COVID-19
កីឡាជាតិ
ជាតិ
គ្រូបង្វឹកអ្នកចាំទី ក្លិបអគ្គិសនីកម្ពុជា ឆ្លងកូវីដ-១៩ ខណៈលីគកំពូល ចាប់ផ្ដើមនៅចុងសប្ដាហ៍នេះ
×
ដោយ៖ នី ណារិទ្ធ
ភ្នំពេញ៖ លោក សោម ចំរើន គ្រូបង្វឹកអ្នកចាំទី នៃក្លិបកីឡាបាល់ទាត់អគ្គិសនីកម្ពុជា វិជ្ជមាន កូវីដ-១៩ នៅថ្ងៃទី១៤ ខែឧសភា ឆ្នាំ២០២១។ ក្រុមមន្ត្រីជំនាញ កំពុងស្វែងរកអ្នកដែលពាក់ព័ន្ធគ្រូបង្វឹករូបនេះ ដើម្បីធ្វើតេស្តសុខភាព។
លោក កែវ សារ៉េត អគ្គលេខាធិកាសហព័ន្ធកីឡាបាល់ទាត់កម្ពុជា បានបញ្ជាក់ថា គណៈកម្មាធិការជាតិរៀបចំការប្រកួត កំពុងស្រាវជ្រាវនិងប្រមូលអ្នកដែលពាក់ព័ន្ធមកធ្វើតេស្ត នឹងផ្អាកការប្រកួតរបស់ក្រុម EDC មួយរយៈពេលសិន ។
ដោយឡែកការប្រកួតលីគកំពូល នៃពានរង្វាន់មិត្តហ្វូនខេមបូឌានលីគ ២០២១ ដែលប្រព្រឹត្តទៅនៅចុងសប្ដាហ៍នេះ គឺនៅតែបន្តដំណើរការធម្មតា សម្រាប់ក្រុម ដែលគ្មានករណីផ្ទុះជំងឺកូវីដ-១៩ ។ នេះបើតាមលោក លោក កែវ សារ៉េត។
កម្ពុជា មានអ្នកឆ្លងកូវីដ-១៩ សរុប ២១,៤៩៩នាក់ហើយ ដោយករណីនាំចូលមាន៦១៤ករណី។ ចំណែកអ្នកជាសះស្បើយ៩,៨៦៧នាក់ ខណៈអ្នកស្លាប់ ១៤៧នាក់៕
© រក្សាសិទ្ធិដោយ thmeythmey.com