កីឡាជាតិ
ជាតិ
លោក វ៉ាត់ ចំរើន បកស្រាយរឿងជ្រើសរើសកីឡាករដែលត្រូវរត់ភ្លើងគប់កីឡាជាតិលើកទី១
×![]()
លោក វ៉ាត់ ចំរើន បានចេញមកបកស្រាយ ជុំវិញការរិះការរិះគន់ ចំពោះការជ្រើសរើសកីឡាករ ដើម្បីរត់ភ្លើងគប់ បើកកម្មវិធីកីឡាជាតិលើកទី១ ។ ការបកស្រាយ ធ្វើឡើងក្នុងសន្និសីទសារព័ត៌មាន នៅវិមានពហុកីឡដ្ឋានជាតិកាលពីដើមសប្តាហ៍កន្លងទៅ។ 
ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាកាលពីពេលថ្មីៗ បានឯកភាពគ្នាសម្រេចជ្រើសរើសកីឡាករឆ្នើមបច្ចុប្បន្នចំនួន៤រូប រួមមានកីឡាករ ចាន់ វឌ្ឍនាកា, ប្រាក់ មុន្នីឧត្តម កែ ឡេង និងកីឡាការិនី ស៊ន សៀវម៉ី ដើម្បីរត់ភ្លើងគប់បើកព្រឹត្តិការណ៍ការប្រកួតកីឡាជាតិលើកទី១នាថ្ងៃទី២៨ ខែតុលា ខាងមុខនេះ។ ការជ្រើសរើសនេះក៏មានមតិមួយចំនួនរិះគន់ផងដែរថា ហេតុអ្វីមិនជ្រើសរើសកីឡាករម្ចាស់មេដាយមាសពិភពលោករត់ភ្លើងគប់នេះ?
ជាមួយគ្នានេះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) បានបកស្រាយថា ការជ្រើសរើសកីឡាករ ចាន់ វឌ្ឍនាកា ប្រាក់ មុន្នីឧត្តម កែ ឡេង និងកីឡាការិនី ស៊ន សៀវម៉ី សម្រាប់រត់ភ្លើងគប់បើកព្រឹត្តិការណ៍កីឡាជាតិលើកទី១នេះ ដោយសារកីឡាករទាំងនេះជាកីឡាករដែលទទួលបានការគាំទ្រច្រើន ជាពិសេសមានប្រជាប្រិយខ្ពស់នាពេលបច្ចុប្បន្ន។
លើសពីនេះ លោកអគ្គលេខាធិការនៃគណៈកម្មាធិការជាតិអូឡាំពិកកម្ពុជារូបនេះ បានចាត់ទុកការរិះគន់របស់មហាជនទាំងនោះថា វាជាការយល់ច្រឡំ ព្រោះនៅថ្ងៃបើកនៃកម្មវិធីប្រកួត លោកបានអញ្ជើញគ្រប់កីឡាករកីឡាការិនីដែលដណ្តើមបានមេដាយ មាស ប្រាក់ និងសំរឹទ្ធពីការប្រកួតអន្តរជាតិនានាទាំងអស់ដើម្បីចូលរួម។
ទោះបីជាកីឡាករកីឡាការិនីទាំងនេះមិនទទួលបានតួនាទីជាអ្នករត់ភ្លើងគប់បើកការប្រកួតក៏ដោយ ប៉ុន្តែអត្តពលិកទាំងនេះអាចទទួលបានតួនាទីផ្សេងៗគ្នាជាច្រើនទៀត ដូចជាកាន់ទង់ជាតិប្រទេសកម្ពុជា ទង់ជាតិកីឡាជាតិ និងទង់ជាតិរបស់គណៈកម្មាធិការជាតិអូឡាំពិកកម្ពុជា។
