អន្តរជាតិ
៤នាក់ស្លាប់ក្នុងហេតុការណ៍បាញ់បោះក្នុងរង្គសាលទីក្រុង Kansas ប្រភពរូប៖ CNN
×
ដោយ៖ ងួន សុភាវត្តី
អាជ្ញាធរអាមេរិក បានបញ្ជាក់ឲ្យដឹងថា មនុស្ស៤នាក់បានបាត់បង់ជីវិត ដោយក្នុងនោះមានពីរនាក់ជាជនជាតិម៉ិកស៊ិក និង៥នាក់ទៀតបានរងរបួស បន្ទាប់ពីមានការផ្ទុះអាវុធនៅរង្គសាលមួយកន្លែងក្នុងទីក្រុង Kansas។
ប៉ូលីសប្រចាំតំបន់Kansas នៅថ្ងៃអាទិត្យទី៦កន្លងទៅនេះ បានបង្ហោះសារលើបណ្តាញ Twitter ខ្លួនថា៖«យើងបានរកឃើញមនុស្សចំនួន៩ដែលបានស្លាប់និងរបួសនៅកន្លែងកើតហេតុក្នុងរង្គសាលមួយឈ្មោះថា Tequila KC។ មនុស្ស៤នាក់បានស្លាប់ ហើយ៥នាក់ទៀតបានរងរបួស ដោយបានរកឃើញនៅខាងក្រៅ»។
តាមទីភ្នាក់ងារព័ត៌មាន AFP លោកក៏បានបន្ថែមទៀតថា ពេលនេះស្ថានភាពរបស់ជនទាំង៥នាក់នេះមានការល្អប្រសើរហើយ។
សូមបញ្ជាក់ថា ការស៊ើបអង្កេតរបស់ប៉ូលីសនៅទីនោះ បានចង្អុលបង្ហាញថា ការផ្ទុះអាវុធនេះបានកើតឡើងបន្ទាប់ពីមានជម្លោះនៅក្នុងបារនោះ ហើយជនសង្ស័យពីររូបមានកាំភ្លើងនៅក្នុងដៃ និងបានរត់គេចពីកន្លែងកើតហេតុ។ យ៉ាងណាមិញ ប៉ូលិសកំណត់បានរូបភាពរបស់ជនសង្ស័យទាំងពីរ ហើយបានសុំឲ្យពលរដ្ឋចូលរួមសហការប្រាប់ទីតាំងរបស់ជនសង្ស័យទាំងពីរផង៕
© រក្សាសិទ្ធិដោយ thmeythmey.com