អន្តរជាតិ
ជប៉ុន៖ ចំនួនអ្នកស្លាប់បានកើនដល់៣៥នាក់ ខណៈព្យុះHagibis ថមថយឥទ្ធិពល
×![]()
ដោយ៖ ងួន សុភាវត្តី
ក្រុមអ្នករុករកជប៉ុនបានចាប់ធ្វើការតាំងពីទាបភ្លឺថ្ងៃទី១៤ ខែតុលា ដើម្បីចូលទៅដល់តំបន់ដែលរងគ្រោះទឹកជំនន់ និងការបាក់ដីដោយសារព្យុះកំណាច Hagibis ។ ប្រព័ន្ធផ្សព្វផ្សាយក្នុងតំបន់បានរាយការណ៍នៅថ្ងៃទី១៤ ខែតុលា ថា អ្នកស្លាប់បានកើនឡើងដល់៣៥នាក់ហើយ។
ព្យុះទីហ្វុង Hagibis បានចាកចេញពីទឹកដីជប៉ុននៅថ្ងៃទី១៣ ខែតុលា ប៉ុន្តែព្យុះនេះបានបង្កអោយហេដ្ឋារចនាសម្ព័ន្ធទីក្រុងនឹងតំបន់មួយចំនួនទៀតបានរងការខូចខាត។ ក្រុមអ្នកជួយសង្គ្រោះជាង១០ម៉ឺននាក់រួមទាំងកងកម្លាំងយោធាជាង៣ម៉ឺននាក់ទៀត បានរករុកចូលដល់តំបន់ដែលមានការបាក់ដីដោយសារភ្លៀងខ្លាំង និងទឹកជំនន់ នៅយប់ថ្ងៃទី១៣ឈានចូលថ្ងៃទី១៤ ខែតុលានេះ។
បើតាមរដ្ឋាភិបាលជប៉ុន មនុស្ស១៤នាក់បានស្លាប់និង ១១នាក់ទៀតបានបាត់ខ្លួន។ ប៉ុន្តែប្រព័ន្ធផ្សព្វផ្សាយនៅតំបន់រងគ្រោះបានអះអាងថា មានមនុស្ស៣៥នាក់ហើយបានបាត់បង់ជីវិត និងមនុស្ស១១នាក់ទៀតបានបាត់ខ្លួន។ នេះបើតាមការផ្សាយរបស់ទីភ្នាក់ងារព័ត៌មាន AFP ។
តំបន់មួយចំនួនដូចជា Nagano ដែលនៅកណ្តាលប្រទេសជប៉ុន បានរងការវាយប្រហារទឹកជំនន់ដែលបានលិចផ្ទះរហូតដល់ជាន់ទីពីរឯណោះ។ មន្ត្រីយោធា និងក្រុមពន្លត់អគ្គិភ័យបានប្រើប្រាស់ឧទ្ធមាគចក្រដើម្បីជួយសង្គ្រោះប្រជាជនដែលបានជាប់នៅក្នុងផ្ទះពួកគេ។ ចំណែកក្រុមជួយសង្គ្រោះវិញបានប្រើប្រាស់ទូកដើម្បីជម្លៀសប្រជាជននៅតំបន់ Kawagoe ភាគខាងជើងជប៉ុនដែលរងគ្រោះទឹកជំនន់នេះយ៉ាងខ្លាំង។
ដោយសារមានការខូចខាតហេដ្ឋារចនាសម្ព័ន្ធនេះ ជប៉ុនដែលជាម្ចាស់ផ្ទះក្នុងព្រឹត្តិការណ៍Rugby World Cup បានបង្ខំចិត្តផ្អាកការប្រកួតមួយចំនួនសិន។
ខណៈដែលព្យុះ Hagibis បានថមថយឥទ្ធិពល សេវារថភ្លើងបានបើកដំណើរការបណ្ដើរៗ។អាកាសយានដ្ឋានចំនួនពីរកន្លែងក៏បានបើកដំណើរការផងដែរ បើទោះបីជាជើងយន្តហោះជាច្រើនបានលុបចោលក្ដី។
គួររំលឹកថា ព្យុះ Hagibis បានបោកបក់មកលើកោះ Honshu របស់ប្រទេសជប៉ុននៅថ្ងៃសៅរិ៍ ទី១២ កន្លងទៅដែលមានល្បឿនខ្យល់២១៦គីឡូម៉ែត្រក្នុងមួយម៉ោង។ មកទល់នឹងល្ងាចថ្ងៃទី១៣ ផ្ទះជាង១១ម៉ឺនខ្នងត្រូវបានកាត់ផ្តាច់ចរន្តអគ្គិសនី និងមួយចំនួនទៀតជួបប្រទះនឹងការកាត់ផ្តាច់ទឹកនៅឡើយ៕
