ជាតិ
គ.ជ.ប ស្នើឲ្យមេសហជីព សម្រួលជាមួយថៅកែ ដើម្បីឲ្យកម្មករបានទៅចុះឈ្មោះបោះឆ្នោត
×![]()
ដោយ: ម៉ៅ សុផា
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) បានស្នើឲ្យសហភាពការងារកម្ពុជា រួមទាំងមេសហជីពផ្សេងៗទៀត សហការជាមួយនឹងភាគីរោងចក្រ ដើម្បីអនុញ្ញាតឲ្យកម្មករ-កម្មការិនីគ្រប់រូប បានទៅចុះឈ្មោះបោះឆ្នោត។ នេះបើតាមលិខិតរបស់គ.ជ.ប ដាក់ជូនសហភាពការងារកម្ពុជា កាលពីពេលថ្មីៗនេះ។
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានសរសេរលិខិតទៅកាន់មេសហជីព ដើម្បីឲ្យជួយសម្របសម្រួលម្ចាស់សហគ្រាស ក្នុងការផ្តល់ឱកាសដល់កម្មករបានទៅចុះឈ្មោះបោះឆ្នោត ក្នុងអំឡុងពេលនៃការឈប់សម្រាកក្នុងពិធីបុណ្យភ្ជុំបិណ្ឌ តាមសេចក្តីណែនាំរបស់ក្រសួងការងារ។
គ.ជ.ប បានបញ្ជាក់ក្នុងលិខិតរបស់ខ្លួនថា៖«ក្រសួងការងារបានសេចក្តីជូនដំណឹងមួយ ដោយអនុញ្ញាតឲ្យកម្មករនិយោជិក ឈប់សម្រាករយៈពេល៤ថ្ងៃ ក្នុងអំឡុងពិធីបុណ្យភ្ជុំបិណ្ឌ គឺចាប់ពីថ្ងៃ៣០ ខែកញ្ញា ដល់ថ្ងៃទី៣ ខែតុលា ឆ្នាំ២០១៦។ ដូច្នេះ កម្មករនិយោជិក មានពេលវេលាគ្រប់គ្រាន់ ដើម្បីទៅចុះឈ្មោះបោះឆ្នោត»។
ជុំវិញបញ្ហាខាងលើ លោក ហង្ស ពុទ្ធា អ្នកនាំពាក្យរបស់គ.ជ.ប បានប្រាប់សារព័ត៌មានថ្មីៗនៅព្រឹកថ្ងៃអង្គារនេះថា សហជីព និងភាគីនិយោជក គួរតែគោរពតាមការណែនាំរបស់គ.ជ.ប និងសេចក្តីប្រកាសរបស់ក្រសួងការងារ ទាក់ទងនឹងការផ្តល់សិទ្ធិសេរីភាពដល់កម្មករឲ្យបានពេញលេញ ក្នុងការទៅចុះឈ្មោះបោះឆ្នោត។ លោក ហង្ស ពុទ្ធា បន្ថែមថា គ.ជ.ប បានខិតខំយ៉ាងខ្លាំងក្នុងការរៀបចំការចុះឈ្មោះបោះឆ្នោត ឲ្យប្រព្រឹត្តទៅដោយរលូត។ ប៉ុន្តែ អ្នកនាំពាក្យរូបនេះ នៅតែស្នើឲ្យភាគីពាក់ព័ន្ធនានា ចូលរួមសហការជាមួយនឹងគ.ជ.ប ដើម្បីឲ្យការចុះឈ្មោះបោះឆ្នោត ដំណើការទៅ កាន់តែល្អប្រសើរ។
