ជាតិ
សេដ្ឋកិច្ច
×![]()
ភ្នំពេញ៖ ខណៈដែលតម្លៃស្រូវក្រអូបកំពុងបន្តធ្លាក់ចុះ រដ្ឋាភិបាល នៅថ្ងៃនេះ បានសម្រេចបញ្ចេញកញ្ចប់ថវិកា ២៧លានដុល្លារ ដើម្បីសង្គ្រោះស្ថានភាពមួយនេះ។ 
សេចក្ដីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុឲ្យដឹងថា រដ្ឋាភិបាលបានប្រើប្រាស់ទុនបម្រុងរបស់ខ្លួនចំនួន ២០លានដុល្លារ និង ទុនចំនួន ៧លានដុល្លារទៀតពីធនាគារអភិវឌ្ឍន៍ជនបទ(RDB) ដើម្បីជាកម្ចីដល់ក្រុមហ៊ុនរោងម៉ាស៊ីនកិនស្រូវ ក្នុងការប្រមូលទិញស្រូវពីកសិករ។
ធនាគារអភិវឌ្ឍន៍ជនបទ (RDB) នឹងជាអ្នកអនុវត្តគម្រោងផ្ដល់កម្ចីនេះដោយផ្ទាល់ ដោយ RDB នឹងផ្ដល់ឥណទានដល់រោងម៉ាស៊ីនកិនស្រូវ ជាមួយការយកស្ដុកស្រូវជាវត្ថុធានា។ នេះបើតាមសេចក្ដីប្រកាសដដែលនេះ ដែលបញ្ជាក់ដូច្នេះថា៖« RDB នឹងផ្ដល់ឥណទានត្រង់ដល់អ្នកដែលយកស្រូវអង្ករមកដាក់បញ្ចាំក្នុងឃ្លាំង និងធានាបំណុល ដោយយកស្តុកស្រូវអង្ករនោះជាវត្ថុធានា ហើយរោងម៉ាស៊ីនកិនស្រូវតាមតំបន់នីមួយៗ ត្រូវកំណត់ទីតាំងដែលមានឃ្លាំង ឡសម្ងួត និងគ្រឿងបរិក្ខារផ្សេងៗ ដោយមានការគ្រប់គ្រងសន្និធិស្រូវដោយភ្នាក់ងារ RDB សហការជាមួយរោងម៉ាស៊ីនកិនស្រូវ ដែលជាសមាជិកឃ្លាំងស្តុកស្រូវ។ ម្ចាស់ឃ្លាំងស្រូវ គឺជាអ្នកទទួលខុសត្រូវលើគុណភាពស្រូវ»។
សេចក្ដីប្រកាសព័ត៌មានឲ្យដឹងទៀតថា ទីតាំងស្តុកស្រូវត្រូវបានកំណត់ចំនួន ៥កន្លែង។ ចំនួន ២ទីតាំងសម្រាប់តំបន់ខេត្តពោធិ៍សាត់ បាត់ដំបង បន្ទាយមានជ័យ និងខេត្តសៀមរាប។ ហើយចំនួន ១ទីតាំងទៀតសម្រាប់ខេត្តកំពង់ចាម និងខេត្តត្បូងឃ្មុំ។ ចំណែកទីតាំង១ទៀតគឺសម្រាប់ខេត្តព្រៃវែង និងស្វាយរៀង។ ចំណែក ១ទីតាំងចុងក្រោយសម្រាប់ខេត្តកណ្ដាល តាកែវ កំពត កំពង់ស្ពឺ និងរាជធានីភ្នំពេញ។
