អន្តរជាតិ
ហ្វីលីពីន-អាមេរិក ត្រៀមធ្វើសមយុទ្ធយោធារួមគ្នា ក្រោយលោក Duterte រិះគន់លោក Obama ខ្លាំងមក
×![]()
កងទ័ពហ្វីលីពីន និងកងទ័ពអាមេរិក នឹងធ្វើលំហាត់យោធារួមគ្នានៅក្នុងទឹកដីហ្វីលីពីននៅខែក្រោយនេះ។ លំហាត់យោធានេះ នឹងក្លាយជាលំហាត់យោធាលើកដំបូងហើយរវាងភាគីទាំងពីរ ក្នុងរដ្ឋបាលថ្មីហ្វីលីពីនដែលដឹកនាំដោយលោកប្រធានាធិបតី រ៉ូឌ្រីហ្គូ ឌើទេតេ។ នេះ ក៏បង្ហាញដែរថា ទោះចុងក្រោយនេះ លោក ឌើទើតេ រិះគន់អាមេរិកខ្លាំងៗក័៍ដោយ ទំនាក់ទំនងយោធាទាំងពីរនៅតែជិតស្និទ្ធដដែល។ 
យោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំក្រុងម៉ានីលដែលបានចុះផ្សាយនៅថ្ងៃទី២៤ខែកញ្ញាកន្លងទៅ កងកម្លាំងហ្វីលីពីន (AFP) និងកងទ័ពម៉ារីនហ្វីលីពីន បានអញ្ជើញកងទ័ពម៉ារីនអាមេរិកដើម្បីចូលរួមក្នុងលំហាត់យោធាចូលចតរបស់ហ្វីលីពីនដែលមានឈ្មោះថា PHIBLEX33 ដែលនឹងត្រូវប្រព្រឹត្តនៅថ្ងៃទី៤ដល់ថ្ងៃទី១២ ខែតុលាខាងមុខ។ សម្រាប់ទីតាំងនៃសមយុទ្ធនោះ នឹងត្រូវធ្វើឡើងច្រើនកន្លែងនៃប្រទេសហ្វីលីពីន។
សមយុទ្ធយោធា PHIBLEX នឹងមានការចូលរួមពីកងកម្លាំងដែលកំពុងបម្រើការប្រមាណ១៤០០នាក់ ដែលបាននិងកំពុងតែឈរជើងនៅ កោះអុគីណាវ៉ានៃប្រទេសជប៉ុន និងកងកម្លាំងរបស់ហ្វីលីពីនប្រមាណ៥០០នាក់ផងដែរ។ នេះបើយោងតាមសេចក្តីប្រកាសព័ត៌មានដដែល ដែលបានបន្ថែមថា PHIBLEX នឹងផ្តល់សារៈសំខាន់លើការហ្វឹកហ្វឺនផ្នែកជំនួយមនុស្សធម៌, លំហាត់ចូលចត និងការបាញ់គ្រាប់ផ្លោងពិតផងដែរ។
លំហាត់យោធារវាងហ្វីលីពីន និងអាមេរិក ដែលគ្រោងនឹងធ្វើនាពេលខាងមុខដ៏ខ្លីនេះ គឺជាលើកដំបូងហើយដែលភាគីទាំងពីរ នឹងធ្វើឡើងក្រោមរដ្ឋបាលគ្រប់គ្រងថ្មីរបស់ហ្វីលីពីន លោកប្រធានាធីបតី រ៉ូឌ្រីហ្គូ ឌើទើតេ។ ក្រោមរដ្ឋបាលចាស់ហ្វីលីពីនដែលដឹកនាំដោយលោកអតីតប្រធានាធិបតី ប៊ែរនីណូ អាហ្គីណូ ហ្វីលីពីន បានឲ្យមូលដ្ឋានយោធាអាកាសអាមេរិកប្រាំកន្លែងក្នុងអធិបតេយ្យរបស់ខ្លួនដែលស្ថិតមិនឆ្ងាយពីតំបន់ចិនគ្រប់គ្រងក្នុងសមុទ្រចិនខាងត្បូងប៉ុន្មាននោះទេ។ ការផ្តល់នោះធ្វើឡើងក្រោមកិច្ចព្រមព្រៀងកិច្ចសហប្រតិបត្តិការការពារជាតិនៃប្រទេសទាំងពីរដែលបានចុះហត្ថលេខាតាំងពីឆ្នាំ២០១៤ និងចូលជាធរមាននៅឆ្នាំ២០១៦នេះ។
