ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
អត្ថបទពាណិជ្ជកម្ម
កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន ឆ្នាំ២០១៦ ប្រកាសក្រុមជើងឯកថ្នាក់ជាតិ នៃប្រទេសទាំង៥
29, Nov 2016 ,
3:56 pm
រូបភាព
×
ដោយ:
ជី ដាណា
ស៊ីអាយអិមប៊ី គ្រុប បានប្រកាសក្រុមជើងឯកថ្នាក់ជាតិទាំង៥ របស់កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន ឆ្នាំ២០១៦។ ក្រុមជើងឯកថ្នាក់ជាតិ ដែលមកពីប្រទេសចំនួន៥ ក្នុងតំបន់អាស៊ាន រួមមានប្រទេសកម្ពុជា ម៉ាឡេស៊ី សិង្ហបុរី ឥណ្ឌូនេស៊ី និងថៃ នឹងជួបប្រកួតគ្នា ក្នុងវគ្គផ្តាច់ព្រ័ត្រ នៅប្រទេសសិង្ហបុរី នាថ្ងៃទី០៩ ខែមករា ឆ្នាំ២០១៧ ដើម្បីដណ្តើមតំណែងជើងឯកថ្នាក់តំបន់ ដែលមានប្រាក់រង្វាន់សរុប ៣៨ ០០០ដុល្លារអាមេរិក។
ក្រុម The Visionary មកពីសាកលវិទ្យាល័យ AUPP ត្រូវបានជ្រើសរើសជាក្រុមជើងឯកថ្នាក់ជាតិ តំណាងឱ្យប្រទេសកម្ពុជា នៅក្នុងពិធីប្រគល់រង្វាន់ជ័យលាភីថ្នាក់ជាតិ នៅទីស្នាក់ការក្រុមហ៊ុនទីផ្សារមូលបត្រកម្ពុជា កាលពីថ្ងៃទី២២ ខែវិច្ឆិកា កន្លងទៅនេះ។ ក្រៅពីនេះ ជើងឯកថ្នាក់ជាតិ ៤ក្រុមផ្សេងទៀត គឺរួមមាន ក្រុម Raymond Stanley Investment Fund តំណាងប្រទេសម៉ាឡេស៊ី - ក្រុម Baktiinvesta តំណាងប្រទេសឥណ្ឌូនេស៊ី - ក្រុម Fujok តំណាងប្រទេសសិង្ហបុរី និងក្រុម GNL តំណាងប្រទេសថៃ។
តាមលក្ខខណ្ឌនៃការប្រឡង ក្រុមនីមួយៗនឹងទទួលបានប្រវត្តិទិន្នន័យនៃផ្សារភាគហ៊ុនទាំង៥ ដើម្បីវិភាគ និងជ្រើសរើសភាគហ៊ុនមួយ ដែលគិតថាអាចទទួលបានការចំណេញច្រើនបំផុត។ បន្ទាប់មក ក្រុមប្រឡងត្រូវធ្វើបទបង្ហាញអំពីយុទ្ធសាស្ត្ររបស់ខ្លួន មុនពេលគណៈកម្មការ សម្រេចជ្រើសរើសក្រុមជើងឯក។ ក្នុងវគ្គផ្តាច់ព្រ័ត្រ ក្រុមជើងឯកថ្នាក់តំបន់ នឹងបានធ្វើដំណើរកម្សាន្ត ទៅកាន់ផ្សារភាគហ៊ុនហុងកុង ជាមួយប្រាក់រង្វាន់ ១២ ០០០ដុល្លារអាមេរិក ហើយក្រុមជើងឯករងទទួលបាន ៨ ០០០ដុល្លារអាមេរិក ក្រុមលេខ៣ ទទួលបាន ៥ ០០០ដុល្លារអាមេរិក ក្រុមលេខ៤ ទទួលបាន ៣ ០០០ដុល្លារអាមេរិក និងក្រុមលេខ៥ ទទួលបាន ១ ៥០០ដុល្លារអាមេរិក។
ថ្លែងក្នុងពិធីប្រគល់រង្វាន់ជ័យលាភីថ្នាក់ជាតិ នាពេលកន្លងទៅនេះ លោកប៊ុន យីន ប្រធាននាយកប្រតិបត្តិ នៃធនាគារ CIMB បានឱ្យដឹងថា៖ «កម្មវិធីប្រកួតភាគហ៊ុនអាស៊ាន ដែលមានតែមួយនេះ ត្រូវបានរៀបចំឡើង សម្រាប់និស្សិតកំពុងសិក្សាថ្នាក់បរិញ្ញាបត្រទាំងអស់ ក្នុងគោលបំណងលើកកម្ពស់ការស្វែងយល់ពីផ្សារភាគហ៊ុន ដល់អ្នកវិនិយោគជំនាន់ក្រោយ ពីការបង្កើតឱកាសល្អៗក្នុងការស្វែងរកប្រាក់ចំណេញ ទាំងនៅក្នុងប្រទេសរបស់ខ្លួន ក៏ដូចជានៅក្នុងតំបន់ទាំងមូលផងដែរ»។ មិនតែប៉ុណ្ណោះ ក្រៅពីអបអរសាទរដល់ក្រុមជ័យលាភីកំពូលទាំង៣ និងក្រុមជើងឯកថ្នាក់ជាតិរបស់កម្ពុជា លោកប៊ុន យីន ក៏បានលើកទឹកចិត្តឱ្យនិស្សិតសាកលវិទ្យាល័យកម្ពុជា ចូលរួមកម្មវិធីប្រកួតថ្នាក់តំបន់នេះកាន់តែច្រើនថែមទៀត សម្រាប់ឆ្នាំបន្តបន្ទាប់ផងដែរ។
បើតាមប្រសាសន៍របស់លោកស្រី Dato’ Hamidah Naziadin អគ្គនាយិកាធនធានមនុស្ស របស់ស៊ីអាយអិមប៊ីគ្រុប បានបញ្ជាក់ថា ចំនួនក្រុមសរុបទាំង៥ប្រទេស ដែលបានចុះឈ្មោះក្នុងកម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន ឆ្នាំនេះ មានការកើនឡើងគួរឡើងចំនួន៤៣% បើធៀបនឹងឆ្នាំ២០១៥ ខណៈដែលចំនួនសាកលវិទ្យាល័យ បានកើនឡើង ១៨% ពីចំនួន ១១៨សាកលវិទ្យាល័យ ក្នុងឆ្នាំ២០១៥ ដល់ ២២២សាកលវិទ្យាល័យ ក្នុងឆ្នាំ២០១៦។ កម្រិតសន្ទុះចូលរួមគួរឱ្យកត់សម្គាល់ គឺជាការជំរុញលើកទឹកចិត្តយ៉ាងខ្លាំង ដល់ស៊ីអាយអិមប៊ី ក្នុងការលើកកម្ពស់ និងអភិវឌ្ឍទេពកោសល្យ ក្នុងចំណោមនិស្សិតសាកលវិទ្យាល័យ ក្នុងតំបន់អាស៊ាន។
មកដល់ពេលនេះ កម្មវិធីប្រកួតជួញដូរភាគហ៊ុនស៊ីអាយអិមប៊ី ប្រចាំតំបន់អាស៊ាន បានឈានមកដល់ឆ្នាំទី៧។ ហើយប្រទេសកម្ពុជាទើបតែបានចូលរួមកម្មវិធីប្រកួតថ្នាក់តំបន់នេះ ចំនួន២លើកប៉ុណ្ណោះ កាលពីឆ្នាំ២០១៤ និង២០១៥។ កម្មវិធីនេះមានការគាំទ្រយ៉ាងផុសផុលពីបណ្តាសាកលវិទ្យាល័យនានា និងមានការចូលរួមប្រកួតពីសំណាក់និស្សិតកើនឡើង ពីមួយឆ្នាំទៅមួយឆ្នាំ។ ជាងនេះទៅទៀត អ្វីគួរឱ្យកត់សម្គាល់នោះ គឺក្រុមជើងឯកតំណាងកម្ពុជា តែងតែបង្ហាញនូវភាពលេចធ្លោរបស់ខ្លួន ដោយដណ្តើមបានតំណែងជើងឯករងថ្នាក់តំបន់ ទាំង២ឆ្នាំជាប់គ្នាផងដែរ។
អំពីធនាគារ ស៊ីអាយអិមប៊ី ភីអិលស៊ី
ធនាគារ ស៊ីអាយអិមប៊ី ភីអិលស៊ី ជាផ្នែកមួយនៃស៊ីអាយអិមប៊ី គ្រុប ដែលបានចាប់ផ្តើមប្រតិបត្តិការ នៅថ្ងៃទី១៩ ខែវិច្ឆិការ ឆ្នាំ២០១០ ដោយបានបើកសាខាពាណិជ្ជទី១ នៅចំកណ្តាលរាជធានីភ្នំពេញ។ បច្ចុប្បន្ន ធនាគារមានសាខាចំនួន ១១កន្លែង នៅក្នុងខេត្តរាជធានីសំខាន់ៗទាំង៥ រួមមានរាជធានីភ្នំពេញ ខេត្តសៀមរាប ខេត្តព្រះសីហនុ ខេត្តកំពង់ចាម និងខេត្តបាត់ដំបង។ ជាមួយនឹងអតិថិជនសរុបប្រមាណ ១៩.០០០ នាក់ ធនាគារ ស៊ីអាយអិមប៊ី មានផ្តល់ជូនសេវាកម្ម និងផលិតផលធនាគារដ៏ទូលំទូលាយ រួមមានសេវាកម្មហិរញ្ញវត្ថុបុគ្គល សេវាកម្មធនាគារពាណិជ្ជ ព្រមទាំងសេវាកម្មសាជីវកម្ម និងប្រតិបត្តិការធនាគារផងដែរ។
ស៊ីអាយអិមប៊ី គ្រុប គឺជាស្ថាប័នហិរញ្ញវត្ថុដ៏ធំបំផុតទីពីររបស់ប្រទេសម៉ាឡេស៊ី និងជាធនាគារសាកលនាំមុខគេមួយក្នុងតំបន់អាស៊ាន។ ធនាគារនេះមានផ្តល់ជូនសេវាកម្មធនាគារពាណិជ្ជ ធនាគារវិនិយោគ ធនាគារឥស្លាម ក៏ដូចជាផលិតផល និងសេវាកម្មគ្រប់គ្រងទ្រព្យសកម្ម និងធានារ៉ាប់រង។ មានទីស្នាក់ការកណ្តាលនៅក្រុងគូឡាឡាំពួ បច្ចុប្បន្ននេះ ស៊ីអាយអិមប៊ី គ្រុប មានវត្តមាននៅប្រទេសចំនួន ៩ ក្នុងចំណោមប្រទេសទាំង១០ ក្នុងតំបន់អាស៊ាន (ប្រទេសម៉ាឡេស៊ី ឥណ្ឌូនេស៊ី សិង្ហបុរី ថៃ កម្ពុជា ប្រ៊ុយណេ វៀតណាម ភូមា និងឡាវ)។ ក្រៅពីតំបន់អាស៊ាន ស៊ីអាយអិមប៊ី គ្រុប ក៏មានវត្តមាននៅប្រទេសចិន ហុងកុង ឥណ្ឌា ស្រីលង្កា តៃវ៉ាន់ កូរ៉េ សហរដ្ឋអាមេរិក និងចក្រភពអង់គ្លេស។
ស៊ីអាយអិមប៊ី គ្រុប មានបណ្តាញសាខាធំជាងគេនៅក្នុងតំបន់អាស៊ាន ជាមួយសាខាជាង ១.០០០ កន្លែង គិតត្រឹមថ្ងៃទី៣១ ខែមិថុនា ឆ្នាំ២០១៦។ ធនាគារវិនិយោគរបស់ស៊ីអាយអិមប៊ី គ្រុប ក៏ស្ថិតក្នុងចំណោមធនាគារវិនិយោគធំជាងគេបំផុតក្នុងតំបន់អាស៊ីប៉ាស៊ីហ្វិក ដែលផ្តល់ការវិភាគទៅលើផ្សារភាគហ៊ុនរបស់ក្រុមហ៊ុនជាង ១.០០០ ក្រុមហ៊ុន នៅក្នុងតំបន់។
ស៊ីអាយអិមប៊ី គ្រុប ដំណើរការអាជីវកម្មតាមរយៈអង្គភាពចំបងបី គឺធនាគារ ស៊ីអាយអិមប៊ី (CIMB Bank) ធនាគារវិនិយោគ ស៊ីអាយអិមប៊ី (CIMB Investment Bank) និង ធនាគារ ស៊ីអាយអិមប៊ី ឥស្លាម (CIMB Islamic)។ ស៊ីអាយអិមប៊ី គ្រុប មានភាគហ៊ុន ៩៧,៩% នៅក្នុងធនាគារ ស៊ីអាយអិមប៊ី នៀហ្គា (Bank CIMB Niaga) នៅប្រទេសឥណ្ឌូនេស៊ី និង ៩៣,៧% នៅធនាគារ ស៊ីអាយអិមប៊ី ថៃ (CIMB Thai) នៅក្នុងប្រទេសថៃ។
ស៊ីអាយអិមប៊ី គ្រុប ត្រូវបានចុះបញ្ជីភាគហ៊ុននៅលើទីផ្សារមូលបត្រ ប៊ូរសា ម៉ាឡេស៊ី (Bursa Malaysia) តាមរយៈ ស៊ីអាយអិមប៊ី គ្រុប ហូលឌីង ប៊ឺហាដ (CIMB Group Holding Berhad)។ ស៊ីអាយអិមប៊ី គ្រុប មានមូលធនទីផ្សារ នៅលើទីផ្សារមូលបត្រ ប្រហែលជា ៣៨,១ ពាន់លាន រីងហ្គីតម៉ាឡេស៊ី គិតត្រឹមថ្ងៃទី ៣០ ខែមិថុនា ឆ្នាំ២០១៦។ ស៊ីអាយអិមប៊ី គ្រុប មានបុគ្គលិកសរុបជាង ៤០.០០០នាក់ នៅក្នុងប្រទេសចំនួន ១៦។
( អត្ថបទពាណិជ្ជកម្ម )
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
© រក្សាសិទ្ធិដោយ thmeythmey.com
អត្ថបទពេញនិយម
នាយទាហាន ៨រូប ត្រូវបានព្រះមហាក្សត្រដំឡើងឋានន្តរស័ក្តិផ្កាយ៤
6 ថ្ងៃ
«មជ្ឈការ»មានន័យខុសពី«វិមជ្ឈការ»ដូចម្តេច?
5 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
7 ថ្ងៃ
«ប្រេសិត»មានន័យដូចម្តេច?
6 ថ្ងៃ
គ្រឿងឥស្សរិយាភរណៈ គឺ «មេដាយ» មិនមែន «មេដៃ» ឡើយ
2 ថ្ងៃ
អត្ថបទពេញនិយមបន្ថែម