវាយតម្លៃថា លោក Hefner បានពង្រឹងសេរីភាពរបស់ស្ត្រីក្នុងការនិយាយដោយបើកចំហរពីបញ្ហាផ្លូវភេទ។
ជាមួយគ្នានេះផងដែរ អ្នកស្រី Jennifer Lena មកពីសាកលវិទ្យាល័យ Columbia University បានកត់សម្គាល់ឃើញថា Playboy មិនមែនសំដៅតែលើបញ្ហាផ្លូវភេទនោះឡើយ ប៉ុន្តែវាបានចូលរួមចំណែកការពារសេរីភាពសារព័ត៌មាន និងជំរុញឲ្យស្ត្រីចេះទាមទារតម្លៃរបស់ខ្លួនក្នុងសង្គម។
ទោះបីជាយ៉ាងណាក៏ដោយ លោក Hefner ក៏នៅតែរងការរិះគន់ពីអ្នកអភិរក្សវប្បធម៌ដដែល ពីព្រោះពួកគេយល់ថា Playboy ក៏ដូចជាលោក Hefner បានធ្វើឲ្យរបត់ប្រពៃណីកាន់តែរងគ្រោះថ្នាក់ និងគ្មានស្តង់ដារច្បាស់លាស់។
Marilyn Monroe គឺជាតារាទីមួយប្រចាំការផ្សាយលេខដំបូងរបស់ Playboy កាលពីខែធ្នូឆ្នាំ១៩៥៣។ តារាល្បីៗផ្សេងទៀតលើពិភពលោកដែលថតរូបស៊ិចស៊ី និងស្រាត នៅលើទំព័រមុខ Playboy រួមមានដូចជា Terry Ryan, Janet Pilgrim, Lisa Winters, Linda Vargas, Lari Laine, Heidi Becker, Lynn Schiller, Lynda Wiesmeier, Sharon Stone, Pamela Anderson, Caprice, Elizabeth Gracen, Anna Nicole Smith, Amber Smith, Cindy Crawford, Jenny McCarthy, Naomi Campbell, Bijou Phillips, Carmen Electra, Bai Ling, Vida Guerra, Tara Reid ជាដើម៕
Tag:
Hugh Hefner
Playboy
© រក្សាសិទ្ធិដោយ thmeythmey.com
