រដ្ឋមន្ត្រីអប់រំណែនាំឲ្យថែរក្សាដើមឈើតាមគ្រឹះស្ថានសិក្សា ដើម្បីទប់ទល់កម្តៅដែលនឹងឡើងដល់៤០អង្សារ

ជាតិ

សុខភាព

រដ្ឋមន្ត្រីអប់រំណែនាំឲ្យថែរក្សាដើមឈើតាមគ្រឹះស្ថានសិក្សា ដើម្បីទប់ទល់កម្តៅដែលនឹងឡើងដល់៤០អង្សារ

21, Apr 2019 , 7:29 am

រូបភាព

ដោយ:

ភ្នំពេញ៖ កម្ពុជាទទួលរងកម្តៅកើនឡើងដល់៤០អង្សារក្នុងខែមេសា និងខែឧសភា។ ការកើនឡើងកម្តៅបែបនេះ ជាក្តីបារម្ភរបស់ក្រសួងដែលក្រើនរំលឹកដល់គ្រឹះស្ថានសិក្សាសាធារណៈ និងឯកជន បុគ្គលិកអប់រំ និងអ្នកសិក្សា ត្រូវពង្រឹងការយកចិត្តទុកដាក់ខ្ពស់ចំពោះសុខភាពឲ្យមែនទែន ដើម្បីជៀសផុតពីជំងឺបេះដូង,រលាកសួត,រលាកស្បែក ជាដើម ដែលបណ្តាលមកពីអាកាសធាតុក្តៅហួតហែង។

នៅក្នុងសេចក្តីណែនាំរបស់ក្រសួងអប់រំ លោករដ្ឋមន្ត្រី ហង់ ជួន ណារ៉ុន បានណែនាំគណៈគ្រប់គ្រងគ្រឹះស្ថានសិក្សាទាំងអស់ត្រូវណែនាំសិស្សឲ្យដាំដើមឈើ និងថែរក្សាដើមឈើដែលមានស្រាប់ក្នុងបរិវេណគ្រឹះស្ថាន ដើម្បីធ្វើជាម្លប់ និងកាត់បន្ថយកម្តៅ,ត្រូវអប់រំសិស្សឲ្យរក្សាទឹកទុកសម្រាប់ប្រើប្រចាំថ្ងៃ និងគ្របឲ្យជិត ដើម្បីបង្ការមូសខ្លាពងដាក់ដែលអាចបង្កជំងឺគ្រុនឈាម, ត្រូវណែនាំឲ្យសិស្សប្រើប្រាសស់សម្លៀកបំពាក់សមរម្យ រលុង ស្តើង ស្រាល និងមានពណ៌ភ្លឺ, បើកទ្វារ បង្អួចនៃបន្ទប់រៀនឲ្យបានភ្លឺស្រឡះ និងត្រូវណែនាំសិស្សឲ្យលេងតែនៅក្នុងម្លប់ ឬនៅក្នុងថ្នាក់រៀននៅពេលចេញលេង។

ជាមួយគ្នាផងដែរ នាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល ក៏បានណែនាំឲ្យពលរដ្ឋ បើសិនមានបញ្ហាសុខភាពដែលបណ្តាលអោយមានរាក ក្អួត ក្តៅខ្លួន និងសន្លប់ សូមស្វែងរកការព្យាបាលនៅមណ្ឌលសុខភាព ឬមន្ទីរពេទ្យដែលនៅជិតផ្ទះរបស់លោកអ្នក។

សូមបញ្ជាក់ថា ការទទួលរងកម្តៅហួតហែងបែបនេះដោយសារតែកម្ពុជាទទួលរងនូវបាតុភូត អែលនីណូ(El Nino) ដែលធ្វើឲ្យក្តៅខ្លាំងនៅខែមេសា និងឧសភា។ នេះបើយោងតាមការបញ្ជាក់របស់ក្រសួងធនធានទឹក និងឧតុនិយម៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

5 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

6 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

7 ថ្ងៃ

តើពេលណាដែលគេសរសេរ«បរិបូរ, បរិបូណ៌ និង បរិបូរណ៍»នៅក្នុងសំណេរភាសាខ្មែរ?

3 ម៉ោង

«រឭក»,«រំឮក»,«រំលឹក» និង«រម្លឹក» ពាក្យណាត្រឹមត្រូវ?

1 ថ្ងៃ

អត្ថបទពេញនិយមបន្ថែម