នូវែលសេឡង់ គ្មានករណីសហគមន៍អស់រយៈពេលជាង៤០ថ្ងៃជាប់គ្នា ប៉ុន្តែកាលពីសប្តាហ៍មុន សម្រាប់តែមានការប្រកាសករណីវិជ្ជមានថ្មីមួយ ដោយអ្នកជំងឺជាមន្ត្រីព្រំដែន ដែលបានខកខានទៅចាក់វ៉ាក់សាំងរហូតដល់ទៅពីរលើក។ ក្រោយមក មានការឆ្លងពីរករណីទៀត។

 

ក្នុងជំនួបជាមួយអ្នកសារព័ត៌មាន លោកស្រី Ardern បានបញ្ជាក់ថា៖ «នៅចុងខែមេសានេះ អ្នកដែលមិនទាន់ចាក់វ៉ាក់សាំង នឹងមិនអនុញ្ញាតឲ្យបន្តការងារនៅតំបន់ដែលប្រឈមខ្ពស់នៅឡើយ ហើយនឹងត្រូវផ្លាស់ប្តូរតួនាទីផងដែរ»។

 

នាយករដ្ឋមន្ត្រីនូវែលសេឡង់រូបនេះ បានបញ្ជាក់ថា បច្ចុប្បន្ន មន្ត្រីព្រំដែនប្រមាណ៨៦ភាគរយហើយ ដែលបានចាក់វ៉ាក់សាំងកូវីដ-១៩។ 

 

តាមរបាយការណ៍ដែលកត់ត្រាដោយ Worldometers.info គិតត្រឹមរសៀលថ្ងៃចន្ទ ទី១៣ ខែមេសានេះ នូវែលសេឡង់ មានអ្នកឆ្លងកូវីដ-១៩ចំនួន២៥៨៣នាក់ ក្នុងនោះស្លាប់២៦នាក់ និងជាសះស្បើយ ២៤៥៧នាក់៕