លោក ប៉ាវ ស៊ីណា ប្រធានសហព័ន្ធសហជីពចលនាកម្មករ បានលើកឡើងថា វា មិនមែនជាបញ្ហាអ្វីឡើយ សម្រាប់មេសហជីព ក្នុងការសម្របសម្រួលជាមួយម្ចាស់រោងចក្រ ដើម្បីអនុញ្ញាតឲ្យកម្មករនិយោជិក បានទៅចុះឈ្មោះបោះឆ្នោត ជាពិសេសក្នុងអំឡុងពេលនៃការឈប់សម្រាក ដែលក្រសួងការងារបានប្រកាស។ ប៉ុន្តែ លោក ប៉ាវ ស៊ីណា បញ្ជាក់ថា អ្វីដែលជាឧបសគ្គសម្រាប់កម្មករនោះ គឺការលំបាកក្នុងការទៅចុះឈ្មោះបោះឆ្នោត ក្នុងថ្ងៃធ្វើការ។
មេសហជីពរូបនេះ បន្តទៀតថា ទោះបីជាថ្ងៃធ្វើការក៏ដោយ ក៏ថៅកែរោងចក្រ មិនដែលរារាំងកម្មករ-កម្មការិនី មិនឲ្យទៅចុះឈ្មោះបោះឆ្នោតដែរ ប៉ុន្តែ ការទៅចុះឈ្មោះបោះឆ្នោត គឺត្រូវសុំច្បាប់ឲ្យបានត្រឹមត្រូវ។ លោកសង្កត់ធ្ងន់ថា៖«ពួកខ្ញុំសម្រួលចេះតែបានហើយ។ តែគេ (ម្ចាស់រោងចក្រ) កាត់ប្រាក់របស់កម្មករ។ គេ មិនឲ្យយើងឈប់ទទេៗទេ ព្រោះខាតគេ»។
លោក ប៉ាវ ស៊ីណា យល់ថា ក្រៅពីសេចក្តីជូនដឹងខាងលើ ដែលអនុញ្ញាតឲ្យកម្មករឈប់សម្រាករយៈពេល៤ថ្ងៃ គ.ជ.ប គួរតែស្នើទៅក្រសួងការងារ ដើម្បីឲ្យចេញសេចក្តីប្រកាសណាមួយ ដោយសម្រួលទៅភាគីនិយោជក ក្នុងការអនុញ្ញាតឲ្យកម្មករ បានទៅចុះឈ្មោះបោះឆ្នោត ដោយមិនមានការកាត់ប្រាក់ខែរបស់ពួកគេ។
សូមបញ្ជាក់ថា ការចុះឈ្មោះបោះឆ្នោត មានរយៈពេល៣ខែ គឺចាប់ពីថ្ងៃទី១ ខែកញ្ញា ដល់ថ្ងៃទី២៩ ខែវិច្ឆិកា ឆ្នាំ២០១៦។ រហូតមកដល់ពេលនេះ ប្រជាពលរដ្ឋជាង៣លាន ៥សែននាក់ហើយ បានទៅចុះឈ្មោះបោះឆ្នោត៕
គណៈកម្មាធិការជាតិរៀបចំការបោះឆ្នោត ហៅកាត់ថា គ.ជ.ប បានសរសេរលិខិតទៅកាន់មេសហជីព ដើម្បីឲ្យជួយសម្របសម្រួលម្ចាស់សហគ្រាស ក្នុងការផ្តល់ឱកាសដល់កម្មករបានទៅចុះឈ្មោះបោះឆ្នោត ក្នុងអំឡុងពេលនៃការឈប់សម្រាកក្នុងពិធីបុណ្យភ្ជុំបិណ្ឌ តាមសេចក្តីណែនាំរបស់ក្រសួងការងារ។
គ.ជ.ប បានបញ្ជាក់ក្នុងលិខិតរបស់ខ្លួនថា៖«ក្រសួងការងារបានសេចក្តីជូនដំណឹងមួយ ដោយអនុញ្ញាតឲ្យកម្មករនិយោជិក ឈប់សម្រាករយៈពេល៤ថ្ងៃ ក្នុងអំឡុងពិធីបុណ្យភ្ជុំបិណ្ឌ គឺចាប់ពីថ្ងៃ៣០ ខែកញ្ញា ដល់ថ្ងៃទី៣ ខែតុលា ឆ្នាំ២០១៦។ ដូច្នេះ កម្មករនិយោជិក មានពេលវេលាគ្រប់គ្រាន់ ដើម្បីទៅចុះឈ្មោះបោះឆ្នោត»។
