ជាតិ
នយោបាយជាតិ
សមាជិកសភាបក្សសង្គ្រោះជាតិ មិនចូលប្រជុំពេញអង្គរដ្ឋសភា នៅថ្ងៃព្រហស្បតិ៍នេះឡើយ
×![]()
ដោយ: ថ្មីៗ
ក្រុមតំណាងរាស្ត្រគណបក្សសង្គ្រោះជាតិទាំងអស់ នឹងមិនចូលរួមកិច្ចប្រជុំពេញអង្គរដ្ឋសភា នៅថ្ងៃព្រហស្បតិ៍ ទី១២ ខែតុលានេះឡើយ។ សេចក្តីប្រកាសព័ត៌មានរបស់រដ្ឋសភា ចុះថ្ងៃទី១០ តុលានេះ សរសេរដូច្នេះ៖« ក្រុមសមាជិកសភាគណបក្សសង្គ្រោះជាតិទាំងអស់ មិនចូលរួមប្រជុំរដ្ឋសភា នីតិកាលទី៥ នៅថ្ងៃព្រហស្បតិ៍ ទី១២ ខែតុលានោះទេ»។
គណបក្សសង្គ្រោះជាតិ មិនបានបញ្ជាក់ពីមូលហេតុពហិកាចូលរួមប្រជុំសភានេះទេ ហើយសារព័ត៌មានថ្មីៗ ក៏មិនអាចទាក់ទងសុំការឆ្លើយតបពីអ្នកនាំពាក្យគណបក្សសង្គ្រោះជាតិដែរ ដោយទូរសព្ទចូលមិនមានអ្នកទទួល។
សូមបញ្ជាក់ថា រដ្ឋសភា នឹងបើកកិច្ចប្រជុំពេញអង្គ នៅថ្ងៃទី១២ ខែតុលានេះ ចំថ្ងៃដំបូងដែលតំណាងរាស្ត្រទាំង១២៣រូបត្រូវចូលធ្វើការវិញ បន្ទាប់ពីឈប់សម្រាករយៈពេល ៣ខែមក។ បើតាមអគ្គលេខាធិការដ្ឋានរដ្ឋសភា ព្រះមហាក្សត្រកម្ពុជា ព្រះករុណា ព្រះបាទ សម្តេច ព្រះបរមនាថ នរោត្តមសីហមុនី នឹងប្រទានព្រះរាជសារ ដល់កិច្ចប្រជុំពេញអង្គនេះ ហើយសេចក្តីព្រាងច្បាប់ និងរបៀបវារៈផ្សេងៗទៀត ក៏នឹងត្រូវលើកទៅពិភាក្សា និងអនុម័តផងដែរ៕
គណបក្សសង្គ្រោះជាតិ មិនបានបញ្ជាក់ពីមូលហេតុពហិកាចូលរួមប្រជុំសភានេះទេ ហើយសារព័ត៌មានថ្មីៗ ក៏មិនអាចទាក់ទងសុំការឆ្លើយតបពីអ្នកនាំពាក្យគណបក្សសង្គ្រោះជាតិដែរ ដោយទូរសព្ទចូលមិនមានអ្នកទទួល។
សូមបញ្ជាក់ថា រដ្ឋសភា នឹងបើកកិច្ចប្រជុំពេញអង្គ នៅថ្ងៃទី១២ ខែតុលានេះ ចំថ្ងៃដំបូងដែលតំណាងរាស្ត្រទាំង១២៣រូបត្រូវចូលធ្វើការវិញ បន្ទាប់ពីឈប់សម្រាករយៈពេល ៣ខែមក។ បើតាមអគ្គលេខាធិការដ្ឋានរដ្ឋសភា ព្រះមហាក្សត្រកម្ពុជា ព្រះករុណា ព្រះបាទ សម្តេច ព្រះបរមនាថ នរោត្តមសីហមុនី នឹងប្រទានព្រះរាជសារ ដល់កិច្ចប្រជុំពេញអង្គនេះ ហើយសេចក្តីព្រាងច្បាប់ និងរបៀបវារៈផ្សេងៗទៀត ក៏នឹងត្រូវលើកទៅពិភាក្សា និងអនុម័តផងដែរ៕
© រក្សាសិទ្ធិដោយ thmeythmey.com
