កីឡាជាតិ
ជាតិ
ខេមបូឌានលីគ៖ ជើងឯកបឹងកេតស្វាគមន៍ណាហ្គា គីរីវង់ទទួលអាស៊ីអឺរ៉ុប មុនវិសាខាប៉ះទ័ព
ទេស_សម្បត្តិ_និង_ចាន់_វឌ្ឍនាកា_នៃក្រុមបឹងកេត_គួច_សុកុម្ភៈ_នៃក្រុមណាហ្គាវើលដ៍
×![]()
ដោយ: សារព័ត៌មានថ្មីៗ
សប្តាហ៍ទីមួយនៃពានរង្វាន់កីឡាបាល់ទាត់មិត្តហ្វូនខេមបូឌានលីគ២០២១ បន្តដោយជំនួបបីគូទៀតនៅថ្ងៃអាទិត្យនេះ ដោយម្ចាស់ការពារតំណែងជើងឯកបឹងកេតស្វាគមន៍ណាហ្គាវើលដ៍ គិរីវង់សុខសែនជ័យទទួលអាស៊ីអឺរ៉ុបយូណាយធីត មុនវិសាខាតទល់ជាមួយកងយោធពលខេមរភូមិន្ទ។
នាវេលាម៉ោង៣ និង៣០នាទី បឹងកេតដែលជាម្ចាស់ការពារតំណែងជើងឯក បើកកីឡដ្ឋានខេមបូឌាអ៊ែវ៉េ ទទួលណាហ្គាវើលដ៍ ដែលជាប់ចំណាត់ថ្នាក់លេខ៦កាលពីរដូវកាលមុន។ ក្រុមទាំងមានប្រវត្តិស្មើគ្នា ១-១ រហូតដល់ទៅ៣លើកជាប់គ្នាសម្រាប់ការប្រកួតក្នុងក្របខណ្ឌកំពូល។
នៅម៉ោង៣ និង៣០នាទីដដែល គិរីវង់សុខសែនជ័យ ត្រូវស្វាគមន៍ អាស៊ី អឺរ៉ុប យូណាយធីត នៅកីឡដ្ឋានគិរីវង់។ កាលពីឆ្នាំមុន គិរីវង់បានលេខ៨ រីឯអាស៊ីអឺរ៉ុបលេខ១០ ដោយអាស៊ីអឺរុបបានយកឈ្នះ ១-០ នៅជុំដំបូង តែគិរីវង់បានឈ្នះ ៣-១ វិញ សម្រាប់ការប្រកួតដណ្តើមចំណាត់ថ្នាក់។
ឈានដល់ម៉ោង៦ និង៣០នាទី វិសាខាបើកកីឡដ្ឋានព្រីនស៍ ទទួលក្រុមកងយោធពលខេមរភូមិន្ទ។ ក្រុមទាំង២មានពិន្ទុប្រហាក់ប្រហែលគ្នាកាលពីរដូវកាលមុន ដោយកងយោធពលខេមរភូមិន្ទលេខ៤ រីឯវិសាខាលេខ៥។ ក្រុមទ័ព បានយកឈ្នះទាំងពីរប្រកួតក្នុងលទ្ធផល ១-០ និង២-០ នាជំនួបចុងក្រោយ៕
លទ្ធផលកាលពីថ្ងៃសៅរ៍៖
-សូលទីឡូអង្គរ ១-៧ ភ្នំពេញក្រោន
-អគ្គិសនីកម្ពុជា ៣-២ នគរបាលជាតិ
-ខេត្តព្រៃវែង ១-១ អង្គរថាយហ្គឺរ៕
Tag:
MCL2021
© រក្សាសិទ្ធិដោយ thmeythmey.com
