គ្រោះថ្នាក់ចរាចរណ៍ ១៥ថ្ងៃ ខែមករា បណ្តាលឲ្យមនុស្សស្លាប់៩៤នាក់ និងរបួស២០៩នាក់

ជាតិ

គ្រោះថ្នាក់ចរាចរណ៍ ១៥ថ្ងៃ ខែមករា បណ្តាលឲ្យមនុស្សស្លាប់៩៤នាក់ និងរបួស២០៩នាក់

15, Jan 2018 , 10:59 pm

រូបភាព

ដោយ:

រយៈពេល ១៥ថ្ងៃ ចាប់ពីថ្ងៃទី១ ដល់ថ្ងៃទី១៥ ខែមករា នេះ គ្រោះថ្នាក់ចរាចរណ៍ បានកើតឡើង ចំនួន១៥៥លើក បណ្ដាលឲ្យមានមនុស្សស្លាប់ ចំនួន៩៤នាក់ និងរបួសសរុប ចំនួន២០៩នាក់។ នេះបើតាមរបាយការណ៍ស្តីពីគ្រោះថ្នាក់ចរាចរណ៍ពីនាយកដ្ឋានចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ។

របាយការណ៍ខាងលើ បន្តថា មូលហេតុបណ្ដាលឲ្យមានគ្រោះថ្នាក់ចរាចរណ៍ទាំងនេះ គឺដោយសារការបើកបរលើសល្បឿនកំណត់ មិនប្រកាន់ស្ដាំ មិនគោរពសិទ្ធិអាទិភាពគ្នា ស្រវឹង ងងុយដេក និងកត្តាយានយន្តជាដើម។

នាយកដ្ឋានចរាចរណ៍ និងសណ្តាប់ធ្នាប់សាធារណៈ ឲ្យដឹងទៀតថា គ្រោះថ្នាក់ចរាចរណ៍ ពាក់កណ្ដាលខែមករា ឆ្នាំ២០១៨ មានការកើនឡើងច្រើនជាង ខែមករា ឆ្នាំ២០១៧។ បើតាមប្រភពដដែល រយៈពេល ១៥ថ្ងៃ ខែមករា កាលពីឆ្នាំ២0១៧ គ្រោះថ្នាក់ចរាចរណ៍ បានកើតឡើងតែ១៣៣លើក ហើយបណ្តាលឲ្យមនុស្សស្លាប់៧៦នាក់ និងរបួសសរុប១៩៩នាក់ ប៉ុណ្ណោះ៕