ជាតិ
សេដ្ឋកិច្ច
រដ្ឋប្រមូលចំណូលបានជាង៥៥លានដុល្លារពីការលក់បណ្ណចូលអង្គរក្នុងរយៈពេល១១ខែ
× សៀមរាប៖ ក្នុងរយៈពេល១១ខែ ឆ្នាំ២០១៦នេះ រាជរដ្ឋាភិបាលកម្ពុជាបានប្រមូលថវិកាបានជាង៥៥លានដុល្លារពីការលក់បណ្ណចូលទស្សនារមណីយដ្ឋានអង្គ។ នេះបើយោងតាមសេចក្តីប្រកាសព័ត៌មានរបស់គ្រឹះស្ថានអង្គរ ដែលចេញផ្សាយនៅថ្ងៃទី១ ធ្នូ ឆ្នាំ២០១៦។
របាយការណ៍របស់គ្រឹះស្ថានអង្គរបានបង្ហាញថា ក្នុងរយៈពេល១១ខែ ឆ្នាំ២០១៦នេះ មានភ្ញៀវទេសចរបរទេសចំនួន ១,៩៤៧,៧៧២នាក់ ដែលបានទិញបណ្ណចូលទស្សនារមណីយដ្ឋានអង្គរ។ ចំនួននេះគឺមានការកើនឡើង ៣.៧៥% បើធៀបនឹងរយៈពេលដូចគ្នាកាលពីឆ្នាំ២០១៥។ ដោយឡែកចំណូលពីការលក់សំបុត្រនេះបើគិតជាទឹកប្រាក់ គឺមានចំនួន ៥៥,៤២០,៩០០លានដុល្លារសហរដ្ឋអាមេរិក គឺកើនឡើងចំនួន៣.៤៨%។
សម្រាប់ក្នុងខែវិច្ឆកា ក្នុងខែនេះមានភ្ញៀវទេសចរចូលទិញបណ្ណទស្សនារមណីយដ្ឋានអង្គរ មានចំនួន ២១៩,០៥២នាក់កើនឡើង ៩.៤៨% ហើយគិតជាទឹកប្រាក់ស្មើនឹង ៦,៣២៨,៣៤០ដុល្លារ កើនឡើង ៧.៧១%។ នេះបើយោងតាមរបាយការណ៍ខាងដើម៕
Tag:
ចំណូលអង្គរ
គ្រឹះស្ថានអង្គរ
© រក្សាសិទ្ធិដោយ thmeythmey.com