COVID-19
ជាតិ
សកម្មភាពរៀបចំដឹកអ្នកជំងឺ កូវីដ១៩ ទៅព្យាបាលកន្លងមកនៅក្នុងភូមិសាស្ត្ររដ្ឋបាលខណ្ឌដូនពេញ
×![]()
ដោយ: សារព័ត៌មានថ្មីៗ
មនុស្ស៩៦នាក់ទៀតតេស្តវិជ្ជមានកូវីដ-១៩ ខណៈអ្នកសះស្បើយមាន១៨នាក់បន្ថែមទៀត។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល នាព្រឹកថ្ងៃសុក្រទី២៦ ខែមីនា។ ក្នុងចំណោមករណីវិជ្ជមានថ្មី ភាគច្រើនស្ថិតនៅខេត្តកណ្តាល។
ក្នុងចំណោមករណីទាំង៩៦ មាន៧៣ករណីនៅខេត្តកណ្តាល ២១ករណីនៅភ្នំពេញ ១ករណីនៅស្វាយរៀង និង១ករណីនៅត្បូងឃ្មុំ។
៧៣ករណីនៅកណ្តាល មានដល់ទៅ៦៤នាក់ដែលមានអាសយដ្ឋាននៅឃុំសំពៅពូន ស្រុកកោះធំ ដោយមានអ្នកជំងឺជាជនជាតិខ្មែរ ចិន និងវៀតណាម ហើយអ្នកជំងឺត្រូវបានដាក់ឲ្យសម្រាកព្យាបាលនៅសណ្ឋាគារ ជីង យ៊ុង ក្នុងឃុំសំពៅពូន ផ្ទាល់។ រីឯ៩ករណីទៀត សុទ្ធតែជាជនជាតិខ្មែរ អាសយដ្ឋាននៅឃុំរកាខ្ពស់ ស្រុកស្អាង ដោយដាក់ឲ្យសម្រាកព្យាបាលនៅមន្ទីរពេទ្យជ័យជម្នះ ខេត្តកណ្តាល។
នៅភ្នំពេញ មាន២១ករណី ដោយ១៩ករណីត្រូវបានដាក់ឲ្យសម្រាកព្យាបាលនៅសណ្ឋាគារក្រេតឌុត និង១ករណីនៅមន្ទីរពេទ្យមិត្តភាពខ្មែរសូវៀត។ ករណី១ទៀត ជាអ្នកជំងឺអាយុ៥៥ឆ្នាំ អាសយដ្ឋាននៅស្រុកខ្សាច់កណ្តាល ដែលត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរសូវៀត និងទទួលមរណភាពនៅថ្ងៃដដែល ដោយសាររលាកសួតសងខាងធ្ងន់ធ្ងរ និងជាករណីស្លាប់ទី៨នៅកម្ពុជា។
១ករណីនៅស្វាយរៀង ជាបុរសជនជាតិចិនអាយុ២៧ឆ្នាំ ត្រូវបានដាក់ឲ្យសម្រាកព្យាបាលនៅមន្ទីរពេទ្យស្វាយរៀង និង១ករណីនៅត្បូងឃ្មុំ ជាកុមារីអាយុ៩ឆ្នាំ អាសយដ្ឋាននៅឃុំទន្លូង ស្រុកមេមត់ ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យខេត្ត។
ចំណែកអ្នកជំងឺ១៨នាក់ ដែលបានជាសះស្បើយ មាន៨នាក់ត្រូវបានអនុញ្ញាតឲ្យចេញពីមន្ទីរពេទ្យខេត្តព្រះសីហនុ ៧នាក់ពីមជ្ឈមណ្ឌលជាតិកំចាត់រោគរបេង និងហង់សិន និង២នាក់ពីមន្ទីរពេទ្យបង្អែកបារាយណ៍-សន្ទុក ខេត្តកំពង់ធំ។