ក្នុងសន្និសីទសារព័ត៌មាននៅវិមានពហុកីឡដ្ឋានជាតិកាលពីព្រឹកមិញ លោក វ៉ាត់ ចំរើន បានមានប្រសាសន៍យ៉ាងដូច្នេះថា៖«វាជាការយល់ច្រឡំនោះទេ ការពិតគឺយើងហៅទាំងអស់អ្នកដែលទទួលបានមេដាយមាសពិភពលោក មិនមានអ្នកណាមួយអត់នោះទេ។ ប៉ុន្តែរបៀបនៃការធ្វើរបស់យើងមានចំនួនកំណត់យើងមិនអាចប្រមូលគ្រប់ប្រភេទកីឡាដែលទើបនឹងបានមេដាយប្រាក់ និងសំរឹទ្ធអីនោះទេ»។
លោកបានបន្តទៀតថា៖«អ៊ីចឹងយើងមានកម្រិតនៃការប្រមូល ប៉ុន្តែនៅក្នុងនោះយើងធ្វើការបែងចែកដោយអ្នកខ្លះរត់ភ្លើងគប់ អ្នកខ្លះទៀតគាត់ហែរទង់ជាតិប្រទេស ទង់ជាតិកីឡាជាតិ និងទង់ជាតិអូឡាំពិក។ អ៊ីចឹងនៅក្នុងនោះយើងបែងចែកឲ្យគាត់មានកិត្តិយស ប៉ុន្តែគ្រាន់តែយើងចាត់ចំណាត់ថ្នាក់ឲ្យអ្នកណាមានកិត្តិយសធំជាងគេជាបន្តបន្ទាប់»។
ក្រៅពីការចូលរួមរបស់កីឡាករឆ្នើមៗនាពេលបច្ចុប្បន្ន ក៏មានការចូលពីសំណាក់កីឡាករកីឡាការិនីជើងចាស់ល្បីៗប្រចាំទស្សវត្សរ៍ ៦០, ៧០ និង៨០ ចូលរួមក្នុងកម្មវិធីបើកការប្រកួតនោះផងដែរ។ ក្នុងនោះមានលោក កែវ ថុន អតីតអ្នករត់ប្រណាំងដ៏ឆ្នើមប្រចាំទស្សវត្សរ៍១៩៦០, លោក លោក អៀត គឹមហេង អ្នកហែលទឹកដ៏ល្បីល្បាញនាទសវត្សរ៍៦០, លោក ប៉ែន ផាត អតីតកីឡាករបាល់ទាត់ឆ្នើមនៅមុនសង្គ្រាម លោក សោម សារ៉ន (ហៅម៉ាំង) ដែលជាកីឡាករបាល់ទាត់ដ៏ឆ្នើមក្នុងទសវត្សរ៍ឆ្នាំ៨០ និងលោក តូ រិទ្ធិយ៉ា អ្នករត់ចម្ងាយដ៏ល្បីនៅទសវត្សរ៍ឆ្នា៨០ និង៩០។
ក្នុងចំណោមកីឡាករជើងចាស់ទាំងនេះក៏មានការបែងចែកអ្នករត់ភ្លើងគប់ និងអ្នកកាន់ទង់ជាតិផងដែរ។ លើសពីនេះ លោក វ៉ាត់ ចំរើន នៅតែបន្តប្រកាសស្វែងរកកីឡាកីឡករកីឡាការិនីជើងចាស់ល្បីៗឲ្យចូលរួមបន្ថែមទៀតផង ហើយលោកបានបញ្ជាក់ថា ប្រសិនបើមានកីឡាករជើងចាស់ល្បីៗចង់ចូលរួមសូមមកទំនាក់ទំនងនៅទីស្នាក់ការ NOCC ដើម្បីលោកសម្រួលក្នុងការចូលរួម។
ថ្នាក់ដឹកនាំកីឡារូបនេះ ស្នើរឲ្យបងប្អូនប្រជាពលរដ្ឋ ព្រមទាំងសិស្ស និស្សិតទាំងអស់ចូលរួមក្នុងកម្មវិធីបើក និងបិទនៃការប្រកួតកីឡាជាតិលើកទី១ ជាពិសេសចូលរួមទស្សនាការប្រកួតតែម្តង។ គួរបញ្ជាក់ថា កម្មវិធីបើកការប្រកួតនឹងប្រព្រឹទ្ធទៅថ្ងៃទី២៨ ខែតុលា ចំណែកកម្មវិធីបិទនៅថ្ងៃទី៥ ខែវិច្ឆិកា៕
