បទយកការណ៍ / បទសម្ភាសន៍
×![]()
ភ្នំពេញ៖ ការកើនឡើងអ្នកវិនិយោគចិននៅកម្ពុជា និងក្នុងតំបន់អាស៊ាន បានធ្វើឲ្យយុវជនកម្ពុជា នាំគ្នាសម្រុកទៅរៀនភាសាចិន។ ដោយឡែក លោក សៅ រចនា ក៏មិនខុសពីយុវជនខ្មែរផ្សេងៗនោះទេ។ លោកបានរៀនភាសាចិនរយៈពេល៨ឆ្នាំ។ មកដល់ពេលនេះ លោកបង្រៀនភាសាចិននៅតាមសាលាឯកជន និងធ្វើការងារបកប្រែនៅក្រុមហ៊ុនចិនផងដែរ។ មិនត្រឹមតែប៉ុណ្ណោះទេ និស្សិតទើបបញ្ចប់បរិញ្ញាបត្រទេសចរណ៍រូបនេះ ក៏បង្ហាញមហិច្ឆតាចង់ ធ្វើការងារនៅក្នុងទូតចិនប្រចាំកម្ពុជាផងដែរ។
«មិនមែនជាចំណង់ចំណូលចិត្តនោះទេ តែមើលឃើញពីអត្ថប្រយោជន៍នៃភាសាចិន ទើបខ្ញុំរៀនចិន» នេះជាការរៀបរាប់របស់យុវជន សៅ រចនា។ រចនា បានរៀនភាសាចិនតាំងពីក្មេង ដោយសារ ឃើញអ្នកជិតខាង និងសិស្សច្បងដែលចេះចិន មានការងារធ្វើ និងទទួលបានប្រាក់ខែច្រើន។ មានដើមកំណើតនៅ ភូមិ ឆ្នាំគូរ ឃុំ អង្គសុភី ស្រុកកំពង់ត្រាច ខេត្តកំពត យុវជន រចនា និយាយថា អ្នកភូមិរបស់លោក ខ្លះឈប់រៀន ដើម្បីទៅធ្វើការងារបកប្រែនៅរោងចក្រចិន។ លោកបន្តថា ពួកគេបានសម្រុករៀនចិនស្ទើរគ្នា ព្រោះ ភាសាចិន ងាយស្រួលក្នុងរកការងារធ្វើ។ វ័យ២៦ឆ្នាំ បុរសថ្គាមខ្លារូបនេះ បានបញ្ជាក់ថា៖ «ដំបូងខ្ញុំចង់រៀនភាសាអង់គ្លេសជាង ពីព្រោះអក្សរចិនដៃជើងវាស្មុគស្មាញ តែដល់ឃើញបងៗដែលចេះចិន មានការងារធ្វើ ខ្ញុំក៏តស៊ូរៀនភាសាចិនដែរ»។
ជីវភាពខ្វះខាតបានបណ្តាលឲ្យរចនាចង់ឈប់រៀនម្តងម្កាលដែរ ប៉ុន្តែដោយសារឪពុកម្តាយរបស់លោកជំរុញលោកឲ្យរៀនបានចប់ចុងចប់ដើម។ ស្របពេលនោះ លោកចង់បានការងារល្អធ្វើផង។ លោកក៏ជម្នះរៀនចិនរហូតមានការងារធ្វើដូចបំណង។ បន្ទាប់ពីរៀនភាសាចិនបានរយៈ៨ឆ្នាំ រចនាអាចប្រើភាសាចិនយ៉ាងស្ទាត់ជំនាញ ទាំងសំណេរ ទំនងទំនង និងធ្វើការងារ។ លើសពីនេះ កាលរៀននៅមហាវិទ្យាល័យ លោកបានប្រើប្រាស់ភាសាចិន ទៅបង្រៀនក្មេងៗ នៅតាមសាលាឯកជន ដើម្បីយកប្រាក់ផ្តត់ផ្គង់ការរៀនសូត្រផង