COVID-19
ជាតិ
សង្គមជាតិ
ពលករខ្មែរមកពីថៃ២នាក់ទៀត បានជាសះស្បើយពីជំងឺកូវីដ-១៩ មណ្ឌលចត្តាឡីស័កមួយកន្លែង នៅខេត្តបន្ទាយមានជ័យ (រូបពីរដ្ឋបាលខេត្តបន្ទាយមានជ័យ)
× ភ្នំពេញ៖ ក្រសួងសុខាភិបាល នៅថ្ងៃទី៨ ខែកុម្ភៈ បានប្រកាសថា ពលករខ្មែរជាស្ត្រី២នាក់ទៀត ដែលមកពីថៃ បានជាសះស្បើយពីជំងឺកូវីដ-១៩។
ក្រសួងសុខាភិបាល បានបញ្ជាក់ថា ពលករខ្មែរជាស្ត្រីទាំង២នាក់នោះ គឺម្នាក់ អាយុ២៦ឆ្នាំ ស្នាក់នៅក្នុងភូមិបន្ទាយមានជ័យ ឃុំគោករមៀត ស្រុកថ្មពួក ខេត្តបន្ទាយមានជ័យ បានត្រឡប់មកកម្ពុជា នៅថ្ងៃទី១៧ ខែមករា ហើយម្នាក់ទៀត មានអាយុ៤០ឆ្នាំ ស្នាក់នៅក្នុងភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានមកកម្ពុជានៅថ្ងៃទី៦ ខែមករា។ បច្ចុប្បន្នពួកគេទាំង២នាក់ត្រូវបានអនុញ្ញាតឲ្យចាកចេញពីមន្ទីរពេទ្យបង្អែកខេត្តបន្ទាយជ័យហើយ ក្រោយពីបានធ្វើតេស្តឃើញថាអវិជ្ជមានចំនួន២លើក។
គិតត្រឹមថ្ងៃទី៨ ខែកុម្ភៈនេះ កម្ពុជា រកឃើញអ្នកឆ្លងជំងឺកូវីដ-១៩ ៤៧៤ករណី ដោយ៤៥៦ បានជាសះស្បើយវិញ ខណៈ១៨នាក់ទៀត កំពុងសម្រាកព្យាបាល៕
© រក្សាសិទ្ធិដោយ thmeythmey.com