ក្រសួងអប់រំ យុវជន និងកីឡា និងគណៈកម្មាធិការជាតិអូឡាំពិកកម្ពុជាកាលពីពេលថ្មីៗ បានឯកភាពគ្នាសម្រេចជ្រើសរើសកីឡាករឆ្នើមបច្ចុប្បន្នចំនួន៤រូប រួមមានកីឡាករ ចាន់ វឌ្ឍនាកា, ប្រាក់ មុន្នីឧត្តម កែ ឡេង និងកីឡាការិនី ស៊ន សៀវម៉ី ដើម្បីរត់ភ្លើងគប់បើកព្រឹត្តិការណ៍ការប្រកួតកីឡាជាតិលើកទី១នាថ្ងៃទី២៨ ខែតុលា ខាងមុខនេះ។ ការជ្រើសរើសនេះក៏មានមតិមួយចំនួនរិះគន់ផងដែរថា ហេតុអ្វីមិនជ្រើសរើសកីឡាករម្ចាស់មេដាយមាសពិភពលោករត់ភ្លើងគប់នេះ?
ជាមួយគ្នានេះ លោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា(NOCC) បានបកស្រាយថា ការជ្រើសរើសកីឡាករ ចាន់ វឌ្ឍនាកា ប្រាក់ មុន្នីឧត្តម កែ ឡេង និងកីឡាការិនី ស៊ន សៀវម៉ី សម្រាប់រត់ភ្លើងគប់បើកព្រឹត្តិការណ៍កីឡាជាតិលើកទី១នេះ ដោយសារកីឡាករទាំងនេះជាកីឡាករដែលទទួលបានការគាំទ្រច្រើន ជាពិសេសមានប្រជាប្រិយខ្ពស់នាពេលបច្ចុប្បន្ន។
លើសពីនេះ លោកអគ្គលេខាធិការនៃគណៈកម្មាធិការជាតិអូឡាំពិកកម្ពុជារូបនេះ បានចាត់ទុកការរិះគន់របស់មហាជនទាំងនោះថា វាជាការយល់ច្រឡំ ព្រោះនៅថ្ងៃបើកនៃកម្មវិធីប្រកួត លោកបានអញ្ជើញគ្រប់កីឡាករកីឡាការិនីដែលដណ្តើមបានមេដាយ មាស ប្រាក់ និងសំរឹទ្ធពីការប្រកួតអន្តរជាតិនានាទាំងអស់ដើម្បីចូលរួម។
ទោះបីជាកីឡាករកីឡាការិនីទាំងនេះមិនទទួលបានតួនាទីជាអ្នករត់ភ្លើងគប់បើកការប្រកួតក៏ដោយ ប៉ុន្តែអត្តពលិកទាំងនេះអាចទទួលបានតួនាទីផ្សេងៗគ្នាជាច្រើនទៀត ដូចជាកាន់ទង់ជាតិប្រទេសកម្ពុជា ទង់ជាតិកីឡាជាតិ និងទង់ជាតិរបស់គណៈកម្មាធិការជាតិអូឡាំពិកកម្ពុជា។
ក្នុងសន្និសីទសារព័ត៌មាននៅវិមានពហុកីឡដ្ឋានជាតិកាលពីព្រឹកមិញ លោក វ៉ាត់ ចំរើន បានមានប្រសាសន៍យ៉ាងដូច្នេះថា៖«វាជាការយល់ច្រឡំនោះទេ ការពិតគឺយើងហៅទាំងអស់អ្នកដែលទទួលបានមេដាយមាសពិភពលោក មិនមានអ្នកណាមួយអត់នោះទេ។ ប៉ុន្តែរបៀបនៃការធ្វើរបស់យើងមានចំនួនកំណត់យើងមិនអាចប្រមូលគ្រប់ប្រភេទកីឡាដែលទើបនឹងបានមេដាយប្រាក់ និងសំរឹទ្ធអីនោះទេ»។
