ជាតិ
មន្ទីរអប់រំប្រជុំបន្ទាន់រឿងបញ្ហាដកបេក្ខភាពសិស្សវិទ្យាល័យ១០មករា១៤០នាក់ចេញពីបញ្ជីប្រឡងបាក់ឌុប
×![]()
សៀមរាប៖ នៅព្រឹកថ្ងៃទី៥ សីហានេះ មន្ទីរអប់រំ យុវជន និងកីឡា ខេត្តសៀមរាប កំពុងរៀបចំកិច្ចប្រជុំមួយ ជុំវិញករណីដកបេក្ខភាពសិស្សវិទ្យាល័យ១០មករា ឆ្នាំ១៩៧៩ ចំនួន១៤០នាក់ ចេញពីបញ្ជីបេក្ខភាពប្រឡងបាក់ឌុបឆ្នាំ២០១៦។ ចំនួនច្រើនដែលមិនធ្លាប់មានពីមុនមកនេះ រងការរិះគន់ ជាពិសេសពីសំណាក់អាណាព្យាបាលសិស្ស។
វិទ្យាល័យ១០មករា ឆ្នាំំ១៩៧៩ បានបិទផ្សាយពីបញ្ជីដកបេក្ខភាពចេញពីបញ្ជីប្រឡងមធ្យមសិក្សាទុតិយភូមិ ដែលមានចំនួន១៤០នាក់ ពុំធ្លាប់មានពីមុនមក។ សិស្ស និងអាណាព្យាបាលសម្តែងការខកចិត្ត ប៉ុន្តែពួកគេកំពុងតាមដានស្ថានការណ៍នេះជាបន្តទៀត។
នៅព្រឹកថ្ងៃទី៥ សីហានេះ មានសិស្ស និងអាណាព្យាបាលមួយចំនួន កំពុងឈររម្លឹងទៅសាលា១០មករា ដោយអារម្មណ៍មិនអស់ចិត្ត លើករណីដែលកូនរបស់ពួកគេ មានឈ្មោះក្នុងបញ្ជីដកបេក្ខភាពចេញពីបញ្ជីប្រឡងបាក់ឌុប។ ពួកគេថា កំពុងរង់ចាំមើលស្ថានការណ៍ ក្រែងមានដំណោះស្រាយអ្វីផ្សេង ហើយពួកគេមិនជឿថា កូនរបស់ខ្លួនធ្វើខុសពីគោលការណ៍របស់ក្រសួងនោះដែរ។ ពួកគេដាក់ការសង្ស័យថា ទំនងជាមានអំពើពុករលួយក្នុងសាលាផងដែរ។
«កូនខ្ញុំ៤នាក់ហើយ ដែលរៀននៅសាលានេះ។ ហើយមួយចុងក្រោយនេះ វាមករៀនមិនដែលឈប់ទេ។ យប់ឡើងវាប្រឹងរៀនដល់ៗយប់ជ្រៅ។ ខ្ញុំមិនយល់សោះ»។ នេះជាការលើកឡើងរបស់អាណាព្យាបាលសិស្សមួយរូប ដែលសុំមិនប្រាប់ឈ្មោះដល់អ្នកសារព័ត៌មាន ខ្លាចខាងសាលាដឹង និងរិតតែបង្កការលំដាក់ដល់កូនពួកគេ។ បុរសវ័យ ៤០ប្លាយរូបនោះបន្តដាក់ការសន្និដ្ឋានថា៖« មានគ្រូខ្លះ ពេលសិស្សខ្លួនឯងមិនរៀនគួរជាមួយខ្លួន បែរជាទម្លាក់ពិន្ទុសិស្សពេលប្រឡងឆមាសទៅវិញ...»។
