សភាប្រជុំពេញអង្គ ដោយគ្មានវត្តមានតំណាងរាស្ត្របក្សប្រឆាំង

ជាតិ

នយោបាយជាតិ

សភាប្រជុំពេញអង្គ ដោយគ្មានវត្តមានតំណាងរាស្ត្របក្សប្រឆាំង

12, Oct 2017 , 8:41 am

រូបភាព

ដោយ: ថ្មីៗ

ភ្នំពេញ៖ រដ្ឋសភាបើកកិច្ចប្រជុំពេញអង្គ លើកទី៩ នីតិកាលទី៥ នៅព្រឹកថ្ងៃ១២ តុលានេះ ដោយមានសមាជិកតំណាងរាស្ត្រគណបក្សប្រជាជនកម្ពុជា ចូលរួមចំនួន៦៧កូរ៉ុម។ ចំណែកតំណាងរាស្ត្រគណបក្សសង្គ្រោះជាតិអវត្តមានក្នុងកិច្ចប្រជុំនេះ។

ការបើកកិច្ចប្រជុំពេញអង្គនេះ គឺចាត់ទុកជាថ្ងៃដំបូង សម្រាប់តំណាងរាស្ត្រទាំង១២៣រូប ដែលត្រូវចូលធ្វើការឡើងវិញក្នុងរដ្ឋសភា ក្រោយពីឈប់សម្រាករយៈពេល ៣ខែកន្លងមក។

បើតាមសេចក្តីប្រកាសព័ត៌មានពីអគ្គលេខាធិការដ្ឋាននៃរដ្ឋសភា ព្រះករុណា ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រកម្ពុជា នឹងប្រទានព្រះរាជសារ ដល់កិច្ចប្រជុំពេញអង្គ ។ សេចក្តីព្រាងច្បាប់ និងរបៀបវារៈផ្សេងៗទៀត ក៏នឹងត្រូវលើកទៅពិភាក្សានិងអនុម័តក្នុងកិច្ចប្រជុំពេញអង្គនៃរដ្ឋសភា ផងដែរ៕