ជាតិ
សេដ្ឋកិច្ច
កម្ពុជានឹងធ្វើជាប្រធានសម្របសម្រួលក្រុមប្រទេសអភិវឌ្ឍន៍តិចតួច ចាប់ពីខែកុម្ភៈ
×![]()
ភ្នំពេញ៖ កម្ពុជានឹងធ្វើជាប្រធានសម្របសម្រួលក្រុមប្រទេសអភិវឌ្ឍន៍តិចតួចក្រោមក្របខ័ណ្ឌអង្គការពាណិជ្ជកម្មពិភពលោក សម្រាប់អាណត្តិមួយឆ្នាំ គឺចាប់ពីខែកុម្ភៈឆ្នាំ២០១៧ ដល់ខែកុម្ភៈឆ្នាំ២០១៨។ សម្តេចនាយករដ្ឋមន្ត្រី ហ៊ុន សែន បានសាទរចំពោះព័ត៌មានល្អនេះ ហើយលោកជឿជាក់ថា កម្ពុជានឹងទាញបានប្រយោជន៍ច្រើនពីតួនាទីជាអន្តរជាតិមួយនេះ។
កម្ពុជាត្រូវបានជ្រើសរើសឲ្យធ្វើជាប្រធានសម្របសម្រួលក្រុមប្រទេសអភិវឌ្ឍន៍តិចតួចក្នុងក្របខណ្ឌអង្គការពាណិជ្ជកម្មពិភពលោកចាប់ពីខែកុម្ភៈខាងមុខនេះ ដល់ខែកុម្ភៈឆ្នាំ២០១៨។ ដំណឹងនេះត្រូវបានបញ្ជាក់ឲ្យដឹងដោយសម្តេចនាយករដ្ឋមន្ត្រី ហ៊ុន សែន ដែលបានធ្វើសារលិខិតជាសាធារណៈប្រាប់ប្រជាពលរដ្ឋនាថ្ងៃទី៣ខែមករា។ ក្រសួងពាណិជ្ជកម្មនឹងរៀបចំសន្និសីតកាសែតមួយនៅថ្ងៃទី៦មករា ក្នុងសប្តាហ៍នេះ ដើម្បីបង្ហាញព័ត៌មានលំអិតស្តីអំពីលទ្ធផលនេះ។
នៅក្នុងសារលិខិតជូនដំណឹងដល់សាធារណជន ប្រមុខរដ្ឋាភិបាលកម្ពុជាបានបង្ហាញក្តីរំភើប និងមោទនៈខ្លាំង ចំពោះតួនាទីជាអន្តរជាតិរបស់កម្ពុជាមួយនេះ។ សម្រាប់លោកនាយករដ្ឋមន្ត្រី កម្ពុជានឹងទាញប្រយោជន៍បានច្រើនពីតួនាទីនេះ។
សម្តេច ហ៊ុន សែន បានសរសេរនៅក្នុងសារលិខិតយ៉ាងដូច្នេះថា៖«ប្រសិនជាកម្ពុជាបានសម្របសម្រួលឲ្យការចរចាក្នុងសន្និសីទថ្នាក់រដ្ឋមន្ត្រីលើកទី១១ របស់អង្គការពាណិជ្ជកម្មពិភពលោក ទទួលបានជោគជ័យ ដែលនឹងធ្វើឲ្យសេដ្ឋកិច្ចពិភពលោកមានស្ថេរភាព ការទទួលយកតួនាទីស្នូលនេះ នឹងជួយលើកតម្កើងកិត្តិស័ព្ទ និងកិត្យានុភាពរបស់កម្ពុជាថែមទៀតលើឆាកអន្តរជាតិ»។ សម្តេច ហ៊ុន សែន បន្តថា៖« ក្នុងអំឡុងពេលបំពេញតួនាទីនេះ កម្ពុជាអាចសហការជាមយយប្រទេសអភិវឌ្ឍតិចតួចដទៃទៀត ដើម្បីទាញយកប្រយោជន៍ពីការចរចាលើគោលនយោបាយពាណិជ្ជកម្ម អន្តរជាតិ សម្រាប់ជាឧត្តមប្រយោជន៍ដល់កម្ពុជា ក្នុងវិស័យពាណិជ្ជកម្ម កសិកម្ម ទំនិញនាំចេញ សេវាកម្ម កម្មសិទ្ធិបញ្ញា និងការបណ្តុះបណ្តាលធនធានមនុស្ស ដែលជាបច្ច័យល្អសម្រាប់ការបង្កើតការងារថ្មីៗបន្ថែមទៀតដល់ប្រជាជនកម្ពុជា»។
បើតាមប្រសាសន៍របស់ប្រមុខរដ្ឋាភិបាលកម្ពុជា ក្នុងតួនាទីជាប្រធានសម្របសម្រួលក្រុមប្រទេសអភិវឌ្ឍន៍តិចតួច កម្ពុជានឹងធ្វើការ ប្រទេសអភិវឌ្ឍន៍តិចតួច (LDC)ដែលជាសមាជិកអង្គការពាណិជ្ជកម្មពិភពលោក (WTO)ទាំង ៣៦ និងប្រទេសសមាជិកសង្កេតការណ៍ចំនួន ៨ ផ្សេងទៀត ក្នុងចំណោមប្រទេសLDC ទាំងអស់ ៤៨ដើម្បីជំរុញឲ្យការចរចាផ្នែកពាណិជ្ជកម្ម អាចសម្រេចបានជោគជ័យនៅក្នុងសន្និសីទថ្នាក់រដ្ឋមន្ត្រីលើកទី១១ ដែលនឹងប្រព្រឹត្តិទៅថ្ងៃទី១១ ដល់ថ្ងៃទី១៤ធ្នូឆ្នាំ២០១៧ នៅទីក្រុង Buenos Aires ប្រទេសអាហ្សង់ទីន៕