ក្រុមអ្នករុករកជប៉ុនបានចាប់ធ្វើការតាំងពីទាបភ្លឺថ្ងៃទី១៤ ខែតុលា ដើម្បីចូលទៅដល់តំបន់ដែលរងគ្រោះទឹកជំនន់ និងការបាក់ដីដោយសារព្យុះកំណាច Hagibis ។ ប្រព័ន្ធផ្សព្វផ្សាយក្នុងតំបន់បានរាយការណ៍នៅថ្ងៃទី១៤ ខែតុលា ថា អ្នកស្លាប់បានកើនឡើងដល់៣៥នាក់ហើយ។
ព្យុះទីហ្វុង Hagibis បានចាកចេញពីទឹកដីជប៉ុននៅថ្ងៃទី១៣ ខែតុលា ប៉ុន្តែព្យុះនេះបានបង្កអោយហេដ្ឋារចនាសម្ព័ន្ធទីក្រុងនឹងតំបន់មួយចំនួនទៀតបានរងការខូចខាត។ ក្រុមអ្នកជួយសង្គ្រោះជាង១០ម៉ឺននាក់រួមទាំងកងកម្លាំងយោធាជាង៣ម៉ឺននាក់ទៀត បានរករុកចូលដល់តំបន់ដែលមានការបាក់ដីដោយសារភ្លៀងខ្លាំង និងទឹកជំនន់ នៅយប់ថ្ងៃទី១៣ឈានចូលថ្ងៃទី១៤ ខែតុលានេះ។
បើតាមរដ្ឋាភិបាលជប៉ុន មនុស្ស១៤នាក់បានស្លាប់និង ១១នាក់ទៀតបានបាត់ខ្លួន។ ប៉ុន្តែប្រព័ន្ធផ្សព្វផ្សាយនៅតំបន់រងគ្រោះបានអះអាងថា មានមនុស្ស៣៥នាក់ហើយបានបាត់បង់ជីវិត និងមនុស្ស១១នាក់ទៀតបានបាត់ខ្លួន។ នេះបើតាមការផ្សាយរបស់ទីភ្នាក់ងារព័ត៌មាន AFP ។
តំបន់មួយចំនួនដូចជា Nagano ដែលនៅកណ្តាលប្រទេសជប៉ុន បានរងការវាយប្រហារទឹកជំនន់ដែលបានលិចផ្ទះរហូតដល់ជាន់ទីពីរឯណោះ។ មន្ត្រីយោធា និងក្រុមពន្លត់អគ្គិភ័យបានប្រើប្រាស់ឧទ្ធមាគចក្រដើម្បីជួយសង្គ្រោះប្រជាជនដែលបានជាប់នៅក្នុងផ្ទះពួកគេ។ ចំណែកក្រុមជួយសង្គ្រោះវិញបានប្រើប្រាស់ទូកដើម្បីជម្លៀសប្រជាជននៅតំបន់ Kawagoe ភាគខាងជើងជប៉ុនដែលរងគ្រោះទឹកជំនន់នេះយ៉ាងខ្លាំង។
ដោយសារមានការខូចខាតហេដ្ឋារចនាសម្ព័ន្ធនេះ ជប៉ុនដែលជាម្ចាស់ផ្ទះក្នុងព្រឹត្តិការណ៍Rugby World Cup បានបង្ខំចិត្តផ្អាកការប្រកួតមួយចំនួនសិន។
ខណៈដែលព្យុះ Hagibis បានថមថយឥទ្ធិពល សេវារថភ្លើងបានបើកដំណើរការបណ្ដើរៗ។អាកាសយានដ្ឋានចំនួនពីរកន្លែងក៏បានបើកដំណើរការផងដែរ បើទោះបីជាជើងយន្តហោះជាច្រើនបានលុបចោលក្ដី។
គួររំលឹកថា ព្យុះ Hagibis បានបោកបក់មកលើកោះ Honshu របស់ប្រទេសជប៉ុននៅថ្ងៃសៅរិ៍ ទី១២ កន្លងទៅដែលមានល្បឿនខ្យល់២១៦គីឡូម៉ែត្រក្នុងមួយម៉ោង។ មកទល់នឹងល្ងាចថ្ងៃទី១៣ ផ្ទះជាង១១ម៉ឺនខ្នងត្រូវបានកាត់ផ្តាច់ចរន្តអគ្គិសនី និងមួយចំនួនទៀតជួបប្រទះនឹងការកាត់ផ្តាច់ទឹកនៅឡើយ៕
© រក្សាសិទ្ធិដោយ thmeythmey.com
«ប្រទានកម្ម»មានន័យដូចម្តេច?
3 ថ្ងៃ