និងផ្ញើទៅឲ្យអ្នកផ្ទះផង។ មានសម្បុរស កំលោះរូបនេះ បានបញ្ជាក់បន្ថែមថា៖ «ភាសាចិនបានជួយខ្ញុំច្រើនណាស់ ជាពិសេស វាជួយខ្ញុំក្នុងស្វែងរកការងារធ្វើ ដែលអាចឲ្យខ្ញុំមិនចាំបាច់សុំលុយអ្នកផ្ទះមករៀនមហាវិទ្យាល័យ។ ម្យ៉ាងទៀត ឲ្យតែចេះប្រាកដ ភាសាចិនសម្បូរទីផ្សារការងារណាស់ ពីព្រោះអ្នករកស៊ីនៅប្រទេសកម្ពុជាភាគច្រើនគឺជនជាតិចិន»។ ក្រៅពីការងារនៅក្នុងស្រុក អ្នករៀនចិនក៏អាចរកការងារនៅតំបន់អាស៊ានបានដែរ។ លោកបញ្ជាក់បន្ត៖ «ចិនកំពុងមានទំនាក់ទំនងសេដ្ឋកិច្ចជាមួយប្រទេសសមាជិកអាស៊ាន ហើយអ្នករកស៊ីចិនជាច្រើន បានដាក់ទុនវិនិយោគនៅប្រទេសអាស៊ាន មិនមែនមានតែកម្ពុជានោះទេ ដូច្នេះ អ្នកចេះចិន ក៏អាចរកការងារធ្វើនៅប្រទេសអាស៊ានបានដែរ»។
ជានិស្សិតបញ្ចប់បរិញ្ញាបត្រជំនាញទេសចរណ៍នៅសាកលវិទ្យាល័យភូមិន្ទភ្នំពេញ រចនាកំពុងធ្វើការងារនៅក្នុងក្រុមហ៊ុនចិនមួយនៅភ្នំពេញ ដែលមានប្រាក់ខែជាង៣០០ដុល្លា។ ជាអ្នកបក ប្រែភាសាចិន លោកមិនត្រឹមតែអាចរកការងារធ្វើបាននោះទេ ប៉ុន្តែភាសាចិន បានធ្វើឲ្យលោក យល់ដឹងពីកិច្ចការជំនួញ វប្បធម៌ និងរបៀបរស់នៅរបស់ជនជាតិចិនផងដែរ។ សក់ស្លូត បុរសមាឌកន្តាញរូបនេះ បានពន្យល់ថា៖ «ការងារជាមួយចិន វាតស៊ូអត់ធ្មត់ណាស់ ហើយវប្បធម៌វា ដូចជា រឿងញ៉ាំអី វាមិនចេះខ្ជីខ្ជាទេ»។ លោកបន្តថា« ជនជាតិចិន វាស្រលាញ់ជាតិសាសន៍វាណាស់ វានាំគ្នាទិញផលិតផលណាដែលជនជាតិវាផលិត ពីព្រោះ វាគិតថា ពេលវាទិញផលិតរបស់ជនជាតិចិន គឺជាការជួយបង្កើតការងារឲ្យជនជាតិវា និងជួយដល់រដ្ឋវាទៀតផង»។
ស្លៀកខោប៊ូយ ពាក់អាវយឺតពណ៌ស៊ីជម្ពូ ដោយមានអំបោះក្រហមចងកដៃផងនោះ រចនា មិនមែនចង់ធ្វើការងារនៅតែក្រុមហ៊ុនចិនតូចតាចនោះទេ ប៉ុន្តែ យុវជនមកពីតំបន់ភាគនិរតីម្នាក់នេះ មានបំណងឆ្ពោះទៅរកការងារមួយនៅក្នុងទូតចិនប្រចាំកម្ពុជា។ អាកប្បកិរិយាសុភាពរាបសារ និងជាមនុស្សម៉ត់ចត់នឹងការងារ រចនាបានបញ្ជាក់ពីគោលដៅរបស់ខ្លួនថា៖«ចិនជាមហាអំណាចសេដ្ឋកិច្ចទី២ក្នុងពិភពលោក ហើយខ្ញុំយល់ដឹងច្រើនពីវប្បធម៌ ទំនៀមទម្លាប់ និងរបៀបធ្វើការងាររបស់ចិនយ៉ាងច្បាស់ ដូច្នេះ ខ្ញុំចង់ធ្វើការងារជាអ្នកបកប្រែ ឬជំនួយការផ្នែកណាមួយនៅក្នុងទូតចិនប្រចាំកម្ពុជា»៕