«កម្មវិធីពិសេសរបស់រដ្ឋាភិបាល នៅពេលនេះ គឺដើម្បីរួមចំណែកដោះស្រាយបញ្ហាខ្វះខាតទុនទិញស្រូវរបស់រោងម៉ាស៊ីនកិនស្រូវនៅតាមខេត្តគោលដៅមួយចំនួន និងជំរុញប្រមូលទិញស្រូវក្រអូប ដែលកំពុងចាប់ផ្ដើមដល់រដូវប្រមូលផលបណ្ដើរៗ ចាប់ពីពាក់កណ្ដាលខែសីហា រហូតដល់ចុងឆ្នាំនេះ និងដើមឆ្នាំក្រោយ»។ នេះជាការបញ្ជាក់របស់ក្រសួងសេដ្ឋកិច្ច មុននឹងក្រសួងបន្ថែមថា៖«ថវិកាទាំងនេះ នឹងជំរុញការប្រមូលទិញស្រូវប្រមាណ ៩ម៉ឺនតោន ហើយអាចធ្វើឲ្យតម្លៃស្រូវសែនក្រអូបមានកម្រិតលើសពី ៩៤ម៉ឺនរៀល (ប្រមាណ ៨០០០បាត) ក្នុង១តោន»។
បើតាមពាណិជ្ជករ និងកសិករ ដែលបានប្រាប់សារព័ត៌មានថ្មីៗនោះ តម្លៃស្រូវសែនក្រអូបបានធ្លាក់ចុះពី ៣០០ដុល្លារក្នុង១តោន មកនៅត្រឹមរង្វង់ ២០០ដុល្លារ ក្នុងរយៈពេលជាង២សប្ដាហ៍នេះ។
ប៉ុន្តែបើតាមក្រសួងសេដ្ឋកិច្ច និងហិរញ្ញវត្ថុវិញ តម្លៃស្រូវក្រអូប និងពូជស្រូវសែនក្រអូបបានធ្លាក់ចុះពីតម្លៃ ៩៩ម៉ឺននិង៥ពាន់រៀល(ប្រមាណ ៨៥០០បាត) ក្នុង១តោន នៅពាក់កណ្ដាលខែសីហា មកដល់ប្រហែល ៧៧ម៉ឺនរៀល(ប្រមាណ ៦៥០០បាត) ក្នុង១តោននៅសប្ដាហ៍នេះ៕
សេចក្ដីប្រកាសព័ត៌មានរបស់ក្រសួងសេដ្ឋកិច្ច និងហិរញ្ញវត្ថុឲ្យដឹងថា រដ្ឋាភិបាលបានប្រើប្រាស់ទុនបម្រុងរបស់ខ្លួនចំនួន ២០លានដុល្លារ និង ទុនចំនួន ៧លានដុល្លារទៀតពីធនាគារអភិវឌ្ឍន៍ជនបទ(RDB) ដើម្បីជាកម្ចីដល់ក្រុមហ៊ុនរោងម៉ាស៊ីនកិនស្រូវ ក្នុងការប្រមូលទិញស្រូវពីកសិករ។
ធនាគារអភិវឌ្ឍន៍ជនបទ (RDB) នឹងជាអ្នកអនុវត្តគម្រោងផ្ដល់កម្ចីនេះដោយផ្ទាល់ ដោយ RDB នឹងផ្ដល់ឥណទានដល់រោងម៉ាស៊ីនកិនស្រូវ ជាមួយការយកស្ដុកស្រូវជាវត្ថុធានា។ នេះបើតាមសេចក្ដីប្រកាសដដែលនេះ ដែលបញ្ជាក់ដូច្នេះថា៖« RDB នឹងផ្ដល់ឥណទានត្រង់ដល់អ្នកដែលយកស្រូវអង្ករមកដាក់បញ្ចាំក្នុងឃ្លាំង និងធានាបំណុល ដោយយកស្តុកស្រូវអង្ករនោះជាវត្ថុធានា ហើយរោងម៉ាស៊ីនកិនស្រូវតាមតំបន់នីមួយៗ ត្រូវកំណត់ទីតាំងដែលមានឃ្លាំង ឡសម្ងួត និងគ្រឿងបរិក្ខារផ្សេងៗ ដោយមានការគ្រប់គ្រងសន្និធិស្រូវដោយភ្នាក់ងារ RDB សហការជាមួយរោងម៉ាស៊ីនកិនស្រូវ ដែលជាសមាជិកឃ្លាំងស្តុកស្រូវ។ ម្ចាស់ឃ្លាំងស្រូវ គឺជាអ្នកទទួលខុសត្រូវលើគុណភាពស្រូវ»។
