បន្ទាប់ពីទ្រាំទ្រជាមួយជំងឺមហារីកជាច្រើនឆ្នាំ លោក Damian Lewis ដែលត្រូវជាស្វាមី បានប្រកាសពីមរណភាពរបស់លោកស្រី Helen McCroryនៅថ្ងៃទី១៦ ខែមេសា។ ស្វាមីលោកស្រី បានរៀបរាប់ថា លោកខូចចិត្តជាខ្លាំង ចំពោះការបាត់បង់ភរិយាដែលស្អាត និងពូកែម្នាក់។ 

 

ចំណែកលោក Cillian Murphy ដែលមិត្តរួមការងារក្នុងរឿងPeaky Blinders បានការចូលរួមរំលែកទុក្ខ និងសោកស្តាយយ៉ាងខ្លាំង ចំពោះការបាត់បង់លោកស្រី Helen។ លោក Cillian Murphy ឬ Thomas Shelby នៅលើបណ្តាញសង្គម Instagram បានចូលរួមការសោកស្តាយចំពោះដំណឹមួយនេះ និងចាត់ទុកលោកស្រីHelen ជា«ស្ត្រីក្លាហាន និងអស្ចារ្យ»មួយរូប។ ក្រៅពីនេះ មិត្តរួមការងារក្នុងរឿង Peaky Blinders ផ្សេងទៀត ក៏បានចូលរួមរំលែកទុក្ខចំពោះការបាត់បង់វត្តមានរបស់លោកស្រីផងដែរ។ 

 

សូមបញ្ជាក់ថា ក្រៅពីរឿង Peaky Blinder លោកស្រីHelen ក៏បានសម្តែងក្នុងរឿង Harry Potter, Fearless, MotherFatherSon, និងភាពយន្ត និងកម្មវិធីទូរទស្សន៍ជាច្រើនទៀត៕