COVID-19
ជាតិ
បុរសអាយុ៥៥ឆ្នាំម្នាក់ស្លាប់ មុនតេស្តសំណាកឃើញវិជ្ជមានកូវីដ-១៩ ជាករណីស្លាប់ទី៨នៅកម្ពុជា
× បុរសអាយុ៥៥ឆ្នាំ ម្នាក់បានបាត់បង់ជីវិតកាលពីវេលាម៉ោង៤រសៀលថ្ងៃទី២៥ ខែមីនា ឆ្នាំ២០២១។ បើតាមការផ្សាយរបស់ក្រសួងសុខាភិបាល។
អ្នកជំងឺមានអាសយដ្ឋាននៅភូមិក្តីចាស់ ឃុំព្រែកលួង ស្រុកខ្សាច់កណ្តាល ខេត្តកណ្តាល បានធ្លាក់ខ្លួនឈឺដោយក្តៅខ្លួន និងក្អកប្រហែលជា៣ ទៅ៤ថ្ងៃមុនស្លាប់ ដោយសភាពកាន់ធ្ងន់ទៅ ក៏បានចូលសម្រាកព្យាបាលនៅមន្ទីរពេទ្យមិត្តភាពខ្មែរ-សូវៀត នៅវេលាម៉ោង៣ និង៣០នាទី នាថ្ងៃទី២៥ ខែមីនា។
ដោយការសង្ស័យ ក្រុមគ្រូពេទ្យបានយកវត្ថុសំណាកទៅវិភាគភ្លាមៗ លទ្ធផលបង្ហាញថា គាត់មានវិជ្ជមានកូវីដ-១៩ នាវេលាម៉ោង១១យប់ថ្ងៃដដែល។ ការស្លាប់បាត់បង់ជីវិតរបស់អ្នកជំងឺនេះ ដោយសារតែការវាយលុកសួតសាហាវលឿន និងធ្ងន់ធ្ងរខ្លាំងពេក។
ករណីស្លាប់ថ្មីធ្វើឲ្យចំនួនអ្នកស្លាប់ដោយសារកូវីដ-១៩នៅកម្ពុជាឡើងដល់៨នាក់ ដោយអ្នកជំងឺ៧នាក់ដែលទទួលមរណភាពកន្លងមកមាន បុរសអាយុ៥០ឆ្នាំ, ស្ត្រីអាយុ៦២ឆ្នាំ (ភរិយាតារាចម្រៀង ហួរ ឡាវី), បុរសអាយុ៤៦ឆ្នាំ, បុរសអាយុ៧៥ឆ្នាំ (វេជ្ជបណ្ឌិត ស្តើង ជា) និងស្ត្រីអាយុ៦២ឆ្នាំ (ម្តាយតារាកំប្លែងស្រីពីន), បុរសចិនអាយុ៤៣ឆ្នាំ និងបុរសខ្មែរអាយុ៣៨ឆ្នាំ (DJ Boom)៕
© រក្សាសិទ្ធិដោយ thmeythmey.com