«មិនមែនជាចំណង់ចំណូលចិត្តនោះទេ តែមើលឃើញពីអត្ថប្រយោជន៍នៃភាសាចិន ទើបខ្ញុំរៀនចិន» នេះជាការរៀបរាប់របស់យុវជន សៅ រចនា។ រចនា បានរៀនភាសាចិនតាំងពីក្មេង ដោយសារ ឃើញអ្នកជិតខាង និងសិស្សច្បងដែលចេះចិន មានការងារធ្វើ និងទទួលបានប្រាក់ខែច្រើន។ មានដើមកំណើតនៅ ភូមិ ឆ្នាំគូរ ឃុំ អង្គសុភី ស្រុកកំពង់ត្រាច ខេត្តកំពត យុវជន រចនា និយាយថា អ្នកភូមិរបស់លោក ខ្លះឈប់រៀន ដើម្បីទៅធ្វើការងារបកប្រែនៅរោងចក្រចិន។ លោកបន្តថា ពួកគេបានសម្រុករៀនចិនស្ទើរគ្នា ព្រោះ ភាសាចិន ងាយស្រួលក្នុងរកការងារធ្វើ។ វ័យ២៦ឆ្នាំ បុរសថ្គាមខ្លារូបនេះ បានបញ្ជាក់ថា៖ «ដំបូងខ្ញុំចង់រៀនភាសាអង់គ្លេសជាង ពីព្រោះអក្សរចិនដៃជើងវាស្មុគស្មាញ តែដល់ឃើញបងៗដែលចេះចិន មានការងារធ្វើ ខ្ញុំក៏តស៊ូរៀនភាសាចិនដែរ»។
ជីវភាពខ្វះខាតបានបណ្តាលឲ្យរចនាចង់ឈប់រៀនម្តងម្កាលដែរ ប៉ុន្តែដោយសារឪពុកម្តាយរបស់លោកជំរុញលោកឲ្យរៀនបានចប់ចុងចប់ដើម។ ស្របពេលនោះ លោកចង់បានការងារល្អធ្វើផង។ លោកក៏ជម្នះរៀនចិនរហូតមានការងារធ្វើដូចបំណង។ បន្ទាប់ពីរៀនភាសាចិនបានរយៈ៨ឆ្នាំ រចនាអាចប្រើភាសាចិនយ៉ាងស្ទាត់ជំនាញ ទាំងសំណេរ ទំនងទំនង និងធ្វើការងារ។ លើសពីនេះ កាលរៀននៅមហាវិទ្យាល័យ លោកបានប្រើប្រាស់ភាសាចិន ទៅបង្រៀនក្មេងៗ នៅតាមសាលាឯកជន ដើម្បីយកប្រាក់ផ្តត់ផ្គង់ការរៀនសូត្រផង និងផ្ញើទៅឲ្យអ្នកផ្ទះផង។ មានសម្បុរស កំលោះរូបនេះ បានបញ្ជាក់បន្ថែមថា៖ «ភាសាចិនបានជួយខ្ញុំច្រើនណាស់ ជាពិសេស វាជួយខ្ញុំក្នុងស្វែងរកការងារធ្វើ ដែលអាចឲ្យខ្ញុំមិនចាំបាច់សុំលុយអ្នកផ្ទះមករៀនមហាវិទ្យាល័យ។ ម្យ៉ាងទៀត ឲ្យតែចេះប្រាកដ ភាសាចិនសម្បូរទីផ្សារការងារណាស់ ពីព្រោះអ្នករកស៊ីនៅប្រទេសកម្ពុជាភាគច្រើនគឺជនជាតិចិន»។ ក្រៅពីការងារនៅក្នុងស្រុក អ្នករៀនចិនក៏អាចរកការងារនៅតំបន់អាស៊ានបានដែរ។ លោកបញ្ជាក់បន្ត៖ «ចិនកំពុងមានទំនាក់ទំនងសេដ្ឋកិច្ចជាមួយប្រទេសសមាជិកអាស៊ាន ហើយអ្នករកស៊ីចិនជាច្រើន បានដាក់ទុនវិនិយោគនៅប្រទេសអាស៊ាន មិនមែនមានតែកម្ពុជានោះទេ ដូច្នេះ អ្នកចេះចិន ក៏អាចរកការងារធ្វើនៅប្រទេសអាស៊ានបានដែរ»។
ជានិស្សិតបញ្ចប់បរិញ្ញាបត្រជំនាញទេសចរណ៍នៅសាកលវិទ្យាល័យភូមិន្ទភ្នំពេញ រចនាកំពុងធ្វើការងារនៅក្នុងក្រុមហ៊ុនចិនមួយនៅភ្នំពេញ ដែលមានប្រាក់ខែជាង៣០០ដុល្លា។ ជាអ្នកបក ប្រែភាសាចិន លោកមិនត្រឹមតែអាចរកការងារធ្វើបាននោះទេ ប៉ុន្តែភាសាចិន បានធ្វើឲ្យលោក យល់ដឹងពីកិច្ចការជំនួញ វប្បធម៌ និងរបៀបរស់នៅរបស់ជនជាតិចិនផងដែរ។ សក់ស្លូត បុរសមាឌកន្តាញរូបនេះ បានពន្យល់ថា៖ «ការងារជាមួយចិន វាតស៊ូអត់ធ្មត់ណាស់ ហើយវប្បធម៌វា ដូចជា រឿងញ៉ាំអី វាមិនចេះខ្ជីខ្ជាទេ»។ លោកបន្តថា« ជនជាតិចិន វាស្រលាញ់ជាតិសាសន៍វាណាស់ វានាំគ្នាទិញផលិតផលណាដែលជនជាតិវាផលិត ពីព្រោះ វាគិតថា ពេលវាទិញផលិតរបស់ជនជាតិចិន គឺជាការជួយបង្កើតការងារឲ្យជនជាតិវា និងជួយដល់រដ្ឋវាទៀតផង»។
ស្លៀកខោប៊ូយ ពាក់អាវយឺតពណ៌ស៊ីជម្ពូ ដោយមានអំបោះក្រហមចងកដៃផងនោះ រចនា មិនមែនចង់ធ្វើការងារនៅតែក្រុមហ៊ុនចិនតូចតាចនោះទេ ប៉ុន្តែ យុវជនមកពីតំបន់ភាគនិរតីម្នាក់នេះ មានបំណងឆ្ពោះទៅរកការងារមួយនៅក្នុងទូតចិនប្រចាំកម្ពុជា។ អាកប្បកិរិយាសុភាពរាបសារ និងជាមនុស្សម៉ត់ចត់នឹងការងារ រចនាបានបញ្ជាក់ពីគោលដៅរបស់ខ្លួនថា៖«ចិនជាមហាអំណាចសេដ្ឋកិច្ចទី២ក្នុងពិភពលោក ហើយខ្ញុំយល់ដឹងច្រើនពីវប្បធម៌ ទំនៀមទម្លាប់ និងរបៀបធ្វើការងាររបស់ចិនយ៉ាងច្បាស់ ដូច្នេះ ខ្ញុំចង់ធ្វើការងារជាអ្នកបកប្រែ ឬជំនួយការផ្នែកណាមួយនៅក្នុងទូតចិនប្រចាំកម្ពុជា»៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
