COVID-19
ជាតិ
វិជ្ជមាន COVID-19 ចំនួន៣៩ នាក់បន្ថែមទៀតពាក់ព័ន្ធនឹងព្រឹត្តិការណ៍២០កុម្ភៈទាំងអស់
×![]()
ដោយ: សារព័ត៌មានថ្មីៗ
មនុស្សចំនួន៣៩នាក់ទៀត វិជ្ជមានកូវីដ-១៩ នៅកម្ពុជា។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាលនាព្រឹកថ្ងៃសៅរ៍ ទី១៣ ខែមីនា ឆ្នាំ២០២១ ដែលអ្នកទាំងនោះ សុទ្ធតែពាក់ព័ន្ធនឹងករណីសហគមន៍២០កុម្ភៈ។ គិតមកដល់ពេលនេះ កម្ពុជាមានអ្នកឆ្លងកូវីដ-១៩ សរុប១២៦៤នាក់។ ករណីសហគមន៍២០កុម្ភៈ មានដល់ទៅ៧៥១នាក់ ដែលស្ថិតក្នុងរាជធានីភ្នំពេញ កណ្តាល ព្រះសីហនុ ព្រៃវែង ស្វាយរៀង កោះកុង កំពង់ធំ កំពង់ចាម សៀមរាប និងបាត់ដំបង។
តាមសេចក្តីប្រកាសរបស់ក្រសួងសុខាភិបាល ក្នុងចំណោមអ្នកឆ្លងសហគមន៍ទាំង៣៩នាក់នេះ មានអ្នករស់នៅភ្នំពេញ២០នាក់ ,កណ្តាល ៥នាក់, ព្រៃវែង ១៣នាក់, និងខេត្តព្រះសីហនុ១នាក់។ ចំពោះករណីនៅភ្នំពេញ អ្នកកើតមាននៅដូនពេញ ខណ្ឌឫស្សីកែវ ខណ្ឌមានជ័យ ខណ្ឌសែនសុខ ខណ្ឌពោធិ៍សែនជ័យ ខណ្ឌកំបូល និងខណ្ឌចំការមន។
ទន្ទឹមនឹងនេះ ក្រសួងក៏បានប្រកាសមានអ្នកសះស្បើយចំនួន៤នាក់ដែរ ដែលជាអ្នកពាក់ព័ន្ធនឹងព្រឹត្តិការណ៍២០កុម្ភៈ។
គិតមកដល់ពេលនេះ កម្ពុជាមានអ្នកឆ្លងកូវីដ-១៩ សរុប ១២៦៤នាក់។ ករណីសហគមន៍២០កុម្ភៈ មានដល់ទៅ៧៥១នាក់ ដែលស្ថិតក្នុងរាជធានីភ្នំពេញ កណ្តាល ព្រះសីហនុ ព្រៃវែង ស្វាយរៀង កោះកុង កំពង់ធំ កំពង់ចាម សៀមរាប និងបាត់ដំបង។ អ្នកជំងឺចំនួន ៦៣៩នាក់ទៀតកំពុងបន្តសម្រាកព្យាបាល រីឯម្នាក់ បានស្លាប់កាលពីថ្ងៃទី១១ខែមីនា៕
© រក្សាសិទ្ធិដោយ thmeythmey.com
