សម្តេច ហ៊ុន សែន បដិសេធទិញតំណាងរាស្រ្តបក្សប្រឆាំង

ជាតិ

នយោបាយជាតិ

សម្តេច ហ៊ុន សែន បដិសេធទិញតំណាងរាស្រ្តបក្សប្រឆាំង

17, Feb 2015 , 10:37 am

រូបភាព

ដោយ:

សម្តេចនាយករដ្ឋមន្រ្តី ហ៊ុន សែន បានដិសេធថា គណបក្សប្រជាជនកម្ពុជារបស់លោកមិនបានប្រើលុយទិញតំណាងរាស្រ្តគណបក្សសង្គ្រោះជាតិ លោក វ៉ាន សំអឿន ឲ្យចុះចូលជាមួយគណបក្សប្រជាជនកម្ពុជានោះឡើយ។ លោក ថែមទាំងចាត់ទុកការចោទប្រកាន់របស់មន្រ្តីបក្សប្រឆាំងទៅលើលោក វ៉ាន សំអឿន ថា ត្រូវបានគណបក្សប្រជាជនកម្ពុជាទិញនោះ ជាការលាបពណ៌បង្ខូចកិត្តិយសលោក វ៉ាន សំអឿន ។

គ្មានឡើយការទិញដូរតំណាងរាស្រ្តគណបក្សសង្គ្រោះជាតិ លោក វ៉ាន សំអឿន ឲ្យចូលជាមួយគណបក្សប្រជាជនកម្ពុជា ។ នេះជាការអះអាងរបស់សម្តេច ហ៊ុន សែន នៅក្នុងពិធីចែកសញ្ញាបត្រដល់និស្សិតសកលវិទ្យាល័យធនធានមនុស្សនៅវិទ្យាស្ថានជាតិអប់រំនៅថ្ងៃអង្គារនេះ ។ សម្តេច ហ៊ុន សែន បានបញ្ជាក់យ៉ាងនេះថា៖ « មនុស្សមិនមែនទំនិញទេ ។ ក្បាលមនុស្សអី ក៏ថោកម្លេះ ឲ្យទិញនោះ ខ្ញុំមិនសំបូរលុយទេ ។ ហើយមនុស្សម្នាក់ទិញធ្វើអ្វី បើគណបក្សប្រជាជនកម្ពុជា មានបណ្ឌិតមិនខ្វះនោះ ។ សូមមេត្តាកុំលាបពណ៌ ។ ពេលគេលែងគាំទ្រ ចាត់ទុកគេជាឈើពុក សាច់ស្អុយ» ។

សូមបញ្ជាក់ថា កាលពីថ្ងៃទី ១៣ ខែ កុម្ភៈ សមាជិករដ្ឋសភាមកពីគណបក្សសង្គ្រោះជាតិមណ្ឌលកំពត លោក វ៉ាន សំអឿន បានសម្រេចលាលែងពីតំណែងជាអ្នកតំណាងរាស្ត្រ ដោយទៅចូលជាមួយគណបក្សកាន់អំណាច ក្រោមហេតុផលថា លោកគ្មានឱកាសបម្រើប្រទេសជាតិតាមឆន្ទៈ និងបទពិសោធន៍របស់ខ្លួន ។ ក្រោយពីការលាលែងរបស់លោក វ៉ាន សំអឿន ត្រូវមន្រ្តីបក្សប្រឆាំងខ្លះចោទគណបក្សប្រជាជនកម្ពុជាថា ជាអ្នកទិញលោក វ៉ាន សំអឿន ។ លោក ដាង ចំរើន បេក្ខជនបម្រុងទី ១ មណ្ឌលកំពត ត្រូវគណបក្សសង្គ្រោះជាតិជ្រើសរើសឲ្យកាន់តំណែងជាតំណាងរាស្រ្តបន្តពីលោក វ៉ាន សំអឿន ៕

សណ្ដែកកួរ ឡើងដល់៤ម៉ឺនរៀល ក្នុងមួយគីឡូក្រាម

4 ថ្ងៃ

«ប្រសប់»និង«ប្រសព្វ» មានសូរសព្ទដូចគ្នា តែន័យខុសគ្នា!

6 ថ្ងៃ

បុរាណវិទូប្រឹងគាស់កកាយអាថ៌កំបាំងព្រែកជីកស្រមោច ដែលបានជីកមុនរាជ្យព្រះបាទជ័យវរ្ម័នទី៧

6 ថ្ងៃ

ដំរីព្រៃ ដែលគេសង្គ្រោះចេញពីល្បាប់ភក់ ក្នុងដែនជម្រកសត្វព្រៃភ្នំព្រេច បានងាប់ហើយ

1 សប្តាហ៍

រវាង «លស់» «លួស» និង «លោះ» មានអត្ថន័យខុសគ្នាដូចម្តេច?

5 ថ្ងៃ

អត្ថបទពេញនិយមបន្ថែម