ពីនេះ ពីនោះ
×![]()
ឥឡូវនេះ នៅពេលជួបក្រុមអ្នកកាសែតម្តងៗ ពួកគេច្រើនជជែកពីនេះពីនោះមិនចេះចប់។ ក្នុងចំណោមប្រធានបទដែលគេនិយមចូលចិត្តលើកម្និយាយពេលនេះគឺ ពួកគេតែងនាំគ្នារអ៊ូរទាំថា មន្ត្រីបក្សប្រឆាំងខ្លះចាប់ផ្តើមពើងទ្រូង ដំឡើងឬកដាក់អ្នកកាសែតហើយ ជាពិសេសចាប់តាំងពីគណបក្សសង្គ្រោះជាតិបានទទួល ៥៥ កៅអីមក។
កាលពីមុន ក្រុមអ្នកកាសែតតែងកោតសរសើរមន្ត្រីបក្សប្រឆាំងថាស្រួលទំនាក់ទំនងសួរព័ត៌មានណាស់ពោលគឺពួកគេចាំតែឆ្លើយប្រាប់អ្នកកាសែតគ្រប់រឿងដែលពួកគេចង់ដឹង។ ស្រាប់តែឥឡូវ មានមន្ត្រីបក្សប្រឆាំងខ្លះក៏ចាប់ផ្តើមរៀនធ្វើឬកធំដែរហើយ។ ពួកគេមិនសូវលើកទូរស័ព្ទ ឬក៏ពេលខ្លះលើកហើយក៏ផ្តើមពាក្យសម្តីបែបម៉ាបាវ។ ស្រួលមិនស្រួលឆ្លើយឌឺដាក់អ្នកកាសែតទៀត ឬពេលខ្លះនិយាយចុងមាត់ចុងកដូចជាមិនចង់និយាយក៏មាន។
មកដល់ចំណុចនេះ ធ្វើឲ្យខ្ញុំនឹកឃើញដល់ពាក្យចាស់បូរាណមួយថា សត្វក្រៀល ដៀលសត្វក្រួច មាត់ក្រហួចដូចតែគ្នា។ ពាក្យនេះ ចាស់បូរាណលោកចង់ប្រាប់ថា ធម្មជាតិសត្វទាំងពីរនេះដូចតែគ្នាទេ តែវាចូលចិត្តដៀលគ្នាទៅវិញទៅមក។ យ៉ាងណាមិញ ខ្ញុំក៏ធ្លាប់លឺពាក្យគេនិយាយក្នុងឆាកនយោបាយជាហូរហែដែរថា អ្នកណាក៏ដូចជាអ្នកណាដែរ ឲ្យតែបានអំណាចក្នុងដៃ តាំងចាប់ផ្តើមពើងទ្រូងដំឡើងឬកហើយ។
ពាក្យនេះប្រហែលជាពិតហើយមើលទៅពីព្រោះមន្ត្រីបក្សប្រឆាំងមួយចំនួននោះ ដែលកាលពីមុនចូលចិត្តរិះគន់មន្ត្រីរដ្ឋាភិបាល តែឥឡូវ ពួកគេក៏ធ្វើឬកដូចមន្ត្រីរដ្ឋាភិបាលមួយចំនួននោះដែរ។ ផ្ទុយទៅវិញ មានមន្ត្រីរដ្ឋាភិបាលច្រើនណាស់ដែលអ្នកកាសែតទាក់ទងបានដោយស្រួល និងកាន់តែស្រួលជាងមុន លើកលែងតែមន្ត្រីមួយក្តាប់តូចដែលនៅតែប្រកាន់ឬកថីមើលងាយអ្នកកាសែត។ ប៉ុន្តែ អ្នកទាំងនោះប្រហែលជាជាប់កំអែលកុំម្មុយនិស្តក្រាស់ឃ្មឹកពេកទើបមិនដឹងថា សម័យនេះគេឈានដល់ណាទៅហើយ។
ឥឡូវស្រាប់តែដល់វេនមន្ត្រីបក្សប្រឆាំងមួយចំនួនឆ្លងជំងឺនេះដែរ។ ក្រុមអ្នកកាសែតអះអាងថា ពួកគេឈប់ទូរសព្ទ័ទាក់ទងមន្ត្រីបក្សប្រឆាំងប្រកាន់ឬកនោះទៀតហើយ។ សុខចិត្តទូរស័ព្ទអ្នកផ្សេងដែលគេមិនដំឡើងឬក ហើយនៅតែនិយាយស្រួលជាមួយអ្នកកាសែត។ នេះមិនទាន់ទាំងបានអំណាចផង ចុះទម្រាំបានអំណាចពេញដៃ តើមន្ត្រីទាំងនោះនឹងបូសក្លៀកប៉ុណ្ណាទៅហ្ន? ប្រហែលជាលែងនិយាយរកអ្នកកាសែតសោះហើយមើលទៅ ... ? មិនយល់?
