ជាតិ
នយោបាយជាតិ
លោក ជាវ តាយ ត្រូវបានតែងតាំងជាអភិបាលខេត្តកំពតជំនួសលោក ចាន់ ចេស្តា លោក ជាវ តាយ (ឆ្វេង) ត្រូវបានតែងតាំងជាអភិបាលខេត្តកំពតជំនួសលោក ចាន់ ចេស្តា
× ភ្នំពេញ៖ អភិបាលខេត្តកំពត លោក ចាន់ ចេស្តា ត្រូវបានព្រះមហាក្សត្រត្រាស់បង្គាប់ផ្ទេរភារកិច្ចមកកាន់តួនាទីនៅក្របខណ្ឌដើមវិញ។ ចំណែកតួនាទីអភិបាលខេត្តកំពតនេះ ជំនួសដោយលោក ជាវ តាយ អភិបាលរងខេត្តកណ្ដាល។ លោក ជាវ តាយ ត្រូវបានតែងតាំងឋានន្តរស័ក្តិឧត្តមមន្ត្រី ថ្នាក់លេខ១ ជាអភិបាលនៃគណៈអភិបាលខេត្តកំពត។ នេះបើតាមព្រះរាជក្រឹត្យរបស់មហាក្សត្រ។
ព្រះរាជក្រឹត្យនៅថ្ងៃទី០២ ខែមករា ឆ្នាំ២០១៨ បានត្រាស់បង្គាប់៖«ផ្ទេរភារកិច្ចឯកឧត្តម ចាន់ ចេស្តា ឋានន្តរស័ក្តិឧត្តមមន្ត្រី ថ្នាក់លេខ៤ នៃក្របខ័ណ្ឌមន្ត្រីគ្រប់គ្រងរដ្ឋបាលក្រសួងកសិកម្ម រុក្ខាប្រមាញ់ និងនេសាទ ពីអភិបាល នៃគណៈអភិបាលខេត្តកំពត ឲ្យទៅបម្រើការងារនៅក្របខ័ណ្ឌដើមវិញ»។
លោក ចាន់ ចេស្តា ត្រូវបានតែងតាំងជាអភិបាលខេត្តកំពត កាលពីខែមីនា ឆ្នាំ២០១៦កន្លងមក ៕
Tag:
ជាវ តាយ
ចាន់ ចេស្តា
កំពត
© រក្សាសិទ្ធិដោយ thmeythmey.com