ជុំវិញបញ្ហាខាងលើ លោក ហង្ស ពុទ្ធា អ្នកនាំពាក្យរបស់គ.ជ.ប បានប្រាប់សារព័ត៌មានថ្មីៗនៅព្រឹកថ្ងៃអង្គារនេះថា សហជីព និងភាគីនិយោជក គួរតែគោរពតាមការណែនាំរបស់គ.ជ.ប និងសេចក្តីប្រកាសរបស់ក្រសួងការងារ ទាក់ទងនឹងការផ្តល់សិទ្ធិសេរីភាពដល់កម្មករឲ្យបានពេញលេញ ក្នុងការទៅចុះឈ្មោះបោះឆ្នោត។ លោក ហង្ស ពុទ្ធា បន្ថែមថា គ.ជ.ប បានខិតខំយ៉ាងខ្លាំងក្នុងការរៀបចំការចុះឈ្មោះបោះឆ្នោត ឲ្យប្រព្រឹត្តទៅដោយរលូត។ ប៉ុន្តែ អ្នកនាំពាក្យរូបនេះ នៅតែស្នើឲ្យភាគីពាក់ព័ន្ធនានា ចូលរួមសហការជាមួយនឹងគ.ជ.ប ដើម្បីឲ្យការចុះឈ្មោះបោះឆ្នោត ដំណើការទៅ កាន់តែល្អប្រសើរ។
លោក ប៉ាវ ស៊ីណា ប្រធានសហព័ន្ធសហជីពចលនាកម្មករ បានលើកឡើងថា វា មិនមែនជាបញ្ហាអ្វីឡើយ សម្រាប់មេសហជីព ក្នុងការសម្របសម្រួលជាមួយម្ចាស់រោងចក្រ ដើម្បីអនុញ្ញាតឲ្យកម្មករនិយោជិក បានទៅចុះឈ្មោះបោះឆ្នោត ជាពិសេសក្នុងអំឡុងពេលនៃការឈប់សម្រាក ដែលក្រសួងការងារបានប្រកាស។ ប៉ុន្តែ លោក ប៉ាវ ស៊ីណា បញ្ជាក់ថា អ្វីដែលជាឧបសគ្គសម្រាប់កម្មករនោះ គឺការលំបាកក្នុងការទៅចុះឈ្មោះបោះឆ្នោត ក្នុងថ្ងៃធ្វើការ។
មេសហជីពរូបនេះ បន្តទៀតថា ទោះបីជាថ្ងៃធ្វើការក៏ដោយ ក៏ថៅកែរោងចក្រ មិនដែលរារាំងកម្មករ-កម្មការិនី មិនឲ្យទៅចុះឈ្មោះបោះឆ្នោតដែរ ប៉ុន្តែ ការទៅចុះឈ្មោះបោះឆ្នោត គឺត្រូវសុំច្បាប់ឲ្យបានត្រឹមត្រូវ។ លោកសង្កត់ធ្ងន់ថា៖«ពួកខ្ញុំសម្រួលចេះតែបានហើយ។ តែគេ (ម្ចាស់រោងចក្រ) កាត់ប្រាក់របស់កម្មករ។ គេ មិនឲ្យយើងឈប់ទទេៗទេ ព្រោះខាតគេ»។
លោក ប៉ាវ ស៊ីណា យល់ថា ក្រៅពីសេចក្តីជូនដឹងខាងលើ ដែលអនុញ្ញាតឲ្យកម្មករឈប់សម្រាករយៈពេល៤ថ្ងៃ គ.ជ.ប គួរតែស្នើទៅក្រសួងការងារ ដើម្បីឲ្យចេញសេចក្តីប្រកាសណាមួយ ដោយសម្រួលទៅភាគីនិយោជក ក្នុងការអនុញ្ញាតឲ្យកម្មករ បានទៅចុះឈ្មោះបោះឆ្នោត ដោយមិនមានការកាត់ប្រាក់ខែរបស់ពួកគេ។
សូមបញ្ជាក់ថា ការចុះឈ្មោះបោះឆ្នោត មានរយៈពេល៣ខែ គឺចាប់ពីថ្ងៃទី១ ខែកញ្ញា ដល់ថ្ងៃទី២៩ ខែវិច្ឆិកា ឆ្នាំ២០១៦។ រហូតមកដល់ពេលនេះ ប្រជាពលរដ្ឋជាង៣លាន ៥សែននាក់ហើយ បានទៅចុះឈ្មោះបោះឆ្នោត៕
Tag:
កម្មករ
សហជីព
គជប
បោះឆ្នោត
© រក្សាសិទ្ធិដោយ thmeythmey.com
