COVID-19
អន្តរជាតិ
×![]()
ដោយ: សារព័ត៌មានថ្មីៗ
តួលេខអ្នកឆ្លងកូវីដ-១៩ លើពិភពលោក ឡើងដល់ជាង១០៧លាននាក់ហើយ ដោយគិតត្រឹមថ្ងៃទី៩ ខែកុម្ភៈ នេះ ដែលក្នុងនោះមានស្លាប់ជាង២,៣៣លាននាក់ និងសះស្បើយជិត៧៩លាននាក់។ ហូឡង់ជាប្រទេសទី២១ ដែលមានករណីឆ្លងលើសពី១លាន។
ក្នុងចំណោមអ្នកឆ្លងជាង១០៧លាននាក់ សហរដ្ឋអាមេរិកមានជាង២៧,៧លាន ឥណ្ឌាជាង១០,៨៤លាន ប្រេស៊ីលជាង៩,៥៥លាន រុស្ស៊ីជាង៣,៩៨លាន ចក្រភពអង់គ្លេសជាង៣,៩៥លាន និងបារាំងជាង៣,៣៤លាន។
អេស្ប៉ាញស្ថិតនៅចំណាត់ថ្នាក់ទី៧ ដោយមានជាង២,៩៨លាន បន្ទាប់មកអ៊ីតាលីជាង២,៦៤លាន តួកគីជាង២,៥៣លាន អាល្លឺម៉ង់ជាង២,២៩លាន និងកូឡុំប៊ីជាង២,១៦លាន។
អាហ្សង់ទីនស្ថិតនៅចំណាត់ថ្នាក់លេខ១២ ដោយមានជាង១,៩៨លាន បន្ទាប់មក ម៉ិកស៊ិកជាង១,៩៣លាន ប៉ូឡូញ១,៥៥លាន អាហ្វ្រិកខាងត្បូង១,៤៧លាន អ៊ីរ៉ង់១,៤៧លាន អ៊ុយក្រែនជាង១,២៤លាន ប៉េរូជាង១,១៩លាន ឥណ្ឌូណេស៊ីជាង១,១៦លាន ឆេកជាង១,០៣លាន និងហូឡង់ជាង១លាន។
កាដាណា មានជាង៨០ម៉ឺនករណី ព័រទុយហ្គាល់ ស៊ីលី រូម៉ានី បែលហ្ស៊ិក មានជាង៧០ម៉ឺនករណី អ៊ីស្រាអែល និងជាអ៊ីរ៉ាក់ជាង៦០ម៉ឺនករណី ខណៈស៊ុយអែត ប៉ាគីស្ថាន ហ្វីលីពីន បង់ក្លាដែស និងស្វីស សុទ្ធតែមានជាងកន្លះលានករណីដូចៗគ្នា។
ក្នុងចំណោមអ្នកស្លាប់ជាង២,៣៣លាននាក់ សហរដ្ឋអាមេរិកមានជា៤៧ម៉ឺននាក់ ប្រេស៊ីលជាង២៣ម៉ឺននាក់ ម៉ិកស៊ិកជាង១៦ម៉ឺននាក់ ឥណ្ឌាជាង១៥ម៉ឺននាក់ ចក្រភពអង់គ្លេសជាង១១ម៉ឺននាក់ អ៊ីតាលីជាង៩ម៉ឺននាក់ បារាំងជិត៨ម៉ឺននាក់ និងរុស្ស៊ីជាង៧,៧ម៉ឺននាក់។
ប្រទេសផ្សេងទៀតដែលមានករណីស្លាប់ពីជាង៦ម៉ឺននាក់ ចុះទៅជាង១ម៉ឺននាក់ មានអាល្លឺម៉ង់ អេស្ប៉ញ អ៊ីរ៉ង់ កូឡុំប៊ី អាហ្សង់ទីន អាហ្វ្រិកខាងត្បូង ប៉េរូ ប៉ូឡូញ ឥណ្ឌូណេស៊ី តួកគី អ៊ុយក្រែន បែលហ្ស៊ិក កាណាដា ស៊ីលី រូម៉ានី ឆេក អេក្វាឌ័រ ហូឡង់ ព័រទុយហ្គាល់ ហុងគ្រី អ៊ីរ៉ាក់ ស៊ុយអែត ប៉ាគីស្ថាន ហ្វីលីពីន និងបូលីវី៕
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
1 សប្តាហ៍
