នាជំនួបលីគកំពូលអេស្ប៉ាញសប្តាហ៍ទី៣៣ នៅយប់ថ្ងៃទី២៩ ខែមេសា ប្រធានក្រុម Lionel Messi បានជួយ Barcelona នាំមុខមួយគ្រាប់មុនទៅហើយនៅនាទី២៣ តាមរយៈការបញ្ជូនរបស់ Antoine Griezmann។

 

ចូលដល់តង់ទី២ រឿងមិនគួរនឹកស្មានបានកើតឡើង បន្ទាប់ពីក្រុមភ្ញៀវ Granada វាយបកបានពីរគ្រាប់វិញដែលសម្រេចបានដោយ Darwin Machis នាទី៦៣ និង Jorge Molina នាទី៧៩។ ចប់ការប្រកួត ក្រុមអ្នកមានបុណ្យចាញ់ Granada ២-១។

 

បរាជ័យនេះ បានធ្វើឱ្យក្រុមលោក Ronald Koeman ខកឱកាសឡើងទៅឈរកំពូលតារាង La Liga ដោយស្ថិតនៅលេខ៣ដដែល។ Barca មាន៧១ពិន្ទុ ស្មើក្រុមលេខ២ Real Madrid និងតាមពីក្រោយក្រុមនាំមុខកំពូលតារាង Atletico Madrid ដែលមាន៧៣ពិន្ទុ។

 

ខណៈនៅសល់៥ប្រកួតទៀតនឹងត្រូវបញ្ចប់រដូវកាល ២០២-២១ មកទល់ពេលនេះក្រុម Top 4 ទាំងបួនសុទ្ធតែមានឱកាសប្រជែងពាន La Liga រៀងខ្លួន ដោយក្រុមលេខ៤  Sevilla ក៏មាន៧០ពិន្ទុផងដែរ៕