ដោយឡែក សមយុទ្ធយោធាលើកដំបូងក្រោមរដ្ឋបាលរបស់លោក ឌើទើតេ ក៏ធ្វើឡើងក្រោយ លោកប្រធានាធិបតីរូបនេះ បានរិះគន់អាមេរិក និងជេរប្រមាថលោកប្រធានាធិបតីអាមេរិក បារ៉ាក់ អូបាម៉ា ដែលបានរិះគន់រដ្ឋបាលលោកក្នុងប្រតិបត្តិការបោសសម្អាតគ្រឿងញៀន។ ជាងនេះទៅទៀត លោក ឌើទើតេ នៅថ្ងៃទី២៣ ខែកញ្ញា ថែមទាំងហ៊ាននិយាយថា ហ្វីលីពីន មិនអាចពឹងផ្អែកអាមេរិករហូតបានឡើយទៀត៕
យោងតាមសេចក្តីប្រកាសព័ត៌មានរបស់ស្ថានទូតអាមេរិកប្រចាំក្រុងម៉ានីលដែលបានចុះផ្សាយនៅថ្ងៃទី២៤ខែកញ្ញាកន្លងទៅ កងកម្លាំងហ្វីលីពីន (AFP) និងកងទ័ពម៉ារីនហ្វីលីពីន បានអញ្ជើញកងទ័ពម៉ារីនអាមេរិកដើម្បីចូលរួមក្នុងលំហាត់យោធាចូលចតរបស់ហ្វីលីពីនដែលមានឈ្មោះថា PHIBLEX33 ដែលនឹងត្រូវប្រព្រឹត្តនៅថ្ងៃទី៤ដល់ថ្ងៃទី១២ ខែតុលាខាងមុខ។ សម្រាប់ទីតាំងនៃសមយុទ្ធនោះ នឹងត្រូវធ្វើឡើងច្រើនកន្លែងនៃប្រទេសហ្វីលីពីន។
សមយុទ្ធយោធា PHIBLEX នឹងមានការចូលរួមពីកងកម្លាំងដែលកំពុងបម្រើការប្រមាណ១៤០០នាក់ ដែលបាននិងកំពុងតែឈរជើងនៅ កោះអុគីណាវ៉ានៃប្រទេសជប៉ុន និងកងកម្លាំងរបស់ហ្វីលីពីនប្រមាណ៥០០នាក់ផងដែរ។ នេះបើយោងតាមសេចក្តីប្រកាសព័ត៌មានដដែល ដែលបានបន្ថែមថា PHIBLEX នឹងផ្តល់សារៈសំខាន់លើការហ្វឹកហ្វឺនផ្នែកជំនួយមនុស្សធម៌, លំហាត់ចូលចត និងការបាញ់គ្រាប់ផ្លោងពិតផងដែរ។
លំហាត់យោធារវាងហ្វីលីពីន និងអាមេរិក ដែលគ្រោងនឹងធ្វើនាពេលខាងមុខដ៏ខ្លីនេះ គឺជាលើកដំបូងហើយដែលភាគីទាំងពីរ នឹងធ្វើឡើងក្រោមរដ្ឋបាលគ្រប់គ្រងថ្មីរបស់ហ្វីលីពីន លោកប្រធានាធីបតី រ៉ូឌ្រីហ្គូ ឌើទើតេ។ ក្រោមរដ្ឋបាលចាស់ហ្វីលីពីនដែលដឹកនាំដោយលោកអតីតប្រធានាធិបតី ប៊ែរនីណូ អាហ្គីណូ ហ្វីលីពីន បានឲ្យមូលដ្ឋានយោធាអាកាសអាមេរិកប្រាំកន្លែងក្នុងអធិបតេយ្យរបស់ខ្លួនដែលស្ថិតមិនឆ្ងាយពីតំបន់ចិនគ្រប់គ្រងក្នុងសមុទ្រចិនខាងត្បូងប៉ុន្មាននោះទេ។ ការផ្តល់នោះធ្វើឡើងក្រោមកិច្ចព្រមព្រៀងកិច្ចសហប្រតិបត្តិការការពារជាតិនៃប្រទេសទាំងពីរដែលបានចុះហត្ថលេខាតាំងពីឆ្នាំ២០១៤ និងចូលជាធរមាននៅឆ្នាំ២០១៦នេះ។
ដោយឡែក សមយុទ្ធយោធាលើកដំបូងក្រោមរដ្ឋបាលរបស់លោក ឌើទើតេ ក៏ធ្វើឡើងក្រោយ លោកប្រធានាធិបតីរូបនេះ បានរិះគន់អាមេរិក និងជេរប្រមាថលោកប្រធានាធិបតីអាមេរិក បារ៉ាក់ អូបាម៉ា ដែលបានរិះគន់រដ្ឋបាលលោកក្នុងប្រតិបត្តិការបោសសម្អាតគ្រឿងញៀន។ ជាងនេះទៅទៀត លោក ឌើទើតេ នៅថ្ងៃទី២៣ ខែកញ្ញា ថែមទាំងហ៊ាននិយាយថា ហ្វីលីពីន មិនអាចពឹងផ្អែកអាមេរិករហូតបានឡើយទៀត៕
Tag:
ហ្វីលីពីន
អាមេរិក
© រក្សាសិទ្ធិដោយ thmeythmey.com