គិតមកដល់ពេលនេះ កម្ពុជាមានអ្នកឆ្លងកូវីដ-១៩ សរុប១៩៦៨នាក់ ក្នុងនោះ១៤៤៤នាក់ពាក់ព័ន្ធករណីសហគមន៍២០កុម្ភៈ។ អ្នកជំងឺសរុប១០៧៤នាក់ក៏បានជាសះស្បើយ រីឯ៨នាក់បានស្លាប់។ ករណីសហគមន៍២០កុម្ភៈ មាននៅរាជធានីភ្នំពេញ កណ្តាល ព្រះសីហនុ ព្រៃវែង សៀមរាប កំពង់ធំ កំពង់ចាម កោះកុង ស្វាយរៀង តាកែវ បាត់ដំបង ត្បូងឃ្មុំ និងកែប៕
ក្នុងចំណោមករណីទាំង៩៦ មាន៧៣ករណីនៅខេត្តកណ្តាល ២១ករណីនៅភ្នំពេញ ១ករណីនៅស្វាយរៀង និង១ករណីនៅត្បូងឃ្មុំ។
៧៣ករណីនៅកណ្តាល មានដល់ទៅ៦៤នាក់ដែលមានអាសយដ្ឋាននៅឃុំសំពៅពូន ស្រុកកោះធំ ដោយមានអ្នកជំងឺជាជនជាតិខ្មែរ ចិន និងវៀតណាម ហើយអ្នកជំងឺត្រូវបានដាក់ឲ្យសម្រាកព្យាបាលនៅសណ្ឋាគារ ជីង យ៊ុង ក្នុងឃុំសំពៅពូន ផ្ទាល់។ រីឯ៩ករណីទៀត សុទ្ធតែជាជនជាតិខ្មែរ អាសយដ្ឋាននៅឃុំរកាខ្ពស់ ស្រុកស្អាង ដោយដាក់ឲ្យសម្រាកព្យាបាលនៅមន្ទីរពេទ្យជ័យជម្នះ ខេត្តកណ្តាល។
នៅភ្នំពេញ មាន២១ករណី ដោយ១៩ករណីត្រូវបានដាក់ឲ្យសម្រាកព្យាបាលនៅសណ្ឋាគារក្រេតឌុត និង១ករណីនៅមន្ទីរពេទ្យមិត្តភាពខ្មែរសូវៀត។ ករណី១ទៀត ជាអ្នកជំងឺអាយុ៥៥ឆ្នាំ អាសយដ្ឋាននៅស្រុកខ្សាច់កណ្តាល ដែលត្រូវបានដាក់ឲ្យសម្រាកព្យាបាលនៅមន្ទីរពេទ្យមិត្តភាពខ្មែរសូវៀត និងទទួលមរណភាពនៅថ្ងៃដដែល ដោយសាររលាកសួតសងខាងធ្ងន់ធ្ងរ និងជាករណីស្លាប់ទី៨នៅកម្ពុជា។
១ករណីនៅស្វាយរៀង ជាបុរសជនជាតិចិនអាយុ២៧ឆ្នាំ ត្រូវបានដាក់ឲ្យសម្រាកព្យាបាលនៅមន្ទីរពេទ្យស្វាយរៀង និង១ករណីនៅត្បូងឃ្មុំ ជាកុមារីអាយុ៩ឆ្នាំ អាសយដ្ឋាននៅឃុំទន្លូង ស្រុកមេមត់ ហើយត្រូវបានដាក់ឲ្យសម្រាកព្យាបាលនៅមន្ទីរពេទ្យខេត្ត។
ចំណែកអ្នកជំងឺ១៨នាក់ ដែលបានជាសះស្បើយ មាន៨នាក់ត្រូវបានអនុញ្ញាតឲ្យចេញពីមន្ទីរពេទ្យខេត្តព្រះសីហនុ ៧នាក់ពីមជ្ឈមណ្ឌលជាតិកំចាត់រោគរបេង និងហង់សិន និង២នាក់ពីមន្ទីរពេទ្យបង្អែកបារាយណ៍-សន្ទុក ខេត្តកំពង់ធំ។
គិតមកដល់ពេលនេះ កម្ពុជាមានអ្នកឆ្លងកូវីដ-១៩ សរុប១៩៦៨នាក់ ក្នុងនោះ១៤៤៤នាក់ពាក់ព័ន្ធករណីសហគមន៍២០កុម្ភៈ។ អ្នកជំងឺសរុប១០៧៤នាក់ក៏បានជាសះស្បើយ រីឯ៨នាក់បានស្លាប់។ ករណីសហគមន៍២០កុម្ភៈ មាននៅរាជធានីភ្នំពេញ កណ្តាល ព្រះសីហនុ ព្រៃវែង សៀមរាប កំពង់ធំ កំពង់ចាម កោះកុង ស្វាយរៀង តាកែវ បាត់ដំបង ត្បូងឃ្មុំ និងកែប៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
