ជាតិ
សង្គមជាតិ
ពលរដ្ឋជាង១០០គ្រួសារទៀតដែលរស់នៅលើចំណីផ្លូវក្នុងក្រុងសៀមរាបទទួលបានដំណោះស្រាយ
រូបភាព៖ រដ្ឋបាលខេត្តសៀមរាប
×![]()
សៀមរាប៖ ប្រជាពលរដ្ឋចំនួន ១១៥គ្រួសារបន្ថែមទៀត ដែលរស់នៅលើដីចំណីផ្លូវសាធារណ និងប៉ះពាល់ក្នុងគម្រោងអភិវឌ្ឍន៍ហេដ្ឋារចនាសម្ព័ន្ធផ្លូវ ៣៨ខ្សែ បានទទួលយកដំណោះស្រាយទៅរស់នៅតំបន់ថ្មី តាមការរៀបចំរបស់អាជ្ញាធរខេត្តសៀមរាប។
ប្រជាពលរដ្ឋទាំង១១៥គ្រួសារ ដែលរស់នៅមិនមានរបៀបរៀបរយ និងរស់នៅលើដីចំណីផ្លូវសាធារណទាំងនោះ មកពីសង្កាត់គោកចកចំនួន ៩១គ្រួសារ សង្កាត់ស្លក្រាម ១៥គ្រួសារ និងសង្កាត់ស្វាយដង្គំ ៩គ្រួសារ។ នេះជាចំនួនគ្រួសារថ្មី បន្ថែមពីគ្រួសារជាង៤០០ ដែលរស់នៅតាមបណ្ដោយស្ទឹងសៀមរាប ដែលត្រូវបានទទួលយកដំណោះស្រាយទៅរស់នៅតំបន់អភិវឌ្ឍន៍ថ្មី តាមការរៀបចំរបស់អាជ្ញាធរ។ ពលរដ្ឋទាំងនោះ ត្រូវបានរៀបចំឱ្យទៅរស់នៅភូមិធម្មជាតិរុនតាឯក ក្នុងស្រុកបន្ទាយស្រី ដែលមានចម្ងាយប្រមាណ៣០គីឡួម៉ែត្រពីក្រុងសៀមរាប។
ក្នុងពិធីចាប់ឆ្នោតទទួលយកក្បាលដីឡូតិ៍ថ្មី ប្រជាពលរដ្ឋមួយរូបអ្នកស្រី ឈុន អេង មានស្រុកកំណើតនៅខេត្តកំពង់ធំ និងបានមករស់នៅខេត្តសៀមរាបអំឡុងឆ្នាំ២០០៣ រៀបរាប់ថា គ្រួសារអ្នកស្រីស្ម័គ្រចិត្តទទួលយកនូវគោលនយោបាយខាងលើនេះ ហើយអ្នកស្រីនឹងក្លាយជាម្ចាស់កម្មសិទ្ធិស្របច្បាប់។
គួរបញ្ជាក់ថា ប្រជាពលរដ្ឋខាងលើនឹងទទួលបានដីទំហំ ២០គុណនឹង៣០ រួមជាមួយនឹងការរៀបចំហេដ្ឋារចនាសម្ព័ន្ធមួយចំនួន ដូចជាផ្លូវថ្នល់ ភ្លើង អណ្ដូងទឹក និងបង្គន់អនាម័យ។ល។ នៅចុងខែធ្នូ ឆ្នាំ២០២០ កន្លង ពលរដ្ឋជាង៤០០គ្រួសារ ដែលរស់នៅតាមដីចំណីស្ទឹងសៀមរាប ក៏ទទួលបានដំណោះស្រាយតាមគោលនយោបាយខាងលើនេះដែរ៕
Tag:
គម្រោងអភិវឌ្ឍន៍ផ្លូវ៣៨ខ្សែ
ហេដ្ឋារចនាសម្ព័ន្ធ
© រក្សាសិទ្ធិដោយ thmeythmey.com