សិស្សស្រីមួយរូប ដែលមិនមានឈ្មោះពេលប្រឡង និងកំពុងឈរមើលសាលារៀនរបស់ខ្លួន ដោយទឹកមុខក្រៀមក្រំបាននិយាយថា នាងធ្លាក់មធ្យមភាគ។ នាងបន្តថា ខាងក្រសួងកំណត់មធ្យមភាគចំនួន ២៥ឡើង តែនាងបានត្រឹមជាង២២ក្បៀសតែប៉ុណ្ណោះ។ សិស្សស្រីដែលសុំមិនប្រាប់ឈ្មោះរូបនេះបញ្ជាក់ថា នាងមករៀនជាទៀងទាត់ និងមិនដែលឈប់នោះទេ។
គោលការណ៍របស់ក្រសួងអប់រំ និងត្រូវបានគ្រប់សាលារៀន យកមកអនុវត្តន៍ គឺរាល់សិស្សដែលរៀនថ្នាក់ទី១២ មិនត្រូវឈប់ឥតលើសពី៣០ដង និងទាំងមានច្បាប់ និងឥតច្បាប់លើសពី ៤៥នោះទេ បើពុំនោះទេ ពួកគេនឹងត្រូវដកបេក្ខភាពមិនឲ្យប្រឡង។
សិស្សម្នាក់ ដែលកំពុងឈរនៅមុខបញ្ជីដកបេក្ខនៅក្នុងសាលា១០មករាម្នាក់បាននិយាយថា មិត្តរួមថ្នាក់គេ៣ទៅ៤នាក់ ក៏មានឈ្មោះក្នុងបញ្ជីនេះដែរ។ គេបញ្ជាក់ថា មិត្តរបស់គេនោះ មិនដែលមករៀនទេ។
ជំនួយការនាយកសាលា ១០មករា លោក ប៊ី ប៊ុនសុផុន្នី បានប្រាប់សារព័ត៌មានថ្មីៗនៅព្រឹកនេះថា ថ្នាក់ទី១២នៅវិទ្យាល័យរបស់លោនៅឆ្នាំនេះ មានចំនួន ២៤ថ្នាក់ មានសិស្សចំនួន ៩០០នាក់។ លោកបន្ថែមថា លោកបានបញ្ជូនបញ្ជីបេក្ខភាពសិស្សចំនួន ៩០០នាក់ទៅក្រសួងក្នុងនោះ មានស្រី ៤៣២នាក់។ លោកបញ្ជាក់ថា ក្នុងចំណោមសិស្សទាំងអស់ មានសិស្សចំនួន ៨៩៥នាក់បានដាក់ពាក្យប្រឡង ស្រី៤៣២នាក់។
ចំពោះការដកបេក្ខភាពសិស្ស១៤០នាក់ចេញពីបញ្ជីប្រឡងបាក់ឌុប លោក ប៊ី ប៊ុនសុផុន្នី ពន្យល់ថា មានខ្លះធ្លាក់មធ្យមភាគ និងខ្លះទៀតមិនបានប្រឡងឆមាសជាដើម។ លោកពន្យល់ថា៖« ក្នុងចំណោមសិស្ស១៤០នាក់ មាន៥នាក់អត់បានដាក់ពាក្យប្រឡង ២១នាក់ អត់ប្រឡងឆមាសទី២ និងនៅសល់ប៉ុន្មាន (១១៤នាក់) ធ្លាក់មធ្យមភាគ»។
ទាក់ទងនឹងការប្រជុំរៀបចំបញ្ជីសិស្សជាថ្មី និងការសម្រួលឲ្យសិស្សបានប្រឡងវិញ ជំនួយការនាយកសាលា លោក ប៊ី ប៊ុនសុផុន្នី ថាលោកមិនបានដឹងនោះទេ។ លោកឆ្លើយដូចនេះ មុននឹងលោកត្រូវបានថ្នាក់លើលោកម្នាក់ ហៅអោយទៅប្រជុំនៅមន្ទីរអប់រំនៅព្រឹកមិញ ខណៈដែលកំពុងនិយាយជាមួយនឹងអ្នកសារព័ត៌មាន។
