COVID-19
ជាតិ
×![]()
ភ្នំពេញ៖ អាជ្ញាធររឹតបន្តឹងការធ្វើដំណើររបស់ប្រជាពលរដ្ឋ នៅលើដងមហាវិថីសម្ដេចតេជោសែន ឬ៦០ម៉ែត្រ នៅព្រឹកថ្ងៃទី១៥ មេសានេះ តាមវិធានការបិទខ្ទប់ (Lockdown) របស់ប្រមុខរដ្ឋាភិបាល ដែលដាក់ចេញកាលពីថ្ងៃទី១៤ មេសា។ 
នៅលើផ្លូវ៦០ម៉ែត្រនេះ អាជ្ញាធរ បានហាមពលរដ្ឋដែលគ្មានភារកិច្ចចាំបាច់ មិនឱ្យធ្វើដំណើរឆ្លងកាត់នោះទេ។ សម្រាប់ពលរដ្ឋ ឬអ្នកដឹកជញ្ជូនទំនិញ ដែលត្រូវបានអនុញ្ញាតឆ្លងកាត់នោះ គឺទាល់តែមានឯកសារ ឬលិខិតបញ្ជាក់បេសកកម្មការងារ ពីថ្នាក់ដឹកនាំក្រសួង ស្ថាប័នរដ្ឋ និងឯកជន ទើបអាជ្ញាធរអនុគ្រោះឱ្យធ្វើដំណើរ។ ចំណែកអាជីវករ ឬអ្នករកស៊ី ,អ្នកមានបញ្ហាសុខភាព និងអ្នកត្រូវចាក់វ៉ាក់សាំងបង្ការជំងឺកូវីដ-១៩ នោះ ក៏ត្រូវបានអាជ្ញាធរអនុញ្ញាតឱ្យធ្វើដំណើរដែរ។
សូមទស្សនាវីដេអូខាងក្រោម៖
ប្រមុខរដ្ឋភិបាល សម្តេច ហ៊ុន សែន បានចេញសេចក្តីសម្រេចមួយ នៅម៉ោងជិត១១យប់ ថ្ងៃទី១៤ ខែមេសា ឆ្នាំ២០២១នេះ ស្តីពីការបិទខ្ទប់ (Lockdown) ភូមិសាស្ត្ររាជធានីភ្នំពេញទាំងមូល និងភូមិសាស្ត្រក្រុងតាខ្មៅនៃខេត្តកណ្តាល។
ក្នុងការបិទខ្ទប់នេះ រដ្ឋាភិបាល មិនអនុញ្ញាតឲ្យប្រជាពលរដ្ឋក្នុងភូមិសាស្ត្ររាជធានីភ្នំពេញនិងប្រជាពលរដ្ឋក្នុងភូមិសាស្ត្រក្រុងតាខ្មៅ ចេញពីផ្ទះឬកន្លែងរស់នៅបច្ចុប្បន្នឡើយ។ រដ្ឋាភិបាល មិនហាមឃាត់ដាច់ណាត់ មិនឲ្យប្រជាពលរដ្ឋ ចេញពីផ្ទះនោះទេ ដោយមានករណីលើកលែងមួយចំនួន ដូចជាពលរដ្ឋត្រូវបំពេញការងារ អាជីកម្ម សេវាកម្មដឹកជញ្ជូន និងមានបញ្ហាសុខភាពជាដើម។
Tag:
Lockdown
COVID-19
© រក្សាសិទ្ធិដោយ thmeythmey.com
