អន្តរជាតិ
រូបភាព៖ Xinhua
×![]()
ដោយ: តន ចាន់រិទ្ធារ៉ា
ប៉េកាំង៖ សមាជបក្សកុម្មុយនីស្តចិនលើកទី១៩ នឹងចាប់ផ្ដើមនៅថ្ងៃទី១៨ ខែតុលា។ តំណាងសមាជិកបក្សកុម្មុយនីស្តមកពីទូទាំងប្រទេសប្រមាណជាងពីរពាន់នាក់ នឹងមានវត្តមានក្នុងសមាជដែលរៀបចំរៀងរាល់ប្រាំឆ្នាំម្ដងនេះ។ សមាជបក្ស គឺជាជំនួបដ៏សំខាន់ដែលសម្រេចចិត្តលើការជ្រើសរើសថ្នាក់ដឹកនាំសំខាន់ៗរបស់បក្សកុម្មុយនីស្ត អនុម័តគោលនយោបាយដឹកនាំប្រទេសរយៈពេលប្រាំឆ្នាំទៅមុខ ជាពិសេសការកែរដ្ឋធម្មនុញ្ញដើម្បីបញ្ចូលទស្សនវិស័យលោកស៊ី ជិនភីង ផង។
សមាជបក្សកុម្មុយនីស្តចិនលើកនេះ ពិតជាទាក់ទាញចំណាប់អារម្មណ៍ទាំងក្នុងស្រុក និងក្រៅស្រុក។ ប្រធានបទសំខាន់ជាងគេនៃសមាជ គឺការជ្រើសរើសថ្នាក់ដឹកនាំថ្មី ដោយលោកស៊ី ជិនភីង ដែលរំពឹងថានឹងបន្តកាន់អំណាចរយៈពេល៥ឆ្នាំទៀតក្នុងនាមជាអគ្គលេខាធិការបក្សនោះ នឹងព្យាយាមបញ្ជូលមនុស្សជំនិតរបស់ខ្លួនក្នុងស្ថាប័នកំពូលរបស់បក្ស គឺគណៈកម្មាធិការមជ្ឈិម និងការិយាល័យនយោបាយដ៏មានឥទ្ធិពល។
ក្រៅពីរបៀបវារៈនៃការផ្លាស់ប្ដូរថ្នាក់ដឹកនាំសំខាន់ ប្រធានបទសំខាន់មួយចំនួនទៀតក៏ស្ថិតក្នុងក្រសែភ្នែកគេឯងដែរ។
គោលនយោបាយប្រាំឆ្នាំ ២០១៧-២០២២
ក្នុងរបាយការណ៍ក្នុងនាមជាលេខាបក្ស លោកស៊ី ជិនភីង នឹងដាក់ចេញគោលនយោបាយរបស់បក្ស និងទិសដៅនយោបាយទូទៅសម្រាប់រយៈពេល៥ឆ្នាំ (២០១៧-២០២២) ដោយផ្ដោតលើវិស័យជាច្រើនដូចជាសេដ្ឋកិច្ច ប្រព័ន្ធនយោបាយ វប្បធម៌ ការរស់នៅរបស់ប្រជាជន នយោបាយការពារជាតិ និងការបរទេសជាដើមផង។ នយោបាយដែលអនុម័តក្នុងសមាជនេះ នឹងក្លាយជាបន្ទាត់នយោបាយសម្រាប់ប្រទេសចិនទាំងមូល។
បញ្ហាផ្ទៃក្នុង៖ ហុងកុង, ម៉ាកាវ និងតៃវ៉ាន់
ហុងកុង, ម៉ាកាវ និងតៃវ៉ាន់ នៅតែជាចំណុចរសើបរបស់បក្សកុម្មុយនីស្តចិន។ សមាជបក្សលើកនេះនឹងនៅតែរក្សាជំហររបស់ខ្លួនដដែល ប៉ុន្តែនឹងមានការផ្លាស់ប្ដូរនយោបាយខ្លះចំពោះបញ្ហាហុងកុង ដ្បិតមានការកើនឡើងចលនាទាមទារស្វ័យភាពទូលំទូលាយខ្លាំងនារយៈពេលចុងក្រោយនេះ។ មួយវិញទៀត ការចូលនិវត្តន៍របស់ប្រធានសភា ចាង តេជាំង ទទួលបន្ទុកកិច្ចតំបន់ទាំងបីក្នុងជួរបក្សនោះ ក៏អាចនាំឲ្យមានការប្រែប្រួលខ្លះដែរ។
មនោគមន៍វិជ្ជារបស់លោកស៊ី ជិនភីង
