COVID-19
ជាតិ
រយៈពេល៥ថ្ងៃ អ្នកចាក់វ៉ាក់សាំងបង្ការជំងឺកូវីដ១៩នៅសៀមរាបមានជាង២ពាន់នាក់
×![]()
ដោយ: សារព័ត៌មានថ្មីៗ
សៀមរាប៖ គិតចាប់ពីថ្ងៃទី១ ដល់ថ្ងៃទី៥ ខែមីនា ក្នុងយុទ្ធនាការចាក់វ៉ាក់សាំងជំងឺកូវីដ១៩នៅខេត្តសៀមរាប គឺមានមនុស្សប្រមាណជាង២ពាន់នាក់ហើយ ដែលមកទទួលការចាក់វ៉ាក់សាំងនេះ។ ការចាក់នេះ គឺធ្វើឡើងលើមន្ត្រីរាជការស៊ីវិល និងកងកម្លាំងនគរបាល។
យោងតាមរបាយការណ៍របស់មន្ទីរសុខាភិបាលខេត្តសៀមរាបដែលអ្នកសារព័ត៌មានទទួលបាន ត្រឹមថ្ងៃទី៤ ខែមីនា មានមនុស្សចំនួន ២,២១៨នាក់ បានមកចាក់វ៉ាក់សាំងបង្ការជំងឺកូវីដ១៩ ក្នុងចំណោមអ្នកចុះឈ្មោះចំនួន ២,៥៩១ នាក់។ របាយការណ៍ដដែលបង្ហាញថា អ្នកដែលមិនបានចាក់វ៉ាក់សាំងប្រភេទ ស៊ីណូវ៉ាម ជាងជាង៣០០នាក់ទៀត មានបញ្ហាសុខភាពមិនប្រក្រតី ដូចជាសម្ពាធឈាមលើស អាឡែកស៊ី ស្ដ្រីមានផ្ទៃពោះ ស្ដ្រីបំបៅដោះកូន សសៃប្រសាទ ជំងឺផ្ដាសសាយ HIV និងរោគថ្លើមជាដើម។
គួរបញ្ជាក់ថា មន្ទីរសុខាភិបាលខេត្តសៀមរាប បានកំណត់យកទីតាំងចំនួន៥ សម្រាប់ចាក់វ៉ាក់សាំងបង្ហារជំងឺកូវីដ១៩ ដល់មន្ត្រីរាជការស៊ីវិល និងកងកម្លាំង ដែលក្នុងនោះមាននៅមន្ទីរពេទ្យបង្អែកខេត្តសៀមរាប មន្ទីរពេទ្យបង្អែកស្រុកក្រឡាញ់ មន្ទីរពេទ្យបង្អែកស្រុកពួក មន្ទីរពេទ្យបង្អែកអង្គរជុំ និងមន្ទីរពេទ្យបង្អែកស្រុកសូទ្រនិគម៕
Tag:
វ៉ាក់សាំងកូវីដ១៩
© រក្សាសិទ្ធិដោយ thmeythmey.com
