អន្តរជាតិ
ឌូទើតេ ផ្តាំប៉ូលិសទាហាន មិនឲ្យសហការជាមួយមន្ត្រី UN ដែលស៊ើបអង្កេត រឿងសង្គ្រាមគ្រឿងញៀន
រូបភាព Inquirer
×![]()
ប្រមុខកំពូលហ្វីលីពីន លោក រ៉ូឌ្រីហ្គោ ឌូទើតេ បានដាក់បទបញ្ជាម៉ឺងម៉ាត់ដល់កងកម្លាំងប្រដាប់អាវុធកុំឲ្យសហកាជាមួយមន្ត្រីជំនាញរបស់អង្គការសហប្រជាជាតិដែលចុះស៊ើបអង្កេតក្នុងសំណុំរឿងសង្ក្រាមគ្រឿងញៀនរបស់រដ្ឋាភិបាលរបស់លោក ។ លោកដាក់បញ្ជាបែបនេះ ដ្បិតមិនចង់ឲ្យមន្ត្រីរបស់ខ្លួន ធ្វើការជាមួយនឹង មន្ត្រីអន្តរជាតិ ដែលលោក យល់ឃើញថាគ្មានវិជ្ជាជីវៈឡើយ ។
«សូមចងចាំបទបញ្ជារបស់ខ្ញុំ រាល់បញ្ហាសិទ្ធិមនុស្ស ឬអ្វីក៏ដោយដែលអ្នករាយការណ៍ពិសេសអង្គការសហប្រជាជាតិសួរ សូមកុំឆ្លើយ ហើយកុំចេះដឹងឲ្យសោះ » ។ នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គោ ឌូទើតេ ទៅកាន់អង្គភាពប៉ូលិស កាលពីចុងសប្តាហ៍មុន ដែលចុះផ្សាយដោយទីភ្នាក់ងារព័ត៌មាន AFP។
លោកប្រធានាធិបតី ក៏បានចោលជាសំណួរនៅចំពោះមុខកងកម្លាំងទៀតថា ៖« តើអ្នកឯងជានរណា ដែលហ៊ានជ្រៀតជ្រែករបៀបរបបនៃការដឹកនាំប្រទេសរបស់ខ្ញុំ? ក្រែងអ្នកបានដឹងច្បាស់ហើយថា យើង កំពុងតែត្រូវបាន លេបត្របាក់ដោយសារគ្រឿងញៀនហើយតើ?»
គួរជម្រាបផងដែរ លោក ឌូទើតេ បានថ្លែងសា្វគមន៍ ចំពោះចេតនារបស់អង្គការសហប្រជាជាតិដែលចង់ស៊ើបអង្កេតលើយុទ្ធនាការប្រឆាំងគ្រឿងញៀនរបស់រដ្ឋាភិបាលហ្វីលីពីននាដើមសប្តាហ៍មុន ក៏ប៉ុន្តែលោកបានប្រកាសមុនដាច់ខាតហើយថា លោកមិនសហការជាមួយនឹងអ្នករាយការណ៍ពិសេសអង្គការប្រជាជាតិលោកស្រី Agnes Callamard ឡើយ។
សូមរម្លឹកជាថ្មីថា ក្រោយឡើងកាន់អំណាចជាប្រធានាធិបតីហ្វីលីពីនតាំងពីឆ្នាំ ២០១៦មក លោក ឌូទើតេ បានអនុវត្តគោលនយោបាយកណ្តាប់ដៃដែកបោសសម្អាតគ្រឿងញៀនឲ្យអស់ចេញពីសង្គមហ្វីលីពីន ។ លោក បានបើកដៃឲ្យប៉ូលិស អាចបាញ់សម្លាប់ជនសង្ស័យ ឬឈ្មួញគ្រឿងញៀននៅនឹងកន្លែងបាន ប្រសិនបើពួកគេ មិនចុះចូលតាមសម្រួល ។ តាមរបាយការណ៍របស់អង្គការសិទ្ធិមនុស្សមានមនុស្សមិនតិចជាងបីពាន់នាក់ឡើយ បានស្លាប់ក្រោមប្រតិបត្តិការរបស់លោកឌូទើតេនោះ ។