គណៈកម្មាធិការមជ្ឈិមបក្សកុម្មុយនីស្តចិនបានទទួលស្គាល់ថា បក្សគ្រោងនឹងវិសោធនកម្មរដ្ឋធម្មនុញ្ញបក្សក្នុងពេលសមាជ ដោយអាចនឹងបញ្ចូលគំនិតនយោបាយរបស់លេខាបក្សលោក ស៊ី ជិនភីង ផង។ ការដាក់គំនិតនយោបាយក្នុងរដ្ឋធម្មនុញ្ញបក្សនឹងធ្វើលោកមានអំណាច និងឈ្មោះស្មើមុខស្មើមាត់លោកប្រធាន ម៉ៅ សេទុង និងលោក តេង ស៊ាវភីង ដែរ។ ការបញ្ចូលគំនិតនេះ ក៏ជាផ្នែកមួយនៃការប្រមូលផ្ដុំអំណាចណែនពេញដៃផងដែរ។
ការកែទម្រង់គណៈកម្មការយោធាមជ្ឈិម
ក្រៅពីការផ្លាស់ប្ដូរថ្នាក់ដឹកនាំបក្ស គណៈកម្មការយោធាមជ្ឈិម ដែលគ្រប់គ្រងលើការបញ្ជាកងទ័ពរំដោះប្រជាជនចិន គឺស្ថិតក្នុងបញ្ជីកែសម្រួលដែរ។ រចនាសម្ព័ន្ធបច្ចុប្បន្នរបស់គណៈកម្មការនេះ បន្សល់ទុកជាយូរមកហើយ គឺមុនពេលលោក ស៊ី ជិនភីង ដែលជាប្រធានគណៈកម្មការមួយនេះ ចាប់ផ្ដើមកែទម្រង់កងទ័ពមក។ គណៈកម្មការនេះ នឹងត្រូវផ្លាស់ប្ដូរដោយប្រើរចនាសម្ព័ន្ធថ្មីឲ្យស្របតាមគំនិតលោក ស៊ី ជិនភីង ។
យុទ្ធនាការប្រឆាំងអំពើពុករលួយ
ការបោសសម្អាតអំពើពុករលួយ គឺជាយុទ្ធនាការរបស់លោក ស៊ី ជិនភីង តាំងពីកាន់តំណែងភ្លាមៗមកម្ល៉េះ។ ដើម្បីបោសសម្អាតក្រុមមន្ត្រីពុករលួយស៊ីរូងផ្ទៃក្នុងពី «មន្ត្រីរុយ» ដល់ «មន្ត្រីខ្លា» ព្រមទាំងគូប្រជែងលោក ស៊ី ជីនភីង ផង។ ប៉ុន្តែការដល់អាយុចូលនិវត្តន៍របស់លោក វ៉ាង ជីសាន ប្រធានគណៈកម្មការត្រួតពិនិត្យវិន័យ ទើបជារឿងគួរឲ្យចាប់អារម្មណ៍។ ជារឿងល្អដែលលោក ស៊ី អាចទុកលោក វ៉ាង បន្តទៀត តែក្នុងករណីលោក វ៉ាង ចាកចេញ ការផ្លាស់ប្ដូរដ៏ធំមួយនឹងកើតឡើងមិនខាន៕
សមាជបក្សកុម្មុយនីស្តចិនលើកនេះ ពិតជាទាក់ទាញចំណាប់អារម្មណ៍ទាំងក្នុងស្រុក និងក្រៅស្រុក។ ប្រធានបទសំខាន់ជាងគេនៃសមាជ គឺការជ្រើសរើសថ្នាក់ដឹកនាំថ្មី ដោយលោកស៊ី ជិនភីង ដែលរំពឹងថានឹងបន្តកាន់អំណាចរយៈពេល៥ឆ្នាំទៀតក្នុងនាមជាអគ្គលេខាធិការបក្សនោះ នឹងព្យាយាមបញ្ជូលមនុស្សជំនិតរបស់ខ្លួនក្នុងស្ថាប័នកំពូលរបស់បក្ស គឺគណៈកម្មាធិការមជ្ឈិម និងការិយាល័យនយោបាយដ៏មានឥទ្ធិពល។
ក្រៅពីរបៀបវារៈនៃការផ្លាស់ប្ដូរថ្នាក់ដឹកនាំសំខាន់ ប្រធានបទសំខាន់មួយចំនួនទៀតក៏ស្ថិតក្នុងក្រសែភ្នែកគេឯងដែរ។
គោលនយោបាយប្រាំឆ្នាំ ២០១៧-២០២២
ក្នុងរបាយការណ៍ក្នុងនាមជាលេខាបក្ស លោកស៊ី ជិនភីង នឹងដាក់ចេញគោលនយោបាយរបស់បក្ស និងទិសដៅនយោបាយទូទៅសម្រាប់រយៈពេល៥ឆ្នាំ (២០១៧-២០២២) ដោយផ្ដោតលើវិស័យជាច្រើនដូចជាសេដ្ឋកិច្ច ប្រព័ន្ធនយោបាយ វប្បធម៌ ការរស់នៅរបស់ប្រជាជន នយោបាយការពារជាតិ និងការបរទេសជាដើមផង។ នយោបាយដែលអនុម័តក្នុងសមាជនេះ នឹងក្លាយជាបន្ទាត់នយោបាយសម្រាប់ប្រទេសចិនទាំងមូល។