លោកបានបន្តទៀតថា៖«អ៊ីចឹងយើងមានកម្រិតនៃការប្រមូល ប៉ុន្តែនៅក្នុងនោះយើងធ្វើការបែងចែកដោយអ្នកខ្លះរត់ភ្លើងគប់ អ្នកខ្លះទៀតគាត់ហែរទង់ជាតិប្រទេស ទង់ជាតិកីឡាជាតិ និងទង់ជាតិអូឡាំពិក។ អ៊ីចឹងនៅក្នុងនោះយើងបែងចែកឲ្យគាត់មានកិត្តិយស ប៉ុន្តែគ្រាន់តែយើងចាត់ចំណាត់ថ្នាក់ឲ្យអ្នកណាមានកិត្តិយសធំជាងគេជាបន្តបន្ទាប់»។
ក្រៅពីការចូលរួមរបស់កីឡាករឆ្នើមៗនាពេលបច្ចុប្បន្ន ក៏មានការចូលពីសំណាក់កីឡាករកីឡាការិនីជើងចាស់ល្បីៗប្រចាំទស្សវត្សរ៍ ៦០, ៧០ និង៨០ ចូលរួមក្នុងកម្មវិធីបើកការប្រកួតនោះផងដែរ។ ក្នុងនោះមានលោក កែវ ថុន អតីតអ្នករត់ប្រណាំងដ៏ឆ្នើមប្រចាំទស្សវត្សរ៍១៩៦០, លោក លោក អៀត គឹមហេង អ្នកហែលទឹកដ៏ល្បីល្បាញនាទសវត្សរ៍៦០, លោក ប៉ែន ផាត អតីតកីឡាករបាល់ទាត់ឆ្នើមនៅមុនសង្គ្រាម លោក សោម សារ៉ន (ហៅម៉ាំង) ដែលជាកីឡាករបាល់ទាត់ដ៏ឆ្នើមក្នុងទសវត្សរ៍ឆ្នាំ៨០ និងលោក តូ រិទ្ធិយ៉ា អ្នករត់ចម្ងាយដ៏ល្បីនៅទសវត្សរ៍ឆ្នា៨០ និង៩០។
ក្នុងចំណោមកីឡាករជើងចាស់ទាំងនេះក៏មានការបែងចែកអ្នករត់ភ្លើងគប់ និងអ្នកកាន់ទង់ជាតិផងដែរ។ លើសពីនេះ លោក វ៉ាត់ ចំរើន នៅតែបន្តប្រកាសស្វែងរកកីឡាកីឡករកីឡាការិនីជើងចាស់ល្បីៗឲ្យចូលរួមបន្ថែមទៀតផង ហើយលោកបានបញ្ជាក់ថា ប្រសិនបើមានកីឡាករជើងចាស់ល្បីៗចង់ចូលរួមសូមមកទំនាក់ទំនងនៅទីស្នាក់ការ NOCC ដើម្បីលោកសម្រួលក្នុងការចូលរួម។
ថ្នាក់ដឹកនាំកីឡារូបនេះ ស្នើរឲ្យបងប្អូនប្រជាពលរដ្ឋ ព្រមទាំងសិស្ស និស្សិតទាំងអស់ចូលរួមក្នុងកម្មវិធីបើក និងបិទនៃការប្រកួតកីឡាជាតិលើកទី១ ជាពិសេសចូលរួមទស្សនាការប្រកួតតែម្តង។ គួរបញ្ជាក់ថា កម្មវិធីបើកការប្រកួតនឹងប្រព្រឹទ្ធទៅថ្ងៃទី២៨ ខែតុលា ចំណែកកម្មវិធីបិទនៅថ្ងៃទី៥ ខែវិច្ឆិកា៕
Tag:
កីឡាជាតិលើកទី១
វ៉ាត់ ចំរើន
ប្រាក់ មុន្នីឧត្តម
ចាន់ វឌ្ឍនាកា
ស៊ន សៀវម៉ី
© រក្សាសិទ្ធិដោយ thmeythmey.com
