ជាតិ
បទយកការណ៍ / បទសម្ភាសន៍
សិល្បះ
×![]()
លោក វ៉ែន សុន ដែលជាកវីជើងចាស់ បានលើកឡើងថា កំណាព្យ បើសិនជាអ្នកនិពន្ធមិនបានសរសេរឲ្យមាន«កំណាព្យ, កាព្យ និង ឃ្លោង»ទេ គឺមិនអាចចាត់ទុកថាជាអត្ថបទកំណាព្យមួយបានទេ។ លោកបានបញ្ជាក់ថា ការនិពន្ធកំណាព្យ គឺត្រូវតែមានគោលការណ៍ មានក្បួនតែងឲ្យបានច្បាស់។ ចំណែក កម្រងកែវ សុភាសិត ជួនប្រជាប្រិយ ពាក្យបណ្ដៅ ពាក្យរៀល ទាំងនេះគឺមិនមែនជាកំណាព្យនោះទេ។
ដើម្បីជ្រាបច្បាស់ សូមអញ្ជើញស្តាប់បទសម្ភាសន៍រវាងលោក ស៊ុំ សុជាតិ អ្នកយកព័ត៌មានរបស់សារព័ត៌មានថ្មីៗ និងលោកគ្រូ វ៉ែន សុន សាស្ត្រាចារ្យខាងនិពន្ធទំនុកច្រៀង និពន្ធកំណាព្យ ជាសិល្បករផ្នែកតន្ត្រី និងជាអ្នកនិពន្ធរឿងខ្លីអប់រំកុមារ ដូចតទៅ ៖
លោក វ៉ែន សុន គឺជា គឺជាកវីនិពន្ធជំនាន់ចាស់មួយរូបចាប់តាំងពីទសវត្សន៍ ឆ្នាំ១៩៦០។ លោក វ៉ែន សុន មានជំនាញខាងនិពន្ធទំនុកច្រៀង និពន្ធកំណាព្យ ជាសិល្បៈកផ្នែកតន្ត្រី និងជាអ្នកនិពន្ធរឿងខ្លីអប់រំកុមារផងដែរ។ ហើយបច្ចុប្បន្ន លោក វ៉ែន សុន គឺជាទីប្រឹក្សាកណ្ដាលសមាគមអ្នកនិពន្ធខ្មែរ និងទីប្រឹក្សាសមាគមទ្រទ្រង់ការបោះពុម្ព និងអប់រំ និងជាសាស្ត្រាចារ្យបង្រៀននៅមហាវិទ្យាល័យសិល្បៈនាដសាស្ត្រ នៃសាកលវិទ្យាល័យភូមិន្ទវិចិត្រសិល្បៈ។
ក្នុងជីវិតជាកវីនិពន្ធ លោក វ៉ែន សុន ធ្លាប់ទទួលបានជ័យលាភី ចំណាប់ថ្នាក់លេខ១ ទូទាំងប្រទេស និងទទួលបានពានរង្វាន់មេដាយមាស ដែលផ្ដល់ជួនដោយ ក្រសួងវប្បធម៌វិចិត្រសិល្បៈចំពោះស្នាដៃរបស់លោក ដែលបានចំណាយពេលនិពន្ធចងក្រងសៀវភៅកំណាព្យជាច្រើនក្បាល។ បន្ថែមពីនោះលោកក៏ទទួលបានជ័យលាភីលេខ១ទូទាំងប្រទេសមួយទៀត ចំពោះស្នាដៃនិពន្ធរឿងចំណងជើង «ឋានសួគ៌ក្នុងសុបិន្ត» ។ កវីនិពន្ធរូបនេះ ក៏បានទទួលពានរង្វាន់អក្សរសិល្បិ៍ទន្លេមេគង្គ កាលពីឆ្នាំ២០១០ នៅទីក្រុងវៀងច័ន្ទ ប្រទេសឡាវ និងនៅឆ្នាំ២០១៣ លោកបានទទួលពានរង្វាន់កវីអាស៊ាន ក្នុងចំណោមប្រទេសទាំង១០ ដែលរៀបចំដោយប្រទេសថៃ៕
© រក្សាសិទ្ធិដោយ thmeythmey.com
