ជាតិ
ព្រឹទ្ធសភាកំពុងពិនិត្យច្បាប់ «យកអាសនៈនៃបក្ស ដែលត្រូវរំលាយ ទៅឲ្យបក្សផ្សេង»
រូបភាព៖ លោក ម៉ម ប៊ុននាង អ្នកនាំពាក្យព្រឹទ្ធសភា ផ្តល់បទសម្ភាសដល់ក្រុមអ្នកកាសែត កាលពីកន្លងទៅ
×![]()
ដោយ: ថ្មីៗ
ភ្នំពេញ៖ ក្រោយអនុម័តរួច រដ្ឋសភា ក៏បញ្ជូនសេចក្តីស្នើសុំឲ្យធ្វើវិសោធនកម្មច្បាប់ទាំង៤ ទាក់ទងនឹងការយកអាសនៈនៃគណបក្សមួយ ដែលត្រូវបានរំលាយ ឲ្យគណបក្សដទៃ ទៅកាន់ព្រឹទ្ធសភា ដើម្បីពិនិត្យបន្ត។ ពេលសេចក្តីស្នើទាំងនោះ ធ្លាក់ដល់ដៃខ្លួនភ្លាម ព្រឹទ្ធសភា ក៏ចាប់ផ្តើមពិនិត្យតែម្តង ដោយមិនបង្អង់យូរឡើយ។
សេចក្តីស្នើសុំឲ្យធ្វើវិសោធនកម្មច្បាប់ទាំង៤ ដែលរួមមាន ច្បាប់ស្តីពីការបោះឆ្នោតជ្រើសតាំងតំណាងរាស្ត្រ ច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ច្បាប់ស្តីពីការបោះឆ្នោតជ្រើសតាំងក្រុមប្រឹក្សាឃុំ សង្កាត់ និងច្បាប់ស្តីពីការបោះឆ្នោតជ្រើសតាំងក្រុមប្រឹក្សារាជធានី ខេត្ត ក្រុង ស្រុក ខណ្ឌ ត្រូវបានគណៈកម្មាធិការអចិន្ត្រៃយ៍ព្រឹទ្ធសភា បើកកិច្ចប្រជុំពិភាក្សារួចហើយ នៅព្រឹកថ្ងៃទី១៧ ខែតុលា ឆ្នាំ២0១៧ នេះ។ លោក ម៉ម ប៊ុននាង អ្នកនាំពាក្យព្រឹទ្ធសភា ប្រាប់សារព័ត៌មានថ្មីៗយ៉ាងដូច្នេះ ក្រោយពីបញ្ចប់កិច្ចប្រជុំ។
លោក ម៉ម បុននាង បានអះអាងថា ក្រោយប្រជុំរួច សេចក្តីស្នើទាំង៤ខាងលើ ត្រូវបានបញ្ជូនបន្តទៅកាន់គណៈកម្មការជំនាញទី៦នៃព្រឹទ្ធសភា ដើម្បីសិក្សានិងពិនិត្យលម្អិត។ លោក ពន្យល់ពីនីតិវិធីយ៉ាងដូច្នេះថា៖«គណៈកម្មការជំនាញនេះ មានរយៈពេល៥ថ្ងៃ ដើម្បីពិនិត្យសេចក្តីស្នើទាំងហ្នឹង។ ៥ថ្ងៃក្រោយបន្ទាប់ពីពិនិត្យចប់ ត្រូវបញ្ជូនមកគណៈកម្មាធិការអចិន្ត្រៃយ៍វិញ ហើយគណៈកម្មាធិការអចិន្ត្រៃយ៍ នឹងប្រជុំចុងក្រោយ ដើម្បីដាក់សេចក្តីស្នើនោះ ចូលទៅកិច្ចប្រជុំពេញអង្គនៃព្រឹទ្ធសភា»។
លោក ឡេង ប៉េងឡុង អ្នកនាំពាក្យរដ្ឋសភា ប្រាប់សារព័ត៌មានថ្មីៗថា ពេលណាទទួលបានសេចក្តីស្នើខាងលើ ពីព្រឹទ្ធសភាវិញ រដ្ឋសភា នឹងបន្តបញ្ជូនទៅកាន់ក្រុមប្រឹក្សាធម្មនុញ្ញ។ លោក បញ្ជាក់ចុងក្រោយថា បន្ទាប់ពីក្រុមប្រឹក្សាធម្មនុញ្ញ ពិនិត្យរួចរាល់ហើយ សេចក្តីស្នើនោះ នឹងថ្វាយទៅព្រះមហាក្សត្រ ដើម្បីព្រះអង្គឡាយព្រះហស្តលេខា ឲ្យប្រើប្រាស់ជាផ្លូវការ។