កម្ពុជាត្រូវបានជ្រើសរើសឲ្យធ្វើជាប្រធានសម្របសម្រួលក្រុមប្រទេសអភិវឌ្ឍន៍តិចតួចក្នុងក្របខណ្ឌអង្គការពាណិជ្ជកម្មពិភពលោកចាប់ពីខែកុម្ភៈខាងមុខនេះ ដល់ខែកុម្ភៈឆ្នាំ២០១៨។ ដំណឹងនេះត្រូវបានបញ្ជាក់ឲ្យដឹងដោយសម្តេចនាយករដ្ឋមន្ត្រី ហ៊ុន សែន ដែលបានធ្វើសារលិខិតជាសាធារណៈប្រាប់ប្រជាពលរដ្ឋនាថ្ងៃទី៣ខែមករា។ ក្រសួងពាណិជ្ជកម្មនឹងរៀបចំសន្និសីតកាសែតមួយនៅថ្ងៃទី៦មករា ក្នុងសប្តាហ៍នេះ ដើម្បីបង្ហាញព័ត៌មានលំអិតស្តីអំពីលទ្ធផលនេះ។
នៅក្នុងសារលិខិតជូនដំណឹងដល់សាធារណជន ប្រមុខរដ្ឋាភិបាលកម្ពុជាបានបង្ហាញក្តីរំភើប និងមោទនៈខ្លាំង ចំពោះតួនាទីជាអន្តរជាតិរបស់កម្ពុជាមួយនេះ។ សម្រាប់លោកនាយករដ្ឋមន្ត្រី កម្ពុជានឹងទាញប្រយោជន៍បានច្រើនពីតួនាទីនេះ។
សម្តេច ហ៊ុន សែន បានសរសេរនៅក្នុងសារលិខិតយ៉ាងដូច្នេះថា៖«ប្រសិនជាកម្ពុជាបានសម្របសម្រួលឲ្យការចរចាក្នុងសន្និសីទថ្នាក់រដ្ឋមន្ត្រីលើកទី១១ របស់អង្គការពាណិជ្ជកម្មពិភពលោក ទទួលបានជោគជ័យ ដែលនឹងធ្វើឲ្យសេដ្ឋកិច្ចពិភពលោកមានស្ថេរភាព ការទទួលយកតួនាទីស្នូលនេះ នឹងជួយលើកតម្កើងកិត្តិស័ព្ទ និងកិត្យានុភាពរបស់កម្ពុជាថែមទៀតលើឆាកអន្តរជាតិ»។ សម្តេច ហ៊ុន សែន បន្តថា៖« ក្នុងអំឡុងពេលបំពេញតួនាទីនេះ កម្ពុជាអាចសហការជាមយយប្រទេសអភិវឌ្ឍតិចតួចដទៃទៀត ដើម្បីទាញយកប្រយោជន៍ពីការចរចាលើគោលនយោបាយពាណិជ្ជកម្ម អន្តរជាតិ សម្រាប់ជាឧត្តមប្រយោជន៍ដល់កម្ពុជា ក្នុងវិស័យពាណិជ្ជកម្ម កសិកម្ម ទំនិញនាំចេញ សេវាកម្ម កម្មសិទ្ធិបញ្ញា និងការបណ្តុះបណ្តាលធនធានមនុស្ស ដែលជាបច្ច័យល្អសម្រាប់ការបង្កើតការងារថ្មីៗបន្ថែមទៀតដល់ប្រជាជនកម្ពុជា»។
បើតាមប្រសាសន៍របស់ប្រមុខរដ្ឋាភិបាលកម្ពុជា ក្នុងតួនាទីជាប្រធានសម្របសម្រួលក្រុមប្រទេសអភិវឌ្ឍន៍តិចតួច កម្ពុជានឹងធ្វើការ ប្រទេសអភិវឌ្ឍន៍តិចតួច (LDC)ដែលជាសមាជិកអង្គការពាណិជ្ជកម្មពិភពលោក (WTO)ទាំង ៣៦ និងប្រទេសសមាជិកសង្កេតការណ៍ចំនួន ៨ ផ្សេងទៀត ក្នុងចំណោមប្រទេសLDC ទាំងអស់ ៤៨ដើម្បីជំរុញឲ្យការចរចាផ្នែកពាណិជ្ជកម្ម អាចសម្រេចបានជោគជ័យនៅក្នុងសន្និសីទថ្នាក់រដ្ឋមន្ត្រីលើកទី១១ ដែលនឹងប្រព្រឹត្តិទៅថ្ងៃទី១១ ដល់ថ្ងៃទី១៤ធ្នូឆ្នាំ២០១៧ នៅទីក្រុង Buenos Aires ប្រទេសអាហ្សង់ទីន៕
Tag:
ហ៊ុន សែន
WTO
LDC
© រក្សាសិទ្ធិដោយ thmeythmey.com
