អត្ថបទពាណិជ្ជកម្ម
ពិធីសម្ពោធមហោស្រពភាពយន្តខ្លីចតុមុខ២០១៦
×
កាលពីថ្ងៃទី ០៨ ខែកក្កដា ឆ្នាំ២០១៦ ក្រុម “ កូនខ្មែរកុនខ្មែរ ” សហការជាមួយទីភ្នាក់ងារ RHA ពាក្យពេញ (រេមី ហ៊ូ) និងឧបត្ថម្ភធំដោយទីភ្នាក់ងារសហរដ្ឋអាមេរិក សម្រាប់សកម្មភាពប្រយុទ្ធប្រឆាំងការជួញដូរមនុស្សនៅកម្ពុជាបានប្រារព្ធកម្មវិធីមួយឈ្មោះថា មហោស្រពភាពយន្តខ្លីចតុមុខ ២០១៦ ( CSFF 2016 ) នៅសណ្ឋាគារ មីតូ រាជធានីភ្នំពេញ។
មហាស្រពនេះនឹងផ្តល់ឱកាស ដល់សមិទ្ធិករថ្មីថ្មោង ក្នុងការអភិវឌ្ឍជំនាញរបស់ខ្លួន តាមរយៈសកម្មភាពជាហូរហែរ រួមមានការបណ្តុះបណ្តាលផ្នែកថត មុនថត ក្រោយថត និងការចូលរួមប្រកួតភាពយន្តខ្លីជាដើម។ការប្រកួតនេះទៀតសោតនឹង រួមមានរង្វាន់ផ្សេងៗ សម្រាប់សមិទ្ធិករជ័យលាភី និងការទទួលស្គាល់ជាពិសេស សម្រាប់បេក្ខជនណាដែលលើកយកបញ្ហាដែលទាក់ទងនឹងការជួញដូរមនុស្ស និងចំណាកស្រុក ក្នុងភាពយន្តរបស់ខ្លួន ប្រកបដោយភាពសុក្រឹត និងភាពទាក់ទាញចិត្ត ។
លោកហ៊ូ រេមី ប្រធានមហោស្រព និងស្ថាបនិកRHA ជាក្រុមហ៊ុនគ្រប់គ្រង ដែលតំណាងឲ្យតួសម្តែងនានា ទាំងតួថ្មីៗ និងតួមានបទពិសោធវិញ បានថ្លែងថា “ រាល់ទម្រង់សិល្បៈសុទ្ធតែមានទំនាក់ទំនងនឹងគ្នា មិនថា ម៉ូតច្នៃ ភាពយន្ត តន្ត្រី វប្បធ៌ម ស្ថាបត្យកម្ម និងទម្រង់ផ្សេងទៀត ដែលបញ្ជាក់ពីអត្តសញ្ញាណខែ្មរ “ ។
មហោស្រពភាពយន្តខ្លីចតុមុខ ២០១៦ នឹងប្រព្រឹត្តទៅពីថ្ងៃទី៤ ដល់ទី៦ ខែវិច្ឆិកា ហើយការដាក់ភាពយន្តខ្លីនឹងទទួល ចន្លោះថ្ងៃទី ១៥ ខែកក្កដា និង ៣១ ខែសីហា ឆ្នាំ២០១៦ ។ អ្នកចូលរួម តម្រូវឲ្យបង្កើតភាពយន្តខ្លីដែលមានរយៈពេលក្រោម៣០នាទី មិនថាកឲម្នាក់ឯង ឬជាក្រុមទេ។
ឆ្នាំនេះ មហោស្រពភាពយន្តខ្លីចតុមុខនឹងបញ្ជូលសកម្មភាពខ្លីជាហូរហែរសម្រាប់អ្នកចង់ក្លាយជាសមិទ្ធិករ និងក្រុមការងារភាពយន្តក្នុងកំឡុង គម្រោងភាពយន្តចតុមុខ(ខែកញ្ញា) និង សិក្ខាសិលាភាពយន្តចតុមុខ ( ខែតុលា) ។ គម្រោងភាពយន្តចតុមុខ នឹងផ្តោតលើយុទ្ធសាស្ត្រការប្រឆាំងនិងការជួញដូរ មនុស្ស និងចំណាកស្រុកប្រថុយប្រថាន ដែលកន្លងមកជាបញ្ហាចម្បងមួយនៅកម្ពុជា។
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com