សេចក្ដីប្រកាសព័ត៌មានឲ្យដឹងទៀតថា ទីតាំងស្តុកស្រូវត្រូវបានកំណត់ចំនួន ៥កន្លែង។ ចំនួន ២ទីតាំងសម្រាប់តំបន់ខេត្តពោធិ៍សាត់ បាត់ដំបង បន្ទាយមានជ័យ និងខេត្តសៀមរាប។ ហើយចំនួន ១ទីតាំងទៀតសម្រាប់ខេត្តកំពង់ចាម និងខេត្តត្បូងឃ្មុំ។ ចំណែកទីតាំង១ទៀតគឺសម្រាប់ខេត្តព្រៃវែង និងស្វាយរៀង។ ចំណែក ១ទីតាំងចុងក្រោយសម្រាប់ខេត្តកណ្ដាល តាកែវ កំពត កំពង់ស្ពឺ និងរាជធានីភ្នំពេញ។
«កម្មវិធីពិសេសរបស់រដ្ឋាភិបាល នៅពេលនេះ គឺដើម្បីរួមចំណែកដោះស្រាយបញ្ហាខ្វះខាតទុនទិញស្រូវរបស់រោងម៉ាស៊ីនកិនស្រូវនៅតាមខេត្តគោលដៅមួយចំនួន និងជំរុញប្រមូលទិញស្រូវក្រអូប ដែលកំពុងចាប់ផ្ដើមដល់រដូវប្រមូលផលបណ្ដើរៗ ចាប់ពីពាក់កណ្ដាលខែសីហា រហូតដល់ចុងឆ្នាំនេះ និងដើមឆ្នាំក្រោយ»។ នេះជាការបញ្ជាក់របស់ក្រសួងសេដ្ឋកិច្ច មុននឹងក្រសួងបន្ថែមថា៖«ថវិកាទាំងនេះ នឹងជំរុញការប្រមូលទិញស្រូវប្រមាណ ៩ម៉ឺនតោន ហើយអាចធ្វើឲ្យតម្លៃស្រូវសែនក្រអូបមានកម្រិតលើសពី ៩៤ម៉ឺនរៀល (ប្រមាណ ៨០០០បាត) ក្នុង១តោន»។
បើតាមពាណិជ្ជករ និងកសិករ ដែលបានប្រាប់សារព័ត៌មានថ្មីៗនោះ តម្លៃស្រូវសែនក្រអូបបានធ្លាក់ចុះពី ៣០០ដុល្លារក្នុង១តោន មកនៅត្រឹមរង្វង់ ២០០ដុល្លារ ក្នុងរយៈពេលជាង២សប្ដាហ៍នេះ។
ប៉ុន្តែបើតាមក្រសួងសេដ្ឋកិច្ច និងហិរញ្ញវត្ថុវិញ តម្លៃស្រូវក្រអូប និងពូជស្រូវសែនក្រអូបបានធ្លាក់ចុះពីតម្លៃ ៩៩ម៉ឺននិង៥ពាន់រៀល(ប្រមាណ ៨៥០០បាត) ក្នុង១តោន នៅពាក់កណ្ដាលខែសីហា មកដល់ប្រហែល ៧៧ម៉ឺនរៀល(ប្រមាណ ៦៥០០បាត) ក្នុង១តោននៅសប្ដាហ៍នេះ៕
Tag:
ស្រូវ
© រក្សាសិទ្ធិដោយ thmeythmey.com
