លោក អ៊ុំ រាត្រី អភិបាលខេត្តបន្ទាយមានជ័យបានរៀបរាប់ក្នុងសេចក្ដីជូនដំណឹងដូច្នេះ៖«ក្នុងករណីត្រួតពិនិត្យឃើញថាមានការលក់ថ្លៃលើស ឬថ្ងៃហួសហេតុ ត្រូវចាត់វិធានការផាកពិន័យ ឬបញ្ឈប់ ឬដកអាជ្ញាបណ្ណបណ្ដោះអាសន្ន ឬស្ថាពរ ព្រមទាំងចាត់វិធានការតាមផ្លូវច្បាប់ជាធរមាន»។

 

តាមអភិបាលខេត្តបន្ទាយមានជ័យ វិធានការនេះដើម្បីដើម្បីជួយសម្រួលដល់ជីវភាពប្រជាពលរដ្ឋ អំឡុងការរាតត្បាតនៃវីរុសកូវីដ-១៩។ បន្ថែមលើការទប់ស្កាត់ការឡើងថ្លៃទំនិញ លោកអភិបាលខេត្តបន្ទាយមានជ័យ បានរៀបចំទីតាំងផ្សារសម្រាប់ពលរដ្ឋរស់នៅតំបន់បិទខ្ទប់ ក្នុងប៉ោយប៉ែត ងាយស្រួលរកទិញគ្រឿងឧបភោគ បរិភោគ ដែលមានតម្លៃទាបជាងទីផ្សារផងដែរ។

 

សូមជម្រាបថា គិតត្រឹមថ្ងៃទី២៧មេសា ខេត្តបន្ទាយមានជ័យ បានរកឃើញអ្នកវិជ្ជមានកូវីដ-១៩ ចំនួន ១៧១នាក់ ដែលភាគច្រើនជាជនជាតិឥណ្ឌូណេស៊ី។ ដើម្បីទប់ស្កាត់ការឆ្លងរាលដាលកាន់តែធ្ងន់ធ្ងរ អាជ្ញាធរ បានសម្រេចបិទអនុវត្តបម្រាមគោចរ ពីម៉ោង៨យប់ ដល់ម៉ោង៥ភ្លឺ រយៈពេល២សប្តាហ៍ ចាប់ពីយប់ថ្ងៃទី២៦ ខែមេសា ដល់ថ្ងៃទី៩ឧសភា ឆ្នាំ២០២១ ។ បន្ថែមពីនេះ អាជ្ញាធរបានបិទខ្ទប់ការធ្វើដំណើរចេញ-ចូលនៅភូមិសាស្ត្រ ក្រុងប៉ោយប៉ែត និងផ្លូវនានាដែលមានព្រំដែនជាមួយព្រំដែនប្រទេសថៃ រួមទាំងផ្អាកបណ្តោះអាសន្ន រាល់អាជីវកម្មកាស៊ីណូដែលមានអនុស្សារណៈជាមួយក្រសួងសុខាភិបាល ក្នុងខេត្តបន្ទាយមានជ័យផងដែរ៕