បញ្ហាផ្ទៃក្នុង៖ ហុងកុង, ម៉ាកាវ និងតៃវ៉ាន់
ហុងកុង, ម៉ាកាវ និងតៃវ៉ាន់ នៅតែជាចំណុចរសើបរបស់បក្សកុម្មុយនីស្តចិន។ សមាជបក្សលើកនេះនឹងនៅតែរក្សាជំហររបស់ខ្លួនដដែល ប៉ុន្តែនឹងមានការផ្លាស់ប្ដូរនយោបាយខ្លះចំពោះបញ្ហាហុងកុង ដ្បិតមានការកើនឡើងចលនាទាមទារស្វ័យភាពទូលំទូលាយខ្លាំងនារយៈពេលចុងក្រោយនេះ។ មួយវិញទៀត ការចូលនិវត្តន៍របស់ប្រធានសភា ចាង តេជាំង ទទួលបន្ទុកកិច្ចតំបន់ទាំងបីក្នុងជួរបក្សនោះ ក៏អាចនាំឲ្យមានការប្រែប្រួលខ្លះដែរ។
មនោគមន៍វិជ្ជារបស់លោកស៊ី ជិនភីង
គណៈកម្មាធិការមជ្ឈិមបក្សកុម្មុយនីស្តចិនបានទទួលស្គាល់ថា បក្សគ្រោងនឹងវិសោធនកម្មរដ្ឋធម្មនុញ្ញបក្សក្នុងពេលសមាជ ដោយអាចនឹងបញ្ចូលគំនិតនយោបាយរបស់លេខាបក្សលោក ស៊ី ជិនភីង ផង។ ការដាក់គំនិតនយោបាយក្នុងរដ្ឋធម្មនុញ្ញបក្សនឹងធ្វើលោកមានអំណាច និងឈ្មោះស្មើមុខស្មើមាត់លោកប្រធាន ម៉ៅ សេទុង និងលោក តេង ស៊ាវភីង ដែរ។ ការបញ្ចូលគំនិតនេះ ក៏ជាផ្នែកមួយនៃការប្រមូលផ្ដុំអំណាចណែនពេញដៃផងដែរ។
ការកែទម្រង់គណៈកម្មការយោធាមជ្ឈិម
ក្រៅពីការផ្លាស់ប្ដូរថ្នាក់ដឹកនាំបក្ស គណៈកម្មការយោធាមជ្ឈិម ដែលគ្រប់គ្រងលើការបញ្ជាកងទ័ពរំដោះប្រជាជនចិន គឺស្ថិតក្នុងបញ្ជីកែសម្រួលដែរ។ រចនាសម្ព័ន្ធបច្ចុប្បន្នរបស់គណៈកម្មការនេះ បន្សល់ទុកជាយូរមកហើយ គឺមុនពេលលោក ស៊ី ជិនភីង ដែលជាប្រធានគណៈកម្មការមួយនេះ ចាប់ផ្ដើមកែទម្រង់កងទ័ពមក។ គណៈកម្មការនេះ នឹងត្រូវផ្លាស់ប្ដូរដោយប្រើរចនាសម្ព័ន្ធថ្មីឲ្យស្របតាមគំនិតលោក ស៊ី ជិនភីង ។
យុទ្ធនាការប្រឆាំងអំពើពុករលួយ
ការបោសសម្អាតអំពើពុករលួយ គឺជាយុទ្ធនាការរបស់លោក ស៊ី ជិនភីង តាំងពីកាន់តំណែងភ្លាមៗមកម្ល៉េះ។ ដើម្បីបោសសម្អាតក្រុមមន្ត្រីពុករលួយស៊ីរូងផ្ទៃក្នុងពី «មន្ត្រីរុយ» ដល់ «មន្ត្រីខ្លា» ព្រមទាំងគូប្រជែងលោក ស៊ី ជីនភីង ផង។ ប៉ុន្តែការដល់អាយុចូលនិវត្តន៍របស់លោក វ៉ាង ជីសាន ប្រធានគណៈកម្មការត្រួតពិនិត្យវិន័យ ទើបជារឿងគួរឲ្យចាប់អារម្មណ៍។ ជារឿងល្អដែលលោក ស៊ី អាចទុកលោក វ៉ាង បន្តទៀត តែក្នុងករណីលោក វ៉ាង ចាកចេញ ការផ្លាស់ប្ដូរដ៏ធំមួយនឹងកើតឡើងមិនខាន៕
Tag:
ចិន
ស៊ី ជិនភីង
សមាជលើកទី១៩
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