ប្រធានមន្ទីរអប់រំថ្មី លោក សយ ទិត្យាវង្ស បានប្រាប់សារព័ត៌មានថ្មីៗតាមទូរសព្ទនៅព្រឹកនេះថា លោកបានឲ្យក្រុមការងាររបស់លោក រៀបចំកិច្ចប្រជុំមួយជាមួយថ្នាក់គ្រប់គ្រងសាលាហើយ។ យ៉ាងណា កាលពីម្សិលមិញ លោកបានផ្តល់បទសម្ភាសជាមួយវិទ្យុអាស៊ីសេរីថា លោកនឹងត្រួតពិនិត្យបញ្ជីដកបេក្ខភាពរបស់សិស្សនោះសាជាថ្មី៕
វិទ្យាល័យ១០មករា ឆ្នាំំ១៩៧៩ បានបិទផ្សាយពីបញ្ជីដកបេក្ខភាពចេញពីបញ្ជីប្រឡងមធ្យមសិក្សាទុតិយភូមិ ដែលមានចំនួន១៤០នាក់ ពុំធ្លាប់មានពីមុនមក។ សិស្ស និងអាណាព្យាបាលសម្តែងការខកចិត្ត ប៉ុន្តែពួកគេកំពុងតាមដានស្ថានការណ៍នេះជាបន្តទៀត។
នៅព្រឹកថ្ងៃទី៥ សីហានេះ មានសិស្ស និងអាណាព្យាបាលមួយចំនួន កំពុងឈររម្លឹងទៅសាលា១០មករា ដោយអារម្មណ៍មិនអស់ចិត្ត លើករណីដែលកូនរបស់ពួកគេ មានឈ្មោះក្នុងបញ្ជីដកបេក្ខភាពចេញពីបញ្ជីប្រឡងបាក់ឌុប។ ពួកគេថា កំពុងរង់ចាំមើលស្ថានការណ៍ ក្រែងមានដំណោះស្រាយអ្វីផ្សេង ហើយពួកគេមិនជឿថា កូនរបស់ខ្លួនធ្វើខុសពីគោលការណ៍របស់ក្រសួងនោះដែរ។ ពួកគេដាក់ការសង្ស័យថា ទំនងជាមានអំពើពុករលួយក្នុងសាលាផងដែរ។
«កូនខ្ញុំ៤នាក់ហើយ ដែលរៀននៅសាលានេះ។ ហើយមួយចុងក្រោយនេះ វាមករៀនមិនដែលឈប់ទេ។ យប់ឡើងវាប្រឹងរៀនដល់ៗយប់ជ្រៅ។ ខ្ញុំមិនយល់សោះ»។ នេះជាការលើកឡើងរបស់អាណាព្យាបាលសិស្សមួយរូប ដែលសុំមិនប្រាប់ឈ្មោះដល់អ្នកសារព័ត៌មាន ខ្លាចខាងសាលាដឹង និងរិតតែបង្កការលំដាក់ដល់កូនពួកគេ។ បុរសវ័យ ៤០ប្លាយរូបនោះបន្តដាក់ការសន្និដ្ឋានថា៖« មានគ្រូខ្លះ ពេលសិស្សខ្លួនឯងមិនរៀនគួរជាមួយខ្លួន បែរជាទម្លាក់ពិន្ទុសិស្សពេលប្រឡងឆមាសទៅវិញ...»។
សិស្សស្រីមួយរូប ដែលមិនមានឈ្មោះពេលប្រឡង និងកំពុងឈរមើលសាលារៀនរបស់ខ្លួន ដោយទឹកមុខក្រៀមក្រំបាននិយាយថា នាងធ្លាក់មធ្យមភាគ។ នាងបន្តថា ខាងក្រសួងកំណត់មធ្យមភាគចំនួន ២៥ឡើង តែនាងបានត្រឹមជាង២២ក្បៀសតែប៉ុណ្ណោះ។ សិស្សស្រីដែលសុំមិនប្រាប់ឈ្មោះរូបនេះបញ្ជាក់ថា នាងមករៀនជាទៀងទាត់ និងមិនដែលឈប់នោះទេ។
