ស្ត្រីជនជាតិដើមភាគតិច កាន់តែសកម្មក្នុងការស្វែងយល់បញ្ហាសុខភាព និងការអប់រំកូន

បទយកការណ៍ / បទសម្ភាសន៍

ស្ត្រីជនជាតិដើមភាគតិច កាន់តែសកម្មក្នុងការស្វែងយល់បញ្ហាសុខភាព និងការអប់រំកូន

08, Mar 2018 , 9:19 am

រូបភាព

ដោយ: ញឹក ស្រីល័ក្ខ (Nhek Sreyleak)

រតនគិរី៖ ស្ត្រីជនជាតិដើមភាគតិច រស់នៅតំបន់ដាច់ស្រយាល ក្នុងឃុំញ៉ាង ស្រុកអណ្ដូងមាស ខេត្តរតនគិរី បានផ្ដើមចូលរួមក្នុងការងារសហគមន៍ ដោយផ្ដោតលើបញ្ហាសុខភាព និងការអប់រំកូន។ ក្នុងមួយខែ ជនជាតិដើមភាគតិច ដែលជាក្រុមឪពុកម្ដាយនេះ បានចូលរួមប្រជុំចំនួន ២ដង ពីការផ្ដល់អាហារូបត្ថម្ភ និងការថែទាំកុមារតូច ឲ្យមានសុខភាពល្អ។ កញ្ញា ប៊ុន ជាលី ប្រធានក្រុមកិច្ចការនារីឃុំញ៉ាង បានឲ្យដឹងថា ក្រោយចូលរួមក្នុងការងារសហគមន៍ ស្ត្រីមានភាពក្លាហានជាងមុន និងយល់ដឹងច្រើនពីបញ្ហាសុខភាព រួមទាំងបញ្ចេញមតិយោបល់នានាផង។ ក្រុមឪពុកម្ដាយ ជាក្រុមមួយស្ថិតក្នុងការអនុវត្តគម្រោងរយៈពេល៣ឆ្នាំ របស់អង្គការភ្លែនអន្តរជាតិ និងអង្គការដៃគូ ដែលគាំទ្រថវិកាដោយសហភាពអឺរ៉ុប។ ក្រុមឪពុកម្ដាយនេះ បង្កើតឡើងផ្ដោតលើការពង្រឹងសមត្ថភាពក្រុមឪពុកម្ដាយ និងអ្នកមើលថែកុមារ ក្នុងការមើលថែទាំ និងអប់រំកុមារ៕

សូមអញ្ជើញទស្សនាបទសម្ភាស រវាងកញ្ញា ញឹក ស្រីល័ក្ខ អ្នកសារព័ត៌មាន www.thmeythmey.com ជាមួយកញ្ញា ប៊ុន ជាលី ប្រធានក្រុមកិច្ចការនារីឃុំញ៉ាងដូចតទៅ៖