ស្ថានទូតចិន បានបញ្ជាក់ថា ការប្រគល់វ៉ាក់សាំងកូវីដ-១៩ នេះ ក្នុងទិសដៅលើកកម្ពស់មិត្តភាពរវាងបក្សកុម្មុយនីស្តចិន និងគណបក្សប្រជាជនកម្ពុជា ។ជាពិសេសពង្រឹងកិច្ចសហប្រតិបត្តិការ ប្រយុទ្ធប្រឆាំងវិបត្តិជំងឺកូវីដ-១៩ ។ 
 

តាមរយៈកិច្ចសហការគ្នានេះ នាយកដ្ឋានអន្តរជាតិ នៃគណៈកម្មាធិការមជ្ឈិមរបស់គណបក្សកុម្មុយនិស្តចិន បានសម្រេចបរិច្ចាគវ៉ាក់សាំងកូវីដ-១៩ ចំនួន ៣,០០០ដូស ទៅកាន់គណបក្សហ៊្វុនស៊ិនប៉ិច។ ស្ថានទូតចិន បានបញ្ជាក់ថា គណបក្សហ្វ៊ុនស៊ិនប៉ិច នឹងទទួលបានវ៉ាក់សាំងកូវីដ-១៩ តាមរយៈជំនួយកញ្ចប់ទី២ ដែលចិនបរិច្ចាគឱ្យកម្ពុជា។ «សូមគណបក្សហ្វ៊ុនស៊ិនប៉ិច ចាត់តាំងបុគ្គលសម្រាប់ការទាក់ទង ហើយរៀបចំដំណើរការទទួលយកវ៉ាក់សាំង ជាមួយក្រសួងសុខាភិបាល របស់ព្រះរាជាណាចក្រកម្ពុជា»។ នេះបើតាមលិខិតរបស់ស្ថានទូតចិន។