COVID-19
ជាតិ
COVID-19៖ វិជ្ជមាន៧៣០នាក់ ស្លាប់កើនឡើង១០៣នាក់
× ភ្នំពេញ៖ អ្នកជំងឺកូវីដ-១៩ នៅថ្ងៃទី២ ឧសភានេះ មានចំនួន៧៣០នាក់ ខណៈអ្នកជាសះស្បើយ១៦៩នាក់។ ចំណែកអ្នកស្លាប់ថ្មី ៦នាក់ទៀត ដែលកើនឡើង១០៣នាក់។ នេះបើតាមក្រសួងសុខាភិបាល។
អ្នកឆ្លងកូវីដ-១៩ ទាំង៧៣០នាក់ គឺមានតែ២នាក់ប៉ុណ្ណោះ ជាករណីនាំចូលពីក្រៅប្រទេសមកកម្ពុជា ក្រៅពីនេះ សុទ្ធតែជាករណីឆ្លងក្នុងសហគមន៍ នៃព្រឹត្តិការណ៍ ២០ កុម្ភៈ។
ក្នុងចំណោមអ្នកជំងឺទាំងនេះ គឺមាននៅភ្នំពេញ៤៥៤នាក់ ព្រះសីហនុ១២៤នាក់ កណ្ដាល១០៧នាក់ កំពង់ធំ១៤នាក់ តាកែវ១១នាក់ ព្រៃវែង៦នាក់ ត្បូងឃ្មុំ៥នាក់ កំពង់ចាម៤នាក់ សៀមរាប២នាក់ ស្ទឹងត្រែង១នាក់ កំពត១នាក់ និងពោធិ៍សាត់១នាក់។
ដោយឡែកអ្នកជាសះស្បើយ១៦៩នាក់វិញ សុទ្ធតែជាអ្នកពាក់ព័ន្ធនឹងព្រឹត្តិការណ៍សហគមន៍២០ កុម្ភៈ ខណៈអ្នកស្លាប់ថ្មី៦នាក់។
គិតមកដល់ពេលនេះ កម្ពុជាមានអ្នកជំងឺកូវីដ-១៩ ចំនួន១៤,៥២០ករណី ក្នុងនោះ១៣,៩៦៥នាក់ ពាក់ព័ន្ធព្រឹត្តិការណ៍សហគមន៍។ ចំណែកអ្នកជាសះស្បើយ៥,៣៦៩នាក់ និងស្លាប់១០៣នាក់។ អ្នកកំពុងសម្រាកនៅមន្ទីរពេទ្យ៩,០៤០នាក់៕
© រក្សាសិទ្ធិដោយ thmeythmey.com