ជុំវិញយុទ្ធនាការ ដែលគេស្គាល់ថា ជាសង្គ្រាមគ្រឿងញៀននេះដែរ ក៏ទើបតែត្រូវបានរដ្ឋអាជ្ញាតុលាការព្រហ្មទណ្ឌអន្តរជាតិ ប្រកាសបើកការពិនិត្យវិនិច្ឆ័យបឋមដើម្បីឈានទៅដល់ការបើកស៊ើបអង្កេតតាមយុត្តាធិការរបស់តុលាការផងដែរ ៕
«សូមចងចាំបទបញ្ជារបស់ខ្ញុំ រាល់បញ្ហាសិទ្ធិមនុស្ស ឬអ្វីក៏ដោយដែលអ្នករាយការណ៍ពិសេសអង្គការសហប្រជាជាតិសួរ សូមកុំឆ្លើយ ហើយកុំចេះដឹងឲ្យសោះ » ។ នេះ គឺជាសេចក្តីថ្លែងការណ៍របស់លោកប្រធានាធិបតី រ៉ូឌ្រីហ្គោ ឌូទើតេ ទៅកាន់អង្គភាពប៉ូលិស កាលពីចុងសប្តាហ៍មុន ដែលចុះផ្សាយដោយទីភ្នាក់ងារព័ត៌មាន AFP។
លោកប្រធានាធិបតី ក៏បានចោលជាសំណួរនៅចំពោះមុខកងកម្លាំងទៀតថា ៖« តើអ្នកឯងជានរណា ដែលហ៊ានជ្រៀតជ្រែករបៀបរបបនៃការដឹកនាំប្រទេសរបស់ខ្ញុំ? ក្រែងអ្នកបានដឹងច្បាស់ហើយថា យើង កំពុងតែត្រូវបាន លេបត្របាក់ដោយសារគ្រឿងញៀនហើយតើ?»
គួរជម្រាបផងដែរ លោក ឌូទើតេ បានថ្លែងសា្វគមន៍ ចំពោះចេតនារបស់អង្គការសហប្រជាជាតិដែលចង់ស៊ើបអង្កេតលើយុទ្ធនាការប្រឆាំងគ្រឿងញៀនរបស់រដ្ឋាភិបាលហ្វីលីពីននាដើមសប្តាហ៍មុន ក៏ប៉ុន្តែលោកបានប្រកាសមុនដាច់ខាតហើយថា លោកមិនសហការជាមួយនឹងអ្នករាយការណ៍ពិសេសអង្គការប្រជាជាតិលោកស្រី Agnes Callamard ឡើយ។
សូមរម្លឹកជាថ្មីថា ក្រោយឡើងកាន់អំណាចជាប្រធានាធិបតីហ្វីលីពីនតាំងពីឆ្នាំ ២០១៦មក លោក ឌូទើតេ បានអនុវត្តគោលនយោបាយកណ្តាប់ដៃដែកបោសសម្អាតគ្រឿងញៀនឲ្យអស់ចេញពីសង្គមហ្វីលីពីន ។ លោក បានបើកដៃឲ្យប៉ូលិស អាចបាញ់សម្លាប់ជនសង្ស័យ ឬឈ្មួញគ្រឿងញៀននៅនឹងកន្លែងបាន ប្រសិនបើពួកគេ មិនចុះចូលតាមសម្រួល ។ តាមរបាយការណ៍របស់អង្គការសិទ្ធិមនុស្សមានមនុស្សមិនតិចជាងបីពាន់នាក់ឡើយ បានស្លាប់ក្រោមប្រតិបត្តិការរបស់លោកឌូទើតេនោះ ។
ជុំវិញយុទ្ធនាការ ដែលគេស្គាល់ថា ជាសង្គ្រាមគ្រឿងញៀននេះដែរ ក៏ទើបតែត្រូវបានរដ្ឋអាជ្ញាតុលាការព្រហ្មទណ្ឌអន្តរជាតិ ប្រកាសបើកការពិនិត្យវិនិច្ឆ័យបឋមដើម្បីឈានទៅដល់ការបើកស៊ើបអង្កេតតាមយុត្តាធិការរបស់តុលាការផងដែរ ៕
Tag:
ហ្វីលីពីន
គ្រឿងញៀន
អាស៊ាន
© រក្សាសិទ្ធិដោយ thmeythmey.com