សូមបញ្ជាក់ថា អ្នកដែលផ្តើមគំនិតកែប្រែច្បាប់ទាំង៤នេះ គឺក្រុមតំណាងរាស្ត្រគណបក្សប្រជាជនកម្ពុជា។ នៅថ្ងៃទី១៦ ខែតុលា ឆ្នាំ២0១៧ រដ្ឋសភា បានបើកកិច្ចប្រជុំពេញអង្គ ក្រោមវត្តមានរបស់តំណាងរាស្ត្រគណបក្សប្រជាជនកម្ពុជា ដើម្បីអនុម័តខ្លឹមសារថ្មីនៃច្បាប់ខាងលើ។ ឯគណបក្សសង្គ្រោះជាតិ បានជំទាស់យ៉ាងខ្លាំងចំពោះខ្លឹមសារថ្មីនៃច្បាប់នេះ។ ដោយមិនពេញចិត្តនឹងខ្លឹមសារថ្មីនេះ តំណាងរាស្ត្រគណបក្សសង្គ្រោះជាតិ ពុំបានចូលរួមប្រជុំក្នុងរដ្ឋសភាឡើយ៕
សេចក្តីស្នើសុំឲ្យធ្វើវិសោធនកម្មច្បាប់ទាំង៤ ដែលរួមមាន ច្បាប់ស្តីពីការបោះឆ្នោតជ្រើសតាំងតំណាងរាស្ត្រ ច្បាប់ស្តីពីការបោះឆ្នោតជ្រើសតាំងសមាជិកព្រឹទ្ធសភា ច្បាប់ស្តីពីការបោះឆ្នោតជ្រើសតាំងក្រុមប្រឹក្សាឃុំ សង្កាត់ និងច្បាប់ស្តីពីការបោះឆ្នោតជ្រើសតាំងក្រុមប្រឹក្សារាជធានី ខេត្ត ក្រុង ស្រុក ខណ្ឌ ត្រូវបានគណៈកម្មាធិការអចិន្ត្រៃយ៍ព្រឹទ្ធសភា បើកកិច្ចប្រជុំពិភាក្សារួចហើយ នៅព្រឹកថ្ងៃទី១៧ ខែតុលា ឆ្នាំ២0១៧ នេះ។ លោក ម៉ម ប៊ុននាង អ្នកនាំពាក្យព្រឹទ្ធសភា ប្រាប់សារព័ត៌មានថ្មីៗយ៉ាងដូច្នេះ ក្រោយពីបញ្ចប់កិច្ចប្រជុំ។
លោក ម៉ម បុននាង បានអះអាងថា ក្រោយប្រជុំរួច សេចក្តីស្នើទាំង៤ខាងលើ ត្រូវបានបញ្ជូនបន្តទៅកាន់គណៈកម្មការជំនាញទី៦នៃព្រឹទ្ធសភា ដើម្បីសិក្សានិងពិនិត្យលម្អិត។ លោក ពន្យល់ពីនីតិវិធីយ៉ាងដូច្នេះថា៖«គណៈកម្មការជំនាញនេះ មានរយៈពេល៥ថ្ងៃ ដើម្បីពិនិត្យសេចក្តីស្នើទាំងហ្នឹង។ ៥ថ្ងៃក្រោយបន្ទាប់ពីពិនិត្យចប់ ត្រូវបញ្ជូនមកគណៈកម្មាធិការអចិន្ត្រៃយ៍វិញ ហើយគណៈកម្មាធិការអចិន្ត្រៃយ៍ នឹងប្រជុំចុងក្រោយ ដើម្បីដាក់សេចក្តីស្នើនោះ ចូលទៅកិច្ចប្រជុំពេញអង្គនៃព្រឹទ្ធសភា»។
លោក ឡេង ប៉េងឡុង អ្នកនាំពាក្យរដ្ឋសភា ប្រាប់សារព័ត៌មានថ្មីៗថា ពេលណាទទួលបានសេចក្តីស្នើខាងលើ ពីព្រឹទ្ធសភាវិញ រដ្ឋសភា នឹងបន្តបញ្ជូនទៅកាន់ក្រុមប្រឹក្សាធម្មនុញ្ញ។ លោក បញ្ជាក់ចុងក្រោយថា បន្ទាប់ពីក្រុមប្រឹក្សាធម្មនុញ្ញ ពិនិត្យរួចរាល់ហើយ សេចក្តីស្នើនោះ នឹងថ្វាយទៅព្រះមហាក្សត្រ ដើម្បីព្រះអង្គឡាយព្រះហស្តលេខា ឲ្យប្រើប្រាស់ជាផ្លូវការ។
សូមបញ្ជាក់ថា អ្នកដែលផ្តើមគំនិតកែប្រែច្បាប់ទាំង៤នេះ គឺក្រុមតំណាងរាស្ត្រគណបក្សប្រជាជនកម្ពុជា។ នៅថ្ងៃទី១៦ ខែតុលា ឆ្នាំ២0១៧ រដ្ឋសភា បានបើកកិច្ចប្រជុំពេញអង្គ ក្រោមវត្តមានរបស់តំណាងរាស្ត្រគណបក្សប្រជាជនកម្ពុជា ដើម្បីអនុម័តខ្លឹមសារថ្មីនៃច្បាប់ខាងលើ។ ឯគណបក្សសង្គ្រោះជាតិ បានជំទាស់យ៉ាងខ្លាំងចំពោះខ្លឹមសារថ្មីនៃច្បាប់នេះ។ ដោយមិនពេញចិត្តនឹងខ្លឹមសារថ្មីនេះ តំណាងរាស្ត្រគណបក្សសង្គ្រោះជាតិ ពុំបានចូលរួមប្រជុំក្នុងរដ្ឋសភាឡើយ៕
Tag:
ច្បាប់ចែកអាសនៈ
ព្រឹទ្ធសភា
© រក្សាសិទ្ធិដោយ thmeythmey.com