គោលការណ៍របស់ក្រសួងអប់រំ និងត្រូវបានគ្រប់សាលារៀន យកមកអនុវត្តន៍ គឺរាល់សិស្សដែលរៀនថ្នាក់ទី១២ មិនត្រូវឈប់ឥតលើសពី៣០ដង និងទាំងមានច្បាប់ និងឥតច្បាប់លើសពី ៤៥នោះទេ បើពុំនោះទេ ពួកគេនឹងត្រូវដកបេក្ខភាពមិនឲ្យប្រឡង។
សិស្សម្នាក់ ដែលកំពុងឈរនៅមុខបញ្ជីដកបេក្ខនៅក្នុងសាលា១០មករាម្នាក់បាននិយាយថា មិត្តរួមថ្នាក់គេ៣ទៅ៤នាក់ ក៏មានឈ្មោះក្នុងបញ្ជីនេះដែរ។ គេបញ្ជាក់ថា មិត្តរបស់គេនោះ មិនដែលមករៀនទេ។
ជំនួយការនាយកសាលា ១០មករា លោក ប៊ី ប៊ុនសុផុន្នី បានប្រាប់សារព័ត៌មានថ្មីៗនៅព្រឹកនេះថា ថ្នាក់ទី១២នៅវិទ្យាល័យរបស់លោនៅឆ្នាំនេះ មានចំនួន ២៤ថ្នាក់ មានសិស្សចំនួន ៩០០នាក់។ លោកបន្ថែមថា លោកបានបញ្ជូនបញ្ជីបេក្ខភាពសិស្សចំនួន ៩០០នាក់ទៅក្រសួងក្នុងនោះ មានស្រី ៤៣២នាក់។ លោកបញ្ជាក់ថា ក្នុងចំណោមសិស្សទាំងអស់ មានសិស្សចំនួន ៨៩៥នាក់បានដាក់ពាក្យប្រឡង ស្រី៤៣២នាក់។
ចំពោះការដកបេក្ខភាពសិស្ស១៤០នាក់ចេញពីបញ្ជីប្រឡងបាក់ឌុប លោក ប៊ី ប៊ុនសុផុន្នី ពន្យល់ថា មានខ្លះធ្លាក់មធ្យមភាគ និងខ្លះទៀតមិនបានប្រឡងឆមាសជាដើម។ លោកពន្យល់ថា៖« ក្នុងចំណោមសិស្ស១៤០នាក់ មាន៥នាក់អត់បានដាក់ពាក្យប្រឡង ២១នាក់ អត់ប្រឡងឆមាសទី២ និងនៅសល់ប៉ុន្មាន (១១៤នាក់) ធ្លាក់មធ្យមភាគ»។
ទាក់ទងនឹងការប្រជុំរៀបចំបញ្ជីសិស្សជាថ្មី និងការសម្រួលឲ្យសិស្សបានប្រឡងវិញ ជំនួយការនាយកសាលា លោក ប៊ី ប៊ុនសុផុន្នី ថាលោកមិនបានដឹងនោះទេ។ លោកឆ្លើយដូចនេះ មុននឹងលោកត្រូវបានថ្នាក់លើលោកម្នាក់ ហៅអោយទៅប្រជុំនៅមន្ទីរអប់រំនៅព្រឹកមិញ ខណៈដែលកំពុងនិយាយជាមួយនឹងអ្នកសារព័ត៌មាន។
ប្រធានមន្ទីរអប់រំថ្មី លោក សយ ទិត្យាវង្ស បានប្រាប់សារព័ត៌មានថ្មីៗតាមទូរសព្ទនៅព្រឹកនេះថា លោកបានឲ្យក្រុមការងាររបស់លោក រៀបចំកិច្ចប្រជុំមួយជាមួយថ្នាក់គ្រប់គ្រងសាលាហើយ។ យ៉ាងណា កាលពីម្សិលមិញ លោកបានផ្តល់បទសម្ភាសជាមួយវិទ្យុអាស៊ីសេរីថា លោកនឹងត្រួតពិនិត្យបញ្ជីដកបេក្ខភាពរបស់សិស្សនោះសាជាថ្មី៕
© រក្សាសិទ្ធិដោយ thmeythmey.com