កាលពីមុន ក្រុមអ្នកកាសែតតែងកោតសរសើរមន្ត្រីបក្សប្រឆាំងថាស្រួលទំនាក់ទំនងសួរព័ត៌មានណាស់ពោលគឺពួកគេចាំតែឆ្លើយប្រាប់អ្នកកាសែតគ្រប់រឿងដែលពួកគេចង់ដឹង។ ស្រាប់តែឥឡូវ មានមន្ត្រីបក្សប្រឆាំងខ្លះក៏ចាប់ផ្តើមរៀនធ្វើឬកធំដែរហើយ។ ពួកគេមិនសូវលើកទូរស័ព្ទ ឬក៏ពេលខ្លះលើកហើយក៏ផ្តើមពាក្យសម្តីបែបម៉ាបាវ។ ស្រួលមិនស្រួលឆ្លើយឌឺដាក់អ្នកកាសែតទៀត ឬពេលខ្លះនិយាយចុងមាត់ចុងកដូចជាមិនចង់និយាយក៏មាន។
មកដល់ចំណុចនេះ ធ្វើឲ្យខ្ញុំនឹកឃើញដល់ពាក្យចាស់បូរាណមួយថា សត្វក្រៀល ដៀលសត្វក្រួច មាត់ក្រហួចដូចតែគ្នា។ ពាក្យនេះ ចាស់បូរាណលោកចង់ប្រាប់ថា ធម្មជាតិសត្វទាំងពីរនេះដូចតែគ្នាទេ តែវាចូលចិត្តដៀលគ្នាទៅវិញទៅមក។ យ៉ាងណាមិញ ខ្ញុំក៏ធ្លាប់លឺពាក្យគេនិយាយក្នុងឆាកនយោបាយជាហូរហែដែរថា អ្នកណាក៏ដូចជាអ្នកណាដែរ ឲ្យតែបានអំណាចក្នុងដៃ តាំងចាប់ផ្តើមពើងទ្រូងដំឡើងឬកហើយ។
ពាក្យនេះប្រហែលជាពិតហើយមើលទៅពីព្រោះមន្ត្រីបក្សប្រឆាំងមួយចំនួននោះ ដែលកាលពីមុនចូលចិត្តរិះគន់មន្ត្រីរដ្ឋាភិបាល តែឥឡូវ ពួកគេក៏ធ្វើឬកដូចមន្ត្រីរដ្ឋាភិបាលមួយចំនួននោះដែរ។ ផ្ទុយទៅវិញ មានមន្ត្រីរដ្ឋាភិបាលច្រើនណាស់ដែលអ្នកកាសែតទាក់ទងបានដោយស្រួល និងកាន់តែស្រួលជាងមុន លើកលែងតែមន្ត្រីមួយក្តាប់តូចដែលនៅតែប្រកាន់ឬកថីមើលងាយអ្នកកាសែត។ ប៉ុន្តែ អ្នកទាំងនោះប្រហែលជាជាប់កំអែលកុំម្មុយនិស្តក្រាស់ឃ្មឹកពេកទើបមិនដឹងថា សម័យនេះគេឈានដល់ណាទៅហើយ។
ឥឡូវស្រាប់តែដល់វេនមន្ត្រីបក្សប្រឆាំងមួយចំនួនឆ្លងជំងឺនេះដែរ។ ក្រុមអ្នកកាសែតអះអាងថា ពួកគេឈប់ទូរសព្ទ័ទាក់ទងមន្ត្រីបក្សប្រឆាំងប្រកាន់ឬកនោះទៀតហើយ។ សុខចិត្តទូរស័ព្ទអ្នកផ្សេងដែលគេមិនដំឡើងឬក ហើយនៅតែនិយាយស្រួលជាមួយអ្នកកាសែត។ នេះមិនទាន់ទាំងបានអំណាចផង ចុះទម្រាំបានអំណាចពេញដៃ តើមន្ត្រីទាំងនោះនឹងបូសក្លៀកប៉ុណ្ណាទៅហ្ន? ប្រហែលជាលែងនិយាយរកអ្នកកាសែតសោះហើយមើលទៅ ... ? មិនយល់?
© រក្សាសិទ្ធិដោយ thmeythmey.com
