រដ្ឋបាល រាជធានីភ្នំពេញបានរកឃើញអ្នកវិជ្ជមានកូវីដ-១៩ ចំនួន ១៧៥នាក់បន្ថែមទៀត នៅថ្ងៃទី១៣ ខែឧសភា។ តាមរដ្ឋបាលរាជធានីភ្នំពេញ ក្នុងចំណោមអ្នកឆ្លងទាំង ១៧៥នាក់នោះ មានទារក និងកុមារដែលមានអាយុក្រោម១៥ឆ្នាំ សរុប៣៣នាក់។ 

 

អ្នកវិជ្ជមានដែលត្រូវបានរកឃើញនោះ ភាគច្រើនជាកម្មកររោងចក្រ, អាជីវករ,កម្មករសំណង់, អ្នកធាក់ស៊ីក្លូ និងអ្នករត់ម៉ូតូកង់បី, អ្នកដឹកជញ្ជូន,មន្ត្រីនគរបាល និងបុគ្គលិកក្រុមហ៊ុនជាដើម។ នេះបើមានសេចក្តីជូនដំណឹងរបស់រដ្ឋបាលរាជធានីភ្នំពេញ។

 

តាមរបាយការណ៍ដដែល អ្នកឆ្លងជំងឺកូវីដ-១៩ មានអ្នករស់នៅខណ្ឌឫស្សីកែវ,ខណ្ឌពោធិ៍សែនជ័យ,ខណ្ឌដូនពេញ,ខណ្ឌជ្រោយចង្វារ, ខណ្ឌមានជ័យ,ខណ្ឌដង្កោ, ខណ្ឌសែនសុខ, ខណ្ឌ៧មករា ,ខណ្ឌទួលគោក, ខណ្ឌបឹងកេងកង និងខណ្ឌចំការមន។

 

កម្ពុជា មានអ្នកឆ្លងកូវីដ-១៩ សរុប២១៤៩៩នាក់ហើយ ដោយករណីនាំចូលមាន៦១៤ករណី។ ចំណែកអ្នកជាសះស្បើយ៩៨៦៧នាក់ ខណៈអ្នកស្លាប់កើនដល់ ១៤៧នាក់៕