COVID-19
ជាតិ
ស្ត្រីខ្មែរអាយុ៥៦ឆ្នាំម្នាក់ទៀត ស្លាប់ដោយសារជំងឺកូវីដ-១៩ ជាករណីទី១២ នៅកម្ពុជា
×![]()
ដោយ: ខន ចំប៉ា
ស្ត្រីខ្មែរម្នាក់ទៀត អាយុ ៥៦ឆ្នាំ បានស្លាប់បាត់បង់ជីវិត ដោយសារជំងឺកូវីដ-១៩ ដែលនេះជាករណីទី១២ នៅកម្ពុជា។ បើតាមសេចក្តីប្រកាសព័ត៌មានរបស់ក្រសួងសុខាភិបាល ក្រុមគ្រូពេទ្យ បានសន្និដ្ឋានថា អ្នកជំងឺបាត់បង់ជីវិត ព្រោះតែវិបត្តិផ្លូវដង្ហើមធ្ងន់ធ្ងរ និងរលាកសួតទាំងសងខាងធ្ងន់ធ្ងរ បណ្តាលមកពីជំងឺកូវីដ-១៩។ 
តាមក្រសួងសុខាភិបាល អ្នកជំងឺ បានចូលសម្រាកនៅមន្ទីរពេទ្យមិត្តភាពខ្មែរ-សូវៀត នៅថ្ងៃទី២៦ មីនា។ អ្នកជំងឺមានសភាពធ្ងន់ធ្ងរ តាំងពីថ្ងៃចូលសម្រាកដំបូង ដែលតម្រូវឱ្យក្រុមគ្រូពេទ្យ ប្រើប្រាស់ម៉ាស៊ីនជំនួយដង្ហើម ដើម្បីជួយសង្គ្រោះ។ ប៉ុន្តែទោះជាមានការខិតខំជួយសង្គ្រោះតាមបច្ចេកទេសយ៉ាងណាក៏ដោយ ក៏ស្ថានភាពអ្នកជំងឺមិនធូរស្បើយ ហើយបានស្លាប់នៅម៉ោង ១០ និង៣៧នាទី ព្រឹកថ្ងៃទី ៣១ មីនានេះ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល។
តាមក្រសួងសុខាភិបាល អ្នកជំងឺ បានចូលសម្រាកនៅមន្ទីរពេទ្យមិត្តភាពខ្មែរ-សូវៀត នៅថ្ងៃទី២៦ មីនា។ អ្នកជំងឺមានសភាពធ្ងន់ធ្ងរ តាំងពីថ្ងៃចូលសម្រាកដំបូង ដែលតម្រូវឱ្យក្រុមគ្រូពេទ្យ ប្រើប្រាស់ម៉ាស៊ីនជំនួយដង្ហើម ដើម្បីជួយសង្គ្រោះ។ ប៉ុន្តែទោះជាមានការខិតខំជួយសង្គ្រោះតាមបច្ចេកទេសយ៉ាងណាក៏ដោយ ក៏ស្ថានភាពអ្នកជំងឺមិនធូរស្បើយ ហើយបានស្លាប់នៅម៉ោង ១០ និង៣៧នាទី ព្រឹកថ្ងៃទី ៣១ មីនានេះ។ នេះបើតាមសេចក្តីប្រកាសព័ត៌មានរបស់ក្រសួងសុខាភិបាល។
អ្នកស្លាប់ដោយសារកូវីដ-១៩ ១១នាក់កន្លងមកនៅកម្ពុជាមាន បុរសអាយុ៥០ឆ្នាំ, ស្ត្រីអាយុ៦២ឆ្នាំ (ភរិយាតារាចម្រៀង ហួរ ឡាវី), បុរសអាយុ៤៦ឆ្នាំ, បុរសអាយុ៧៥ឆ្នាំ (វេជ្ជបណ្ឌិត ស្តើង ជា) និងស្ត្រីអាយុ៦២ឆ្នាំ (ម្តាយតារាកំប្លែងស្រីពីន), បុរសចិនអាយុ៤៣ឆ្នាំ និងបុរសខ្មែរអាយុ៣៨ឆ្នាំ (DJ Boom), បុរសអាយុ៥៥ឆ្នាំ, ស្ត្រីអាយុ៧២ឆ្នាំ, ស្ត្រីអាយុ៧៦ឆ្នាំ, បុរសអាយុ៧៨ឆ្នាំ (ស្លាប់នៅផ្ទះ) ។
គិតមកដល់ពេលនេះ អ្នកកើតកូវីដ-១៩សរុបនៅកម្ពុជាឡើងដល់ ២ ៤៤០នាក់ ដែលក្នុងនោះ ១ ៩១៤ នាក់ ស្ថិតក្នុងករណីសហគមន៍២០កុម្ភៈ ដែលរាលដាលក្នុងរាជធានីភ្នំពេញ ខេត្តកណ្តាល ព្រះសីហនុ សៀមរាប ព្រៃវែង ស្វាយរៀង កោះកុង កំពង់ចាម កំពង់ធំ ត្បូងឃ្មុំ កែប តាកែវ កំពត និងបាត់ដំបង។ អ្នកសះស្បើយសរុបមាន ១ ១៩១នាក់ អ្នកស្លាប់មាន១២នាក់ រីឯ៤នាក់ទៀត ស្លាប់ដោយសារជំងឺផ្សេងៗ នាអំឡុងពេលព្យាបាលកូវីដ-១៩ ៕
© រក្សាសិទ្ធិដោយ thmeythmey.com
«នាំអាត» និង«នាំអាទិ៍»មួយណាត្រឹមត្រូវ?
1 សប